Chakatondejelwa12
1Akale chichenamiso chikulwana chakaboneka kudenga, unhukaji ulombajikwa izhuba, nomweji pasi pamakumbo awe, akale pansholo inhulu inenyenyeji igumi jinembili,2wakabeli nemimba, akale elila nokumyongwa nemimba, elila elwajilwa konhu walebochila.3Akale chimwe chitondejelo chakaboneka kudenga, ilingani, ibhuka igulwana ishaba, lina misholo mishanu ina mibili akale namabizho aligumi, akale newilemba zwishanu zwina zwibili pamisholo yalyo.4Umwise walyo wakapyaila ukambweja chikamu chetatu chenyenyeji, jimbwejelwa penyika kuva kudenga. Akale ibhukanana lyakama mbeli kwonhukaji wakabalebo chila, kuti lilye mwana uwe paachachilwa.5Wakachila mwananhulumyana, iye uchatonga inyika jose neswimbo yensimbi, mwana uwe wakanantulwa kunaMwali kuchibhula chiche chobushe.6Unhukaji yoyo wakatizhila mugwegulu, kuli iko kuna bugalo bwaakalongelwa naMwali, akale kwaachawana kulondotwa kulokwelela kwamazhuba chiulu namazana mabili ana makumi mashanu ana limwempela.7Nezwo kwakabana nehondo kudenga. Mayikolo nengilozi jije belwana nebhukanana, akale ibhukanana nengilozi jalo lyakabwiliza,8koga bakazundwa, bakalashikilwa nobugalo bwabo bugalo bwabo kudenga.9Ibhukanana igulwana lyakaposelwa pasi, inyokehulu yantolontolo, inoshobwa kuwhi Guluzhanje kana kuti Satani, unchengeli wenyika yose. Waposelwa pasi penyika, pamwempela nengilozi jije.10Pakalepo ndakawha iwhi lyopezhulu liva kudenga liti, “Ngweno luchijo nesimba nobushe bwaMwali wedu nesimba lyaKristo uwe zwaswika, nokuti umpomeli unopomela banakwaina bedu pambeli paMwali wedu busiku namasikati waposelwa pasi.11Bakonkoma nelopa lyeMhwizana akale newhi lyobusumikiji bwabo, nokuti abajaka fwifwinyala nokutya lufu beda bupenyu bwabo.12Shantani feno, imwi matenga namwi banogala mwakale! Koga masheto kwamuli, kunyika negungwa, nokuti guluzhanje wezha pasi kwamuli nokunyema kukulwana, nokuti unoziba kuti unshaji uwe umfupi!”13Ibhukanana palyakabona lyakaposelwa pasi penyika, lyakatatamila unhukaji wakabachila mwana unhulumyana.14Unhukaji wakapiwa mapapilo mabili echipungu chikulwana kuti epululuke esiye inyoka ende kugwegulu, kubugalo bwakalonganyilwa kwachalondotwa zwibuyanana konshaji, nemishaji, nokwe chikamu chonshaji, kusino swikwa nenyoka15Inyoka yakafha ivula yakakunga solwizi, ikatobela unhukaji, kuti ivula yupindile indembeli kukwe iuntole.16Koga inyika yakabhancha unhukaji, inyika yakashama ikaminya lwizi lwakabava mundomo webhukanana.17Pakalepo ibhukanana lyakanyemela unhukaji, lyakenda kunotanga ihondo nenzwalo yonhukaji yose, kunaabo banolondota milawo yaMwali akale besumikija Jesu.18Ibhukanana lyakama ponsenche wegungwa.
The Word for the World International