योहान10
1ईसु कोयो, “आंय तुमुहूं खोरीज कोहो के जो कोडो बाअणाअहें रोत मेडाअ वाड़गामेहें नाहां फोहतो, पोन बिहीरीज वाटे रोत फोहेहे, तों बांड आन डाखू होय.2पोन जो बाअणाअहें रोत मायते सिदी वाटे फोहेहे तो मेडाआं सारवाली होय.3तियाआ काजे बाअणाअ राखवाली बाअणो उगाड़ी देहे, आन मेडे तियाआ आवाज उनाअतेहें, तो तियाआ मेडाहां नाव लेत कोइत हादेहे आन बारथे लेत जाहे.4जेहेलाम तो तियाआ मेडाहां बारथे काडीत लेत जाहे, तेहेलाम तो तियांआं आगाड़ी आगाड़ी सालेहे, आन मेडे तियाआ फासाड़ी फासाड़ी सालतेहे, काहाके तें तियाआ आवाज ओलखीइतेहें.5पोन ते ओजाण्याअ फासाड़ी ने जाय, पोन तेहेला माहुंउं जागे रोत सेटे जाते रोय, काहाके तें ओजाण्याअ आवाज नाहां ओलखीइते.”6ईसु तियांहां ए काईं कोत आप्यी, पोन तियांहां ते ने समजाअयी के ए कि गोठी होये.7ताहरुउ ईसु तियांहां फाशुउ कोयो, “आंय तुमुहूं खोरीज कोहो, मेडाअ बाअणो आंय होय.8जेत्ता बी मारोत पेल आया ते आखा बांड आन डाखू होये, पोन मेडे तियांआं आवाज नाहां उनाअये.9बाअणो आंय होय; जर एखो मा वाअहीं मायते फोहे, ताहां तियाहा तारण जोड़े, आन तो मायतेन बारथे आव-जाव कोए आन तियाहा सारु जोड़े.10बांड कोड्ला बिहीरा कामोअ काजे नाहां, पोन निस्तु सोरी कोइलो आन माइलो आन आरवीइलाअ कोअते आवेहे; आंय याअ काजे आयुहू के तियांहां जिवन मिले, आन खुब वादार मिले. मेडाआ वाड़गाम मेडाआ सारवाली11“हाजू सारवाली आंय होय; हाजू सारवाली मेडाअ कोअते तियाआ जिव आपेहे.12पावर जो नाहां सारवाली होय आन नाहां मेडाअ मालिख होय, कोलवाहा आवत्लाहा देखीत मेडाहां सोड़ीत कोइत नाहींत जाहे; आन कोल्वू तियांहां तोइत आरजा-बुरजी कोई देहे.13तो याअ काजे नाहींत जाहे काहाके तो एक मोजुर होय, आन तियाहा मेडाअ सिंता कायनाहां.14“हाजू सारवाली आंय होये; आंय माआं मेडाहां ओलखोहो, आन माआं मेडे माहूं ओलखीइतेहें.15जेहें कोइत आब्हू माहूं ओलखेहे आन आंय आब्हाहा ओलखोहो आन आंय माआं मेडाआं काजे माआं जिव आपोहो.16माआं फाशेए बी मेडे होये, जें या मेडाआं वाड़गामेर्येए कायनाहां, माहूं तियांहां बी लेतावीइलो गरज होय. तें बी माआं आवाज उनाये, आन याज मेडाअ वाड़गामेहें आवित एक्कुज गोवारु ओत जाय, आन एक्कुज सारवाली रोये.17“आब्हू याअकाजे मापोअ मेर कोअहे के आंय माआं जिव आपीइलो काजे तियार होय, मोन्ज्ये आंय तियाहा फाशुउ वापिस लेत लेंव.18माआं जिव कोडो बी मापोअ रोत नाहां बुउसीइतो, पोन आंय सोताहा माआं इश्शा वाअहीं तो आपोहो. माहूं तो आपीइलोअ बी आधिकार होय, आन फाशुउ लेअलोअ बी आधिकार होये. ओ आदेश माहूं माआं आब्हापोअ रोत जोड़्युहू.”19ताहां यां शब्दाअ वाखरी यहुदी माअहूंमेहें फाश्याआ टोला पोड़्या.20तियां मेर्येए वारुज जोएं कोने वोल्ये, “तियामेहें पुतोअ आत्मा होये, आन तो गांडू होये; तियाआ काहा उनाअतेहे?”21पोन बिहीरे माअहें कोने वोल्ये, “ए गोठी कोडा एहेलाहा माहुंउं नाहां, जियाम पुतोअ आत्मा बोठूये. पुतोअ आत्मा एखा आंद्लाआ डोआ केहें कोइत उगाड़ीत सेकेहे?”22येरुसालेमोमेहें अर्पणोअ तिवार कोअतेते; आन ते हियालाआ दिही ओता.23ईसु मंदिरोम शलमोनोअ ओटापोअ फिर्या कोअतुतो.24ताहरेए यहुदी आवित कोइत तियाहा शारु सोमकीर केंडीत फुशो, “तू आमाआं मोनोहो कोयों जाआं बेन भरिवसे मिकनारु? जर तू ख्रिस्त होय ताहां आमुहूं सिदु सिदु कोत दे.”25ईसु तियांहां उत्तर आप्यो, “आंय तुमुहूं पेलुज कोत देदो, पोन तुमू विश्वास नाहां कोअता. जें कामें आंय माआं आब्हाअ नावसे कोअहो, तेंज माआं साक्शी होये,26पोन तुमू याअकाजे विश्वास नाहां कोअता, काहाके तुमू माआं मेडामेएं कायनाहां.27माआं मेडें माआं आवाज उनाअतेहें; आंय तियांहां ओलखोहो, आन तें माआं फासाड़ी फासाड़ी सालतेहें;28आन आंय तियांहां हादाजल्म्योंअ जिवन आपोहो. ते केदिहींज ने आरवाय, आन कोडो माआं आथोम रोत ने बुउसे.29माआं आब्हू, जिये तियांहां माहूं आप्येहे, तो आखा रोत वोडु होये, आन कोडोज तियांहां आब्हाआ आथोम रोत बुउसीत नाहां सेकतो.30आंयेन आब्हू एक होय.”31तिहीं रोत यहुदी माअहूं तियाहा डोणोवाअहीं देअलोअ काजे फाशे डोणे विशे.32ईसु कोयो, “आंय तुमुहूं माआं आब्हाअ तरफ से जाअखीलेहे हाजे कामे देखाड़्येहे; तियांमेर्याअ कोड्ला कामोअ काजे तुमू माहूं डोणाट्टेहे?”33यहुद्यां तियाहा उत्तर आप्यो, “हाजा कामोंअ काजे आमू ताहूं नाहां डोणाट्टा, पोन देवोअ अपमान कोइलाआ वाखरी; आन याअकाजे के तू मोनवी ओत कोइत बी सोताहा देव कोवडावेहे.”34ईसु तियांहां उत्तर आप्यो, “तुमाआं कायदामेहें लेखल्यो कायनाहां, के ‘मी कोयो, तुमू देव होये?’35जर तिये तियांहां देव कोयो जियांआं जागे देवोअ वसन पोत्यो आन वसनोअ गोठ ठोगोअ नाहां ओत सेकती,36ताहां जियाहा आब्हे पवित्र ठरवीत कोइत दुन्यामेहें मोकल्युहू, तुमू तियाहा कोताहा, ‘तू निंदा कोअहे,’ याअकाजे के आंय कोयो, ‘आंय देवोअ बेटुह्हू होये?’37जर आंय माआं आब्हाअ काम नाहां कोअतू, ताहां मापोअ विश्वास मा कोअहा.38पोन जर आंय कोअहो, तांहा माआं विश्वास नाहांज बी कोअता, पोन तियां कामोअ तेबी विश्वास कोआ, तुमू जाअहूं आन समजुहूं जोवे के आब्हू मामेहें होय आन आंय आब्हामेहें होंव.”39ताहां तियां फाशेए तियाहा तोइलाअ कोशित कोअयी, पोन तो तियांआं आथोम रोत निहींटीत गोयू.40ताहरुउ ईसु यारदेन खाडीइ तियी मेरे तिया जागापोअ जातु रोयू, जिहीं योहान पेल बाप्तिस्मा आप्या कोअतुतो, आन तिहींज रोयू.41वारुज माहें तियाआ जागे आवित कोइत कोतेते, “योहाने ते कोड्लूज समत्कार ने देखाड़्यू, पोन जों किबी योहाने याअ बाप्तिमेहें कोयोतो, तों आखो खोरो निहींयो.”42आन तिहीं जाअखीलेहे जोएं ईसु पोअ विश्वास कोअयू.
The Word for the World International