उत्पत्ती27
1जेहेलाम इसाहाक डायु ओत गोयु, आन तियाआ डोआ आंद्ला ओत गोया आन तियाहा ने हुजतोतो, ताहां तिये तियाआ डाया पोर्या एसावोहो हादीत कोइत कोयो, “माआ पोर्या,” तिये कोयो, “की बा?”2इसाहाके कोयो, “पाल, आंय डायु ओत गोयुहू आन माहूं केदिहीं मोत आवित जाय तों नाहां मुंदू.3तियाहा काजे ओमे तू ताआ तोंद्लीन बिलखे लेत कोइत उजाड़ीम जा आन माआ कोअते हावोज माइत लेताव.4ताहरुउ माहूं गोमे एहेलोहो होवादो पाजो बोणावीत माआ जागे लेतावजी; ताहरुउ आंय तियाहा खात कोइत मोइलोअ पेल मेरेवाअहीं ताहूं आशिर्वाद आपिहीं.”5ताहरुउ एसाव हावजे माउ उजाड़ीम गोयु. जेहेलाम इसाहाक एसावोहो ए गोठी कोतुतो, तेहलाम रिबीका उनाअया कोअतीते.6ताहरीइ रिबीका याकोबोहो कोयो, “पाल, आंय ताआ आब्हाहा ताआ पाही एसावोअरी एहलीही गोठी कोअत्लाहा उनाअयीही के,7‘तू माआ कोअते हावोज माइत कोइत तियाआ होवादो पाजो बोणाव, आन आंय तियाहा खात कोइत ताहूं यहोवा देवोअ सामने मोइलाअ पेल आशिर्वाद आपिहीं.’8तियाहा काजे ओमे, माआ पोर्या उनाआ आन आंय ताहूं कोहीं तेहें कोओ.9बोकड़ाआ जागे जात कोइत बोकड़ीइ बासे लेताव; आन आंय तियांआं ताआ आब्हाआ कोअते गोमे एहेलोहो होवादो पाजो रांदीहीं.10ताहरुउ तू तों पाजो ताआ आब्हाआ जागे लेत जाजी, ताहां तो तियाहा खात कोइत मोइलोअ पेल ताहूं आशिर्वाद आपे.”11याकोबे तियाआ आयही रिबीकाहा कोयो, “माआ पाही एसाव ते रुंग्हाल माटी होय आन आंय विण रुंग्हाआ होय.12जर आब्हू माहूं आथ सापलीत पाले, ताहां आंय तियाआ नजरेम ठोग बोणीहीं; आन आशिर्वादोअ बोदले माहूं हारापुज जोड़े.”13तियाआ आयही तियाहा कोयो, “माआ सोआ, हाराप ताहूं नाहां, पोन माहूं लागे, तू निस्तु माआ गोठ मान, जा आन तें बासे माआ जागे लेताव.”14ताहरुउ याकोब जात कोइत तियां बासाहा तियाआ आयहीइ जागे लेतायु, आन आयही तियाआ आब्हाहा गोमे एहेलोहो होवादो पाजो बोणावी देदो.15ताहरीइ रिबीका तियाआ डाया पोर्या एसावोअ तिहीं कोअमेहें ओते तें हाजामेऱ्येए आंगड़े लेतावीत कोइत तिया हानीइला पोर्या याकोबोहो पेवाड़ी देदे;16आन बोकड़ीइ बासाआ सांबड़ो तियाआ आथोमेहें आन तियाआ गोलामेहें लोक्ठाड़ी देदो;17आन तो होवादो पाजोन तियी बोणावल्यू रोटू नेहें याकोबोअ आथोमेहें आपी देदू.18ताहरुउ याकोब आब्हाआ जागे गोयुन कोयो, “बा,” तिये कोयो, “कि रा माआ सोआ? माआ बेटा, तू कोडू होय?”19याकोबे तियाआ आब्हाहा कोयो, “आंय ताआ डायु पोर्यू एसाव होय. आंय ताआ आदेशोअ पुरमाणे कोअयोहो; तियाहा काजे उठ आन बोहीत कोइत माआ हावजोअ माहां खा, आन माहूं आशिर्वाद आपेए.”20इसाहाके तियाआ पोर्याहा कोयो, “माआ सोआ, तों ताहूं एवडो वेगो केहें जोड़ीत गोयो?” तिये ओं उत्तर आप्यो, “ताआ यहोवा देवे माहूं हावोज जोड़ुहूं देदो.”21इसाहाके याकोबोहो कोयो, “माआ सोआ, आहने आव, आंय ताहूं सापलीत पालुहूं कोअहो, के तु हुदाअलीज माआ पोर्यू एसाव होय के बिहीरु होय.”22ताहरुउ याकोब आब्हाआ जागे आहने गोयु, आन तिये तियाहा सापलीत कोइत कोयो, “गोगीइलाअ ते याकोबोअ होस गोगेहे पोन आथ एसावोअ जेहें हासवाअताहा.”23तियाआ आथ तियाआ पायहो एसावोअ होस रुंग्हावाला ओता कोत तिये याकोबोहो ने ओलख्यु, आन तियाहा आशिर्वाद आप्यू.24आन तिये फुश्यो, “तू हुदाअलीज एसावुज होय के?”
तिये कोयो, “होव, आंय एसावुज होय.”25ताहां इसाहाके कोयो, “रोटू माआ जागे लेताव, आंय माआं पोर्याआ आथऱ्योअ हावजोअ माहां खात कोइत, आशिर्वाद आपुहूं कोअहो.” ताहरुउ याकोब तों तियाआ जागे लेतायू आन तिये खादो; आन तो तियाआ जागे दाराक्शाआ रोह बी लेतायू, आन तिये पिदू.26ताहां तियाआ आब्हे इसाहाके तियाहा कोयो, “माआ सोआ, आहने आवीत कोइत माहूं गुउं दे.”27तिये आहने जात कोइत तियाहा गुउं देदू; आन तिये तियाआ आंगड़ाआ गोंद हुंगावीत कोइत तियाहा ओ आशिर्वाद आप्यू,“पाला, माआ पोर्याआ गोंद तेयहोवा देवे आशिर्वाद आपल्या खेतोअ होस गुंदाअहे;28देव ताहूं जुगोम रोत वोरहात, आन धरतीइ हाजी हाजी कामाय,आन जाअखीलोहो ओन आन नवीन दाराक्शाआ रोह आपे.29राज्या-राज्याआ माअहें ताआ ताबाम ओवे,आन देसो देसोअ माअहें ताहूं पागे पोड़े.तू ताआ पायहोंअ मालिख ओत जाही,आन ताआ आयहीइ पोर्या ताआ पागे पोड़े.जे ताहूं हाराप आपे, तियांहांज हाराप जोड़े,आन जे ताहूं आशिर्वाद आपे तियांहां आशिर्वाद जोड़े.”30जेहेलुहू ओ आशिर्वाद इसाहाक याकोबोहो आपीदेदू, आन याकोब तियाआ आब्हा इसाहाकोअ सामने रोत निहीयु एतुज तो, के एसाव हावोज लेतावीत पोत्यु.31ताहरुउ तो बी होवादो पाजो बोणीत कोइत तियाआ आब्हाअ जागे लेतायू, आन तियाहा कोयो, “बा, उठीत कोइत ताआ पोर्याआ हावजेए माहां खा, आन माहूं आशिर्वाद आप.”32तियाआ आब्हे इसाहाके फुश्यो, “तू कोडू होय?” तिये कोयो, “आंय ताआ डायु पोर्यू एसाव होय.”33ताहरुउ इसाहाके थुरथुर कापीकापीइ कोयो, “ताहरुउ तो कोडू ओतू जो हावोज कोइत माआ जागे लेतायु तो, आन आंय ताआ आवीइलोअ पेल आखाम रोत थोड़ थोड़ो खात लेदो आन तियाहा आशिर्वाद आप्यू? ओमे आशिर्वाद तियाजपोअ रोनारुमे.”34आब्हाअ ए गोठी उनाअताज एसावे जाअखीलीही जोरे आन दुखी ओत कोइत आअड़ीत कोइत आब्हाहा कोयो, “बा, माहूं बी आशिर्वाद आपे!”35इसाहाके कोयो, “ताआ पाही माअरी लबाड़ी कोअल्यी, आन ताआ आशिर्वाद लेत कोइत जातु रोयू.”36एसावे कोयो, “तियाआ नाव याकोब बोराबरुज मिकाअयोतो. तिये माहूं बेनवारी ठोग्यू. माआ डायु बेटुह्हू ओवीइलाअ आधिकार ते तिये लेदुतो; आन ओमे पाल, तिये माआं आशिर्वाद बी लेत लेदू.” फाश्योअ तिये कोयो, “केहें तुमे माआ कोअते बी एखू आशिर्वाद इतवीत नाहां मिक्यू के?”37इसाहाके एसावोहो उत्तर आप्यो, “पाल, आंय तियाहा ताआ मालिख ठरव्युहू, आन तियाआ आखा पायहोंहों तियाआ ताबाम कोइ देदा, ओन आन नवीन दाराक्शाआ रोह आपीत कोइत तियाहा कुन्बी बोणावी देदू. तियाहा काजे ओमे, माआ सोआ, आंय ताआ कोअते की कोओ?”38एसावे आब्हाहा कोयो, “बा, ताआ मोनोमेहें एकुज आशिर्वाद होय के? बा माहूं बी आशिर्वाद आपे.” एहें कोत कोइत एसाव रोड़ू वोल्यू.39तियाआ आब्हे इसाहाके तियाहा कोयो,“पाल, पाकाड़नारी पुंयींप रोत सेटे,उसे जुगोमेर्योअ साकला रोत सेटे,ताआ रोअलाआ जागू रोय.40तू ताआ तारवाआ सेक्ती वाअहीं जिवतू रोही,आन तू ताआ पायहोअ गुलाम ते रोही;पोन जाहां तू मोकलु ओत जाही,ताहां तियाआ जुहोर ताआ बोसीप रोत तोड़ीत उडाड़ीहीं.”41एसाव ते याकोबोअरी आब्हे आपल्या आशिर्वादोअ कोअते ठोटाय कोअतुतो; आन तिये विसार कोअयू , “आब्हू तोम थोड़ाक दिहोम मोअनारुज होय, ताहरुउ आंय माआ पाही याकोबोहो माइत टाकीहीं.”42जेहेलाम रिबीकाहा तियीइ डायु बेटाह्हा एसावोअ ए गोठी कोताप्यी, ताहां तियी तियीइ हानीइला पोर्या याकोबोहो हादीत कोइत कोयो, “पाल, ताआ पाही एसाव ताहूं माइलाअ कोअते तियाआ मोनोम धिर तोइत रोयुहू.43तियाहा काजे माआ सोआ, ओमे, माआ गोठ मान, आन हारानोमेहें माआ पाही लाबानोअ जागे जातु रो;44आन थोड़ाक दिही जाआं, जाअहूं जाआं ताआ पायहोअ खोत ने उतरे ताअहूं जाआं तियाआज जागे रोजी.45ताहरुउ जेहेलाम ताआ पायहोअ खोत तापोअ रोत उतरे, आन जों काम तुमे तियाअरी कोअयोहो, तियाहा तो विहीराइत जाय; ताहां आंय ताहूं तिहीं रोत हादीत लेहीं. आंय एकेज दिही तुमू बेनू पोर्या रोत सेटे काहा ओत जांव?”46रिबीका इसाहाकोहो कोयो, “हित्तीवाली पोर्यीइ वाखरी माहूं सोगदाय हासवाअहे; जर याकोब एहेला देसोअ पोर्यीइरी वेहेवाल कोइत लेय, ताहां माहूं मोए तो जाआं हाजो ते रोय.”
तिये कोयो, “होव, आंय एसावुज होय.”25ताहां इसाहाके कोयो, “रोटू माआ जागे लेताव, आंय माआं पोर्याआ आथऱ्योअ हावजोअ माहां खात कोइत, आशिर्वाद आपुहूं कोअहो.” ताहरुउ याकोब तों तियाआ जागे लेतायू आन तिये खादो; आन तो तियाआ जागे दाराक्शाआ रोह बी लेतायू, आन तिये पिदू.26ताहां तियाआ आब्हे इसाहाके तियाहा कोयो, “माआ सोआ, आहने आवीत कोइत माहूं गुउं दे.”27तिये आहने जात कोइत तियाहा गुउं देदू; आन तिये तियाआ आंगड़ाआ गोंद हुंगावीत कोइत तियाहा ओ आशिर्वाद आप्यू,“पाला, माआ पोर्याआ गोंद तेयहोवा देवे आशिर्वाद आपल्या खेतोअ होस गुंदाअहे;28देव ताहूं जुगोम रोत वोरहात, आन धरतीइ हाजी हाजी कामाय,आन जाअखीलोहो ओन आन नवीन दाराक्शाआ रोह आपे.29राज्या-राज्याआ माअहें ताआ ताबाम ओवे,आन देसो देसोअ माअहें ताहूं पागे पोड़े.तू ताआ पायहोंअ मालिख ओत जाही,आन ताआ आयहीइ पोर्या ताआ पागे पोड़े.जे ताहूं हाराप आपे, तियांहांज हाराप जोड़े,आन जे ताहूं आशिर्वाद आपे तियांहां आशिर्वाद जोड़े.”30जेहेलुहू ओ आशिर्वाद इसाहाक याकोबोहो आपीदेदू, आन याकोब तियाआ आब्हा इसाहाकोअ सामने रोत निहीयु एतुज तो, के एसाव हावोज लेतावीत पोत्यु.31ताहरुउ तो बी होवादो पाजो बोणीत कोइत तियाआ आब्हाअ जागे लेतायू, आन तियाहा कोयो, “बा, उठीत कोइत ताआ पोर्याआ हावजेए माहां खा, आन माहूं आशिर्वाद आप.”32तियाआ आब्हे इसाहाके फुश्यो, “तू कोडू होय?” तिये कोयो, “आंय ताआ डायु पोर्यू एसाव होय.”33ताहरुउ इसाहाके थुरथुर कापीकापीइ कोयो, “ताहरुउ तो कोडू ओतू जो हावोज कोइत माआ जागे लेतायु तो, आन आंय ताआ आवीइलोअ पेल आखाम रोत थोड़ थोड़ो खात लेदो आन तियाहा आशिर्वाद आप्यू? ओमे आशिर्वाद तियाजपोअ रोनारुमे.”34आब्हाअ ए गोठी उनाअताज एसावे जाअखीलीही जोरे आन दुखी ओत कोइत आअड़ीत कोइत आब्हाहा कोयो, “बा, माहूं बी आशिर्वाद आपे!”35इसाहाके कोयो, “ताआ पाही माअरी लबाड़ी कोअल्यी, आन ताआ आशिर्वाद लेत कोइत जातु रोयू.”36एसावे कोयो, “तियाआ नाव याकोब बोराबरुज मिकाअयोतो. तिये माहूं बेनवारी ठोग्यू. माआ डायु बेटुह्हू ओवीइलाअ आधिकार ते तिये लेदुतो; आन ओमे पाल, तिये माआं आशिर्वाद बी लेत लेदू.” फाश्योअ तिये कोयो, “केहें तुमे माआ कोअते बी एखू आशिर्वाद इतवीत नाहां मिक्यू के?”37इसाहाके एसावोहो उत्तर आप्यो, “पाल, आंय तियाहा ताआ मालिख ठरव्युहू, आन तियाआ आखा पायहोंहों तियाआ ताबाम कोइ देदा, ओन आन नवीन दाराक्शाआ रोह आपीत कोइत तियाहा कुन्बी बोणावी देदू. तियाहा काजे ओमे, माआ सोआ, आंय ताआ कोअते की कोओ?”38एसावे आब्हाहा कोयो, “बा, ताआ मोनोमेहें एकुज आशिर्वाद होय के? बा माहूं बी आशिर्वाद आपे.” एहें कोत कोइत एसाव रोड़ू वोल्यू.39तियाआ आब्हे इसाहाके तियाहा कोयो,“पाल, पाकाड़नारी पुंयींप रोत सेटे,उसे जुगोमेर्योअ साकला रोत सेटे,ताआ रोअलाआ जागू रोय.40तू ताआ तारवाआ सेक्ती वाअहीं जिवतू रोही,आन तू ताआ पायहोअ गुलाम ते रोही;पोन जाहां तू मोकलु ओत जाही,ताहां तियाआ जुहोर ताआ बोसीप रोत तोड़ीत उडाड़ीहीं.”41एसाव ते याकोबोअरी आब्हे आपल्या आशिर्वादोअ कोअते ठोटाय कोअतुतो; आन तिये विसार कोअयू , “आब्हू तोम थोड़ाक दिहोम मोअनारुज होय, ताहरुउ आंय माआ पाही याकोबोहो माइत टाकीहीं.”42जेहेलाम रिबीकाहा तियीइ डायु बेटाह्हा एसावोअ ए गोठी कोताप्यी, ताहां तियी तियीइ हानीइला पोर्या याकोबोहो हादीत कोइत कोयो, “पाल, ताआ पाही एसाव ताहूं माइलाअ कोअते तियाआ मोनोम धिर तोइत रोयुहू.43तियाहा काजे माआ सोआ, ओमे, माआ गोठ मान, आन हारानोमेहें माआ पाही लाबानोअ जागे जातु रो;44आन थोड़ाक दिही जाआं, जाअहूं जाआं ताआ पायहोअ खोत ने उतरे ताअहूं जाआं तियाआज जागे रोजी.45ताहरुउ जेहेलाम ताआ पायहोअ खोत तापोअ रोत उतरे, आन जों काम तुमे तियाअरी कोअयोहो, तियाहा तो विहीराइत जाय; ताहां आंय ताहूं तिहीं रोत हादीत लेहीं. आंय एकेज दिही तुमू बेनू पोर्या रोत सेटे काहा ओत जांव?”46रिबीका इसाहाकोहो कोयो, “हित्तीवाली पोर्यीइ वाखरी माहूं सोगदाय हासवाअहे; जर याकोब एहेला देसोअ पोर्यीइरी वेहेवाल कोइत लेय, ताहां माहूं मोए तो जाआं हाजो ते रोय.”
The Word for the World International