Nɔɔneŋ112
Walaŋ kpaakpaa kenyaŋee
1Ɛ lese Degbeŋgyoo yele.Baŋ bee yee Degbeŋgyoo,te wɔ mmaraase na gyoo be sia nɛ, baŋna nyeebam.2Be bia baa yɛɛ doŋ tɛɛle keŋ dɔɔ,Baa hiraa baŋ be gbɛɛneŋ tenɛɛ nɛ duuluŋ man bia.3Kede na wose kenyiŋ doo ba akpaŋalaŋ man kekpaakekpaa.be katenee gyae ke doo kekpaakekpaa.4Keŋmaŋee na lee detiŋtɛɛ man fa baŋ bɛɛ yɛɛ nombia kpaakpaa,na baŋ bɛɛ yɛɛ wɔe na baŋ bee wii balaŋ na baŋ ba tenɛɛ nɛ.5Ne dee fa baŋ be dana wɔe te bɛɛ paa balaŋ abɔɔ lee be konɔɔse man,na baŋ bɛɛ yɛɛ ba abɔɔ kegbɛɛ dɔɔ nɛ.6Ampaŋ baŋ ba tenɛɛ nɛ be gyae baa wosi ya,baa tɔɔse wɔ kekpaakekpaa.7Bɔɔ gyae baa yee nombiikum daale ya,be wɔe bɛɛ lɔ wɔ ya, bɛɛ mo ba wose lɔ Degbeŋgyoo dɔɔ.8Be wɔe te fɛɛ wɔ, bɔɔ yee kolo ya,ɔtoman na baa naa nyi be te di be kɔlara dɔɔ.9Be faa ayematena abɔɔ lee be konɔɔse man,be katenee doo kekpaakekpaa,baa lɛɛ yele na obuo.10Akpanyanyaŋtena baa naa na ka do wɔ baŋ,baa tao be kela na baa ŋaalaa,keŋ akpanyanyaŋtena ne gyae nɛ gyae ke yɛɛ yakaa.The Seed Company