2 Timoti3
1Koga whisisa yezwi, kuti mumazhuba okupejeleja kunooba nemishaji yobulemu.2Nokuti banhu banooba banozwilobefuba, banoodisisisa imali, banooba banoshiya, banozwida,banotuka, basinowhilila bazwali babo, basinoboka, basi bachena,3basina bunhu, basino kabulika, banopita, basino zwikabula, banotyisa, babengi bobubuya,4bacheti, bane bhwelempwele, banozwida, banoda kunakililwa panakuti bede Mwali,5banota sabano namata asi belamba isimba lyako. Banhu bakadalo siyanani nabo.6Nokuti mukati mwabo muna yabo banongwina mujingumba betapa banhukaji matela, balolemelwa noluchinyo akale beyumbwa nendakamilo jilosiyanasiyana.7Banhukaji yaba banowhilila kana aani koga basinowana luzibo lwechokomende.8SaJenisi naJambulesi bakanyenyeja Mozesi, nokudalo yaba banhu naibo banonyenyeja ichokomende, banhu bane ndangalilo imbi akale bana kudimbwa kusili kwelebeswa koniepa,9koga abatoonda kule, nokuti bulema bwabo bunooba pachena kunhu wose, sezwa yabaya banhulume babili.10Ngweno iwi wabona indayijo yangu, untilo wangu, chinangwa changu mubupenyu, kudimbwa kwangu, moyo undefu wangu, ludo lwangu, kusungwala kwangu,11kuyabiswa kwangu, injabulo jangu, zwakatikana kwandili kuAntiyoki, kuIkoniyumu, nokuLisitila, ilo luyabiso lwandakamila, koga Tezi wakandinuna muna izo zwose.12Chokomende wose unachido chokulalama bupenyu bobumwali munaKristo Jesu unooyabiswa,13koga banhu babi nezwintwakubili banoondila mbeli mububi bwabo, banochenga naibo banochengwa.14Koga iwi, indilambeli munozwawakalayijwa akale ukadimbwa nesimba, uziba kuti ndiyani wakakulayija,15akale kuva kubutukutuku bubo ulojizibila iwhalo inchena jinotubula kukulayija zwoluchijo nokudimbwa munaKristo Jesu.16Iwhalo inchena jose jakafemelwa naMwali akale jinobhancha mukulayija, mukukabula, mukululamisa nomukulayija mubululami,17kuti unhu waMwali epelelele, ekabambanyilwa kuta mishingo mibuya yose.
The Word for the World International