2 Timoti4
1Ndokulaya mbeli kwaMwali naKristo Jesu iye uchootonga bapenyu nabakafa, akale nokuzha kukwe nobushe bubwe,2bhaunula iwhi, sungwala unshaji kana ulimbuya akale kana usili umbuya, bwetekeja, ukolola, ukalalila, akale usungwaja, nomwoyo undefu nokulayija.3Nokuti unshaji ukumuzha banhu pabachaleka kuwhilila indayilo ili iyo, koga beli nenzebe jinoluma, banoozwibunganisila balayiji banoobabuja zwabanoda,4akale banootukulila kuwhilila ichokomende betobela ingano.5Koga iwi, jikama unshaji wose, zwimisile kuyabula, ita unshingo wombhaunuli wendebo imbuya, zhajikija unshingo uwo.6Nokuti ndaswika kale panshaji wokuti ndipilwe sedilijo lyontebulo, unshaji wangu wokuti ndinde waswika.7Ndalwana ihondo imbuya, ndapeja unjiijano, ndalondota luvumilo.8Kuvila ngweno chilemba chobululami chandilobigilwa, chandichapiwa naTezi, untongi wobululami nelyo izhuba, kusi imi ndoga koga kunaibo bose bakada kuboneka kukwe.9Kweja nesimba lilyo kuswika kwandili nokukambijisa,10nokuti Dimasi, nokuda zwenyika yeeno wakanditizha, akenda kuTesalonika, Kresensi wakenda kuGalatiya, Taitasi kuDalumeshiya.11Luka ega ndiye unanami. Tola Mako uzhe naye, nokuti unalubhancho kasa kwandili pakundishingila.12Tichikasi ndakoontuma kuEfesu.13Pauchezha, undizhile neshashiko yandakasiya kunaKapasi kuTulowasi, akale newhalo, pezhulu paizwo zwose newhalo jamapapata.14Alekizanda unfuli wakandilwajisa kasa, Tezi unoondanga nezwito zwizwe.15Uunchenjelele, nokuti wakanyenyeja nesimba indayo yedu.16Pakuzwitabilija kwangu kotanga apana wakama nami, bose bakanditizha. Besipiwe undandu nazwo!17Koga Tezi wakamanami akale akandipa isimba lyokupupula indayilo zwizhele, kuti bose Bokuzhe beiwhe. Nokudalo ndakachijwa mundomo weshumba.18Tezi unoondinuna mububi bose akale unondiswincha zwibuyanana kubushe bubwe bokudenga. Lukujo lube kwaali kwemisi isinopela. Ameni.19Umuse Pulisika naAkwila nemhuli yaOnesifolasi.20Elasitasi wakasala kuKolinte, Tilofimusi ndakonsiya kuMiletusi nokuti wakabelwala.21Ukweje nesimba lilyo lyose kuzha unshaji wemhepo usanu waswika.
Yubhulasi ukumukumusa, naPudenisi, naLayinasi, naKilaudia nabanakwaina bose.22Tezi elondote umpepo uwo.
Chipiwo chaMwali chibe namwi mose.
Yubhulasi ukumukumusa, naPudenisi, naLayinasi, naKilaudia nabanakwaina bose.22Tezi elondote umpepo uwo.
Chipiwo chaMwali chibe namwi mose.
The Word for the World International