योहान11
1मरिया आन तियीइ बोअह्हीं मार्थाआ गांव बेथानीमेहें लाजर नावोअ एक माटी मांदवाड़्यू ओतू.2ए तेज मरिया ओती जियी प्रभु पोअ अत्तर टाकीत कोइत तियाआ गुडाहा तियीइ सिंग्यां वाअहीं पुशाते, यीइज पाही लाजर बिमार ओतू.3तियाआ बोअह्हीं तियाहा कोत मोकल्यो, “प्रभु, देख, ताआ तो मेरालू दोस्ती बिमार होये.”4ओं उनाइत कोइत ईसु कोयो, “ए बिमारी मोतोअ नाहां; पोन देवोअ महिमाआं काजे होये, के तियी वाअहीं देवोअ बेटाह्हाअ महिमा ओवुहूं जोवे.”5ईसु मार्था आन तियीइ बोअह्हीं आन लाजरोपोअ मेर कोअतुतो.6तेबी जेहेलाम तिये होंबल्यो के लाजर बिमार होय, ताहां जियी जागे तो ओतू, तिहीं फाशुउ बेन दिही रुकाइत गोयू.7याअ फासाड़ी तिये सेलाहां कोयो, “आवा, आपू फाशाआ यहुदीयामेहें जाता.”8सेलां ईसुहू कोयो, “गुरु, ओमेज ते यहुदी माटी ताहूं डोणाटीइलाअ कोशित कोअयीते, आन केहें तू फाशुउ बी तिहींज वापिस जाअहूं होदेहे?”9ईसु उत्तर आप्यो, “केहें दिहोअ बारा तास नाहां रोता के? जर एखु दिहोअ उजालामेहें सालेहे तो नाहां ठोकाअतू, काहाके यी कोलीइ उजालो देखेहे.10पोन जर एखु राती सालेहे, ताहां तो ठोकाअहे, काहाके तिया मेहें उजालो कायनाहां.”11तिये ए गोठी कोयी, आन याअ फासाड़ी तियांहां कोनु वोल्यू, “आपाअ दोस्ती लाजर हुवीत गोयुहू, पोन आंय तियाहा जागाड़ू जाहो.”12ताहां सेला तियाहा कोयो, “प्रभु, जर तो हुवीत गोयू ओय, ताहां हाजू ओत जाये.”13ईसु ते तियाआ मोतोअ बाप्तिमेहें कोयोतो, पोन सेलां समज्यो के तिये निंदेए बाप्तिम कोयोहो.14ताहरुउ ईसु तियांहां सिदो सिदो कोत देदो, “लाजर मोइत गोयुहू;15आन आंय तुमाआं वाखरी खुसीम होय काहाके आंय तियाआ जागे ने ओतू मोन्ज्ये तुमू विश्वास कोइत सेकहा. पोन ओमे आवा, आपू तियाआ जागे जात्ला.”16ताहां थोमे जियाहा दिदमुस कोतेहे, तिये तियाअरीइ हेंगात्या सेलाहां कोयो, “आवा, आपू बी प्रभुअरी मोआ जाता.”17जेहेलाम ते तिहीं पोता, तेहेलाम ईसुहू ए खबर जोड़्यी के लाजरोहो माहणोमेहें मेकल्याहा शार दिही ओत गोयाहा.18बेथानी येरुसालेमोअ रोत तिन किलो मिटर एतोहो सेटे ओतो.19वारुज यहुदी मार्था आन मरियाअ जागे तियींइं पायहोअ मोयातीपोअ विखे बोहे आयेते.20जेहेलाम मार्था ईसुउ आविइलाअ खबर उनाअयी ताहां तियाहा मिलीइलोअ काजे बारथे गोयी, पोन मरिया कोअमेहें बोहीत रोयी.21मार्था ईसुहू कोयो, “प्रभु, जर तू इंहीं रोतू, ताहां माआं पाही केहेंनेत ने मोअतू!22पोन ओमे बी माहूं मुंदू होय, के जों किबी तू देवोपोअ रोत मागही, तों देव ताहूं आपे.”23ईसु तियीही कोयो, “ताआ पाही फाशुउ जिवीत उठे.”24मार्था तियाहा कोयो, “माहूं मुंदू होय के आखरीइ दिहोमेहें पुनरुत्थानोअ होमसे तो जिवीत उठे.”25ईसु तियीही कोयो, “पुनरुत्थान आन जिवन आंयेंज होय; जो कोडो मापोअ विश्वास कोअहे तों जर मोइत बी जाय तेबी जिवे,26आन जों कोडो जिवतो होय आन मापोअ विश्वास कोअहे, तों केदिहींज ने मोए. केहें तू यी गोठी पोअ विश्वास कोअहे?”27तियी तियाहा कोयो, “होव प्रभु, आंय विश्वास कोअहो के देवोअ बेटुह्हू ख्रिस्त जो दुन्यामेहें आवनारु ओतू, तो तुज होय.”28ओं कोत कोइत ते जाती रोयी, आन तियीइ बोअह्हीं मरियाहा हादीत कोइत एखलीहीज हादीत कोयो, “गुरु इंहींज होये आन तिये ताहूं हाद्यीही.”29जाहां मरिया ओं उनाअयी, तेहेलाम ते ताबुड़ उठीत कोइत तियाआ जागे आयी.30ईसु ओमेज गांवोंमेहें ने पोतुतो, पोन तियीज जागे ओतू जिहीं मार्था तियाहा मिल्यीते.31ताहरेए जे यहुदी तियीइरी कोअमेहें ओते आन तियीही होमजाड़तेते, ओं देखीत कोइत के मरिया ताबुड़ उठीत कोइत बारथे गोयीही ओं समज्यो के ते कबरे पोअ रोड़ी जाहे, ताहां तियीइ फासाड़ी गोये.32जेहेलाम मरिया तिहीं पोती, जिहीं ईसु ओतू, ताहां तियाहा देखतीज कोइत तियाआ गुडाअहीं बोहीत पोड़्यी आन कोयो, “प्रभु, जर तू इंहीं रोतु ताहां माआं पाही ने मोअतू.”33जेहेलाम ईसु तियीही आन तियां यहुदीही जें तियीइरी आयेते, रोड़त्ले देख्ये, ताहां आत्मामेहें खुब उदास आन दुखी ओवू,34आन कोयो, “तुमू तियाहा का मिक्युहू?”
तियां तियाहा कोयो, “प्रभु, जात कोइत पालीत ले.”35ईसु रोड़्यु.36ताहां यहुदी कोने वोल्ये, “पालाते लाजरोपोअ केतीही मेर कोअतुतो.”37पोन तियांमेर्याआ थोड़ाक जोओं कोयो, “ओ माटी जिये आंद्लाआ डोआ उगाड़्या, ये लाजरोहो बी मोइला रोत वासाड़ीत केहें ने सेकू?”38ईसु मोनोमेहें फाशुउ जास्तीज उदास ओत कोइत कबरेए जागे आयू. तिहीं एक कुपू ओतू आन एक डोण तियापोअ मिक्युतो.39ईसु कोयो, “डोण सेटे कोआ.”
तिया मोअनाराअ बोअह्हीं मार्था तियाहा कोनी वोल्यी, “प्रभु, ओमे ते तों गोंदाअतोये, काहाके तियाहा ओजल्याहा शार दिही ओत सुकाहा.”40ईसु तियीही कोयो, “केहें आंय ताहूं ने कोयोतो के जर तू विश्वास कोअही, ताहां देवोअ महिमा पालही.”41ताहां तियां तिया डोणोहों सेटे होरकायू. ईसु उसे पालीत कोयो, “बा, आंय ताआ आभार मानोहो के तू माआं उनाअयुहू.42माहूं मुंदू होय के तू सादा माआं उनाअहे, पोन जे गर्दी आहने उबी होये, तियांआं वाखरी आंय ओं कोयो, जिहीं वाअहीं के तें विश्वास कोए के तुमे माहूं मोकल्युहू.”43ओं कोत कोइत तिये वोडा आवाजोमेहें कोयो, “ए लाजर बारथे आव!”44तो माटी जो मोइत गोयूतो तियाआ आथेन गुडा बांद्ल्याज हिद्लाअ साअकाअरी निहींत आयू, आन तियाआ सोब साअका वाअहीं बांदल्यी ओती. ईसु तियांहां कोयो, “याहा सोड़ा आन जाअहूं द्या.”45ताहां जे यहुदी माहें मरियाअरी आयेते आन ईसुउ ओं काम देख्यो, तियांमेर्येए वारुज जोएं तियापोअ विश्वास कोअयू.46पोन तियांमेर्येए थोड़ेक जोएं फरिसीइ जागे जात कोइत ईसुउ कामोअ खबर कोयी.47यापोअ मुख्य पुंजारा आन फरिसीहीं यहुद्याआं महासभा हादाड़्यी, आन कोयो, “आपुहूं कि कोअहूं जोवे? ओं माटी तोम जाअखीलेहे समत्कार देखाड़ेहे.48जर आपू तियाहा एहेलोज कोअहूं देदो, ताहां आखे तियापोअ विश्वास कोए वोले, आन एहें कोइत रोमन आधिकारी इंहीं आवित कोइत आपाअ मंदिर आन देस बेनू आरवीत टाकी देये.”49ताहां तिया वोरह्योअ डायु पुंजारु कैफा ओतू, तियांहां कोयो, “तुमुहूं किज बी नाहां मुंदू;50आन तुमू ओं नाहां समजीइता के तुमाआं काजे ओं हाजो होय, के आपाअ माअहुंउं कोअते एक माहुंउं मोए आन आखी जाती आरवाअहूं ने जोवे.”51ए गोठ तियांहां तियाअहें रोत ने कोयी, पोन तिया वोरह्योअ डायु पुंजारु ओत कोइत तिये भविश्यवाणी कोअयी, के ईसु यहुदी माअहोंअ काजे मोए;52आन निस्तु तियाआ यहुदी माअहुंउं काजे एतुज नाहां, पोन याअकाजे बी के देवोअ माअहें जे वेरासेर ओवेहे तियांहां एकठे कोइत सेके.53ताहराअ एहें कोइत तेदिहींज रोत यहुदी आधिकारी ईसुहू माइत टाकीइलाअ कदर काडा वोल्या.54तियाहा काजे ईसु तोयोंअ रोत यहुद्याआं विसमेहें फाशुउ खुल्लाम खुल्लू ने फिर्यू, पोन तिहीं रोत जंगलोअ आहनेए मुलखोअ एफ्राइम नावोअ एका होयरोमेहें जातु रोयू; आन तियाआ सेलाअरी तिहीं रोनु वोल्यू.55यहुद्याआं वल्हांडणोअ तिवार आहने आवतुतो, आन जाअखीलेहे माअहें तिवारो रोत पेल बाहेर्याआ गांवोंमेर्येए येरुसालेमोमेहें गोये, के सोताहा सोके कोए.56ते ईसुहू होदे वोल्ये, आन मंदिरोमेहें उबे रोत कोइत तियां तियांआंज कोने वोल्ये, “तुमुहूं केहेलोहो हासवाअहे? केहें तो हुदाअलीज या तिवारोमेहें ने आवे?”57मुख्य पुंजारहां आन फरिसीहीं ओ आदेश आपीत मिक्युतो के जर एखाहा मुंदू पोड़े के तो का होय ताहां कोअहूं जोवे, काहाके ते तियाहा तोइत सेके.
तियां तियाहा कोयो, “प्रभु, जात कोइत पालीत ले.”35ईसु रोड़्यु.36ताहां यहुदी कोने वोल्ये, “पालाते लाजरोपोअ केतीही मेर कोअतुतो.”37पोन तियांमेर्याआ थोड़ाक जोओं कोयो, “ओ माटी जिये आंद्लाआ डोआ उगाड़्या, ये लाजरोहो बी मोइला रोत वासाड़ीत केहें ने सेकू?”38ईसु मोनोमेहें फाशुउ जास्तीज उदास ओत कोइत कबरेए जागे आयू. तिहीं एक कुपू ओतू आन एक डोण तियापोअ मिक्युतो.39ईसु कोयो, “डोण सेटे कोआ.”
तिया मोअनाराअ बोअह्हीं मार्था तियाहा कोनी वोल्यी, “प्रभु, ओमे ते तों गोंदाअतोये, काहाके तियाहा ओजल्याहा शार दिही ओत सुकाहा.”40ईसु तियीही कोयो, “केहें आंय ताहूं ने कोयोतो के जर तू विश्वास कोअही, ताहां देवोअ महिमा पालही.”41ताहां तियां तिया डोणोहों सेटे होरकायू. ईसु उसे पालीत कोयो, “बा, आंय ताआ आभार मानोहो के तू माआं उनाअयुहू.42माहूं मुंदू होय के तू सादा माआं उनाअहे, पोन जे गर्दी आहने उबी होये, तियांआं वाखरी आंय ओं कोयो, जिहीं वाअहीं के तें विश्वास कोए के तुमे माहूं मोकल्युहू.”43ओं कोत कोइत तिये वोडा आवाजोमेहें कोयो, “ए लाजर बारथे आव!”44तो माटी जो मोइत गोयूतो तियाआ आथेन गुडा बांद्ल्याज हिद्लाअ साअकाअरी निहींत आयू, आन तियाआ सोब साअका वाअहीं बांदल्यी ओती. ईसु तियांहां कोयो, “याहा सोड़ा आन जाअहूं द्या.”45ताहां जे यहुदी माहें मरियाअरी आयेते आन ईसुउ ओं काम देख्यो, तियांमेर्येए वारुज जोएं तियापोअ विश्वास कोअयू.46पोन तियांमेर्येए थोड़ेक जोएं फरिसीइ जागे जात कोइत ईसुउ कामोअ खबर कोयी.47यापोअ मुख्य पुंजारा आन फरिसीहीं यहुद्याआं महासभा हादाड़्यी, आन कोयो, “आपुहूं कि कोअहूं जोवे? ओं माटी तोम जाअखीलेहे समत्कार देखाड़ेहे.48जर आपू तियाहा एहेलोज कोअहूं देदो, ताहां आखे तियापोअ विश्वास कोए वोले, आन एहें कोइत रोमन आधिकारी इंहीं आवित कोइत आपाअ मंदिर आन देस बेनू आरवीत टाकी देये.”49ताहां तिया वोरह्योअ डायु पुंजारु कैफा ओतू, तियांहां कोयो, “तुमुहूं किज बी नाहां मुंदू;50आन तुमू ओं नाहां समजीइता के तुमाआं काजे ओं हाजो होय, के आपाअ माअहुंउं कोअते एक माहुंउं मोए आन आखी जाती आरवाअहूं ने जोवे.”51ए गोठ तियांहां तियाअहें रोत ने कोयी, पोन तिया वोरह्योअ डायु पुंजारु ओत कोइत तिये भविश्यवाणी कोअयी, के ईसु यहुदी माअहोंअ काजे मोए;52आन निस्तु तियाआ यहुदी माअहुंउं काजे एतुज नाहां, पोन याअकाजे बी के देवोअ माअहें जे वेरासेर ओवेहे तियांहां एकठे कोइत सेके.53ताहराअ एहें कोइत तेदिहींज रोत यहुदी आधिकारी ईसुहू माइत टाकीइलाअ कदर काडा वोल्या.54तियाहा काजे ईसु तोयोंअ रोत यहुद्याआं विसमेहें फाशुउ खुल्लाम खुल्लू ने फिर्यू, पोन तिहीं रोत जंगलोअ आहनेए मुलखोअ एफ्राइम नावोअ एका होयरोमेहें जातु रोयू; आन तियाआ सेलाअरी तिहीं रोनु वोल्यू.55यहुद्याआं वल्हांडणोअ तिवार आहने आवतुतो, आन जाअखीलेहे माअहें तिवारो रोत पेल बाहेर्याआ गांवोंमेर्येए येरुसालेमोमेहें गोये, के सोताहा सोके कोए.56ते ईसुहू होदे वोल्ये, आन मंदिरोमेहें उबे रोत कोइत तियां तियांआंज कोने वोल्ये, “तुमुहूं केहेलोहो हासवाअहे? केहें तो हुदाअलीज या तिवारोमेहें ने आवे?”57मुख्य पुंजारहां आन फरिसीहीं ओ आदेश आपीत मिक्युतो के जर एखाहा मुंदू पोड़े के तो का होय ताहां कोअहूं जोवे, काहाके ते तियाहा तोइत सेके.
The Word for the World International