Nɔɔneŋ108
Kefane fa kekyɔ lee kɔlara dɔɔ
1Ao Wurubuarɛ, me wɔe te fɛɛ maŋ,Maa kpee nɔɔneŋ na maa lese n yele lee me konɔɔ pou man.2Adolɛɛ na akyakaa, ɛ foŋ,maa gyuusu tɛɛkena.3Degbeŋgyoo, maa lese n yele tɛɛlese man,maa kpee yele kalese nɔɔneŋ fa neŋ balaŋ man.4Nawolo nyi n kegyae boe, te ka korɛɛ kela adido adido,nya anokoare kedi ne lii ŋɔma man.5Ao Wurubuarɛ, gyina n wose kela adido adido,yela n gyoorobiiri ke lɛɛ tɛɛle pou dɔɔ.6Mo n dunoluŋ nyiŋmaa lɛɛ daa na n ke kyɔ daa,na n ke lɛɛ baŋ n ne gyae wɔ nideli nɛ.7Wurubuarɛ te kolosi lee ɔ dekyae fereŋkyeŋ keŋ man,<<Maa mo keyoodi kpase Sekem man,na maa kpase Sukɔte detaŋgya keŋ mɔ man.8Gileade yɛɛ me wui, Manase mɔ yɛɛ me wui,Ɛferayim yɛna ma nyeele kotɔtɔɔ,Yuda yɛna me gyooro gbutu.9Moabe yɛna me tasa anefaafoŋ abɔɔ,Ɛdom dɔɔ te mɛɛ kpee maŋ nkyokotase fuŋ lɔ,maa fae keyoodi yeesa Filisitena dɔɔ.>>10Amɔte ne gyaela waa mo maŋ gyu donɔɔ dinaa keŋ bɔɔ baŋ dekyaŋ kilisi ke nɛ man?Amɔte ne gyaela waa ta me siaman gyu Ɛdom?11Na nyaŋ Wurubuarɛ ŋon n be bɛɛ daa,te n bɛɛ tekaa kpuna de yoonɔɔtena nɛ yee?12Kyɔ daa na dɛɛ tale seŋ de kɔlara siaman,nawolo nyi deniwalaŋ kekyɔ yɛɛ yakaa.13Nyi Wurubuarɛ kpuɛna daa na dee yoo di,ŋon ne gyaela waa sakatee de kɔlara baŋ.The Seed Company