2 करिन्थ6
1देवोअरी काम कोअनारा आमू बी तुमुहूं विनंती कोअताहा के, तुमू देवोअ मेरवानी स्विकार कोअयीही ते वाया मा जाअहूं देहा.2काहाके तो कोहे के,“जाहां माआं खोरी वेल आयी,ताहां आंय ताआ गोठ उनाअयू;जाहां माआं वेल आयी,ताहां आंय ताहूं मदत कोअयी.”पाला! आज ते खोरी वेल आवित लागीही, आज तो वासाड़ीलोअ दिही आवित लागुहू!3आमाआं सेवापोअ कोडो बी आरोप ने लागाड़ुहूं जोवे कोत आमू कोड्लीज गोठीमेहें कोडाहाज अड़सन नाहां टाकता.4पोन आखी गोठीमेहें देवोअ सेवकोंअ होस आमू सोताआ हाजा गुण देखाड़ताहा, वोडी हिम्मतो वाअहीं, तारासो वाअहीं, गरीबी वाअहीं, अड़सनी वाअहीं,5मार खाअलोअ वाअहीं, जेलेम जाअलोअ वाअहीं, दोंगा वाअहीं, वादार मेहेंनत कोइलो वाअहीं; जागता रोअलो वाअहीं, उपास कोइलो वाअहीं,6सोकायीवाअहीं, ज्ञानोवाअहीं, धिर खेटीइलो वाअहीं, माया कोइलो वाअहीं, पवित्र आत्मावाअहीं, खरी मेरेवाअहीं,7खोरा शब्दावाअहीं, देवोअ सेक्तीवाअहीं, हाजाड़ी-बांगाड़ी वोलेहे धर्मी सोभावोअ आथार्ये आथोमेहें लेत कोइत,8मानपानो वाअहीं आन बदनामी वाअहीं, खाराब नाव आन हाजा नावोवाअहीं आमुहूं ठोगोअ होस मानतेहे, पोन आमू खोरा होय.9आमू ओजाण्याआं होस होय, तेबी नावासी होय; मोअनाराआं होस होय, तेबी आमू जिवताज होय; आमू मार खाताहा, तेबी नाहां मोअता;10आमू दुखी ताहराआ ओवताहा, पोन तेबी खुसीम रोताहा; आमू कांगाल जेहें होय, पोन तेबी जाअखीला जोओंहों मालदार बोणावी देताहा; आमापोअ कीज कायनाहां एहेलाहा देखाअताहा, तेबी आमापोअ आखोज होय.11ए करिन्थवाला दोस्तां! आमू तुमाअरी खुल्लाम खुल्ली गोठी कोअयीही, आमाआं मोन खुल्लो होय.12तुमाआं वोतीइ आमाआं मोन खुल्लो होय, पोन तुमाआंज मोन खुल्लो कायनाहां.13आंय माआं पोर्ये होमजीत तुमुहूं कोहो के, तुमू बी तुमाआं मोन उगाड़ा.14विण विश्वासीइरी होमसू ने खाय एहला जुहरोम मा जुपाअहा, काहाके धर्मी आन पापीइ कि सबंध? आन उजालो आन आंदारो कि कोइत एकीज जागे बेसकात सेकेहे?15आन ख्रिस्त आन बलियाल नेहें की कोइत एक मोन ओत सेकताहा? आन विश्वासीइरी विण विश्वासीइ कि नातो?16देवोअ मंदिरोअरी मुर्तीइ कि सबंध? काहाके आपू तोम जिवता देवोअ मंदिर होय; जेहलोहो देवे कोयोहो,“आंय तियांमेहें वोहती कोअहींआन तियांमेहें सालीहीं फिरीहीं;आंय तियांआं देव ओविहींआन तें माआं माअहें बोणे.”17तियाहा कोत प्रभु कोहे,“तियांमेहें रोत तुमू निहां,आन आलांग रोवा;आन एठी वस्तुहू आथिलहा मा,ताहां आंय तुमाआं स्विकार कोअहीं;18आन आंय तुमाआं आब्हू बोणिहींआन तुमू माआं पोर्ये बोणहां,ओं आखाम रोत वोडी ताकतवाला देवोअ शब्द होय.”
The Word for the World International