Nɔɔneŋ110
Degbeŋgyoo na Ɔ gyoo ŋon ɔ ba lese nɛ
1Degbeŋgyoo yako me gbeŋgyoo nyi,<<Kyaa me dunoluŋ dɔɔ,kelii debaŋ keŋ maa mo n kɔlara do n nawɔɔtɛɛ.>>2Degbeŋgyoo waa fɛlɛɛ n gyooridedii doŋ keŋ lee Siyɔn, na waa yako nyiaa,<<Di gyoori n kɔlara man.>>3N yoonɔɔtena baa mo ba wose fa,n yoo wee keŋ.Baa desina ba wose gyoorobiiri fereŋkyeŋ man,n tewulɛɛ baa kɔŋ n gyaŋ,ŋgba nebo nebo obosuo nɛ.4Degbeŋgyoo te kaŋ ntam,te ɔ be gyae waa kyɛɛkee ɔ nyeempɔ ya,<<N yɛɛ Wurubuarɛ sae e kekpaakekpaa,lee Mɛkesɛdɛke kasee kegyakaare man.>>5Degbeŋgyoo seŋɛɛ n dunoluŋ dɔɔ,waa yɛlɛɛ gyooneŋ ɔ baŋ wee keŋ.6Waa di tɛɛlese nombia, waa yilaa woya baŋ,na waa yɛlɛɛ tɛɛle pou dɔɔ gyooneŋ.7Waa nyɔɔ boŋobii keŋ doo gbɛɛnaa man nɛ loŋ,mena dɔɔ waa yoodi.The Seed Company