1करिन्थ13
1जर आंय माअहोंओं आन देवदुतोअ बाशाम गोगो आन मेर ने कोओ, ताहां आंय वाजनारी ठाली आन खिकलीइनारी झांजेए होस होय.2जर आंय भविश्यवाणी कोइत सेको, आन आखी विद्या आन ओकल माहूं ओय, आन डोगोहो उठ्लावीत टाके एतुहू विश्वास बी ओय, पोन जर आंय मेर ने कोओ, ताहां कीज कायनाहां.3जर आखी मालमिलकत गोरब्योहों खायतेहें आपी देंव, नेत सोताआ डिलोहो आगीम पेटाड़ेतेहें आपी देंव, पोन मेर ने कोओ ताहां माआं कीज फायदू कायनाहां.4मेर धिर खेटनारो होय, दयालू होय, मेर खोद्राय नाहां कोअतो, आन वोडाय नाहां कोअतो, आन नाहां फुगतो.5मेर गांडाय नाहां कोअतो, सोताआ भलो नाहां देखतो, नाहां खिजवाअतो, नाहां खोताअतो.6मेर खाराब गोठीम खुसी नाहां कोअतो, पोन सत्या वाअहीं तियाहा खुसी ओवेहे.7तों आखी गोठी सहन कोअहे, आखी गोठीपोअ विश्वास कोअहे, आखी गोठीइ आशा कोअहे, आखी गोठीम धिर खेटेहे.8मेर केदिहीं नाहां सेलाअतो; भविश्यवाणी ओय ते सेलात जाय; बाशा ओय ताहां आरवात जाय, विद्या ओय ते निहींत जाय.9काहाके आपाआ विद्या आरदी होय, आन भविश्यवाणी बी आरदीज होय.10पोन जेहेलाम पुरो आवे, तेहेलाहाम ताहां जों आरदो होय तों आरतात जाय.11जेहेलाम आंय पोर्यू ओतू, ताहां पोर्याअ होस गोगतुतो, पोर्याआ होस मोन ओतो, पोर्याआ होस विसार कोअतुतो; पोन जेहेलाम आंय वोडू ओवू, ताहां पोर्याआ होस गोठी कोइलाआ सोड़ी देदो.12ओमें आपू आर्ह्याम साको साकोज देखतेहे, पोन जेहेलाम तो आवे, तेहेलाम आपू आमने सामने देखहूं. ओमें माहूं थोड़ो समजाअहे, पोन तेहेलाम जेहें कोइत माहूं ओलख्युहू तेहें कोइत आंय वारुहूं ओलखीहीं.13पोन विश्वास आशा, आन मेर एं तीनू कायम रोतेहे, यां आखाम रोत वोडो मेर होय.
The Word for the World International