2 BaKolinte8
1Toda kumubuja, banakwaina, nezwechipiwo Mwali chaakapa kumakubungano okuMasedoniya.2Mukusheteswa kwabo kukulwana, nolushanto lwabo lukulwana akale nobusheti bwabo bukulwana zwakafwashukila mubufumi bweshe jabo.3Ndinosumikija kuti bakapa umwenoumwe sokutubula kukwe, akale bepindija kutubula kwabo. Sechido chabo bakasununguka,4betikumbila nesimba kuti bevumilwe kubhancha kunyetutuja bachena.5Yezwi, zwisi sokulingilila kwedu, koga chokutanga bakazwipila kunaTezi noku nasu muchido chaMwali.6Sezwazwili, tasungwaaja Taitasi kuti sezwo wakabatanga kale unshingo umbuya yoyu mukati mwenu, kuti oompejeleje yoyu unshingo weshe.7Ngweno sezwo mubhudilila muzwinhu zwose, mukudimbwa, mukulebeleka, muluzibo, mukusungwala, nomuludo lwenu kwatili, akale mubone kuti mota zwibuyanana panshingo yoyu weshe wokupa.8Andijimuleba yezwi sondayo, koga ndikumukweja kubimbika kwenu kwoludo ndikwejanisa nokusungwala kwatondejwa nabamwe.9Nokuti imwi mojiziba iShe jaTezi wedu Jesu Kristo, kuti kojoba akabakafuma, pezhulu penu wakaba unsheti, kutila kuti mubusheti bubwe imwi mufume.10Akale munyaya yeyi ndopa chilayilo changu, zwibuya kuti mupejise ngweno zwamwakatangisa kuta igole lyapinda, ndimwi bokutanga kupa akale nokuba nechido chokuzwita.11Asi ngweno pejisani zwamwakatanga kuta. Kutila kuti mupe sezwamwakabeda, mungazwipejeleja zwikwendelana nezwamunanazwo.12Kana chido chokupa chilipo, chipo chinotambulika zwinda nezwaana nazwo kusi zwasinanazo.13Andijimuleba kuti bamwe begalikane akale imwi mulemelwe, koga kuti kube nokukwelana.14Ngweno munanezwinji kuti mubhanche mukushaiwa kwabo nonshaji youno kutila kuti limwe zhuba bakangoba nezwinji bopila bo kushayiwa kweku kuti kube nokukwelana.15Sezwazwilokwalwa mulukwalo luchena kuti, “Yoyo wakabunganisa zwinji aajakaba nezwinji kupindilija, nooyo wakabunganisa zwishoma aajakashayiwa zwaakabeda.”16Mwali ngebokwe iye wakabiga mumwoyo waTaitasi kubilaila pezhulu penu sokubilaila kwakabiga munami.17Kusi kuti wakavuma chikumbilo chedu chete, koga nokusungwala kukwe ukumuzha kwamuli nokuda kukwe.18Watimuuntuma naye mwanakwaina unozibikana mumakubungano wose nokubhaunula kweNdebo iMbuya kukwe,19zwisi yezwi chete, asi iye wakashalujwa namakubungano kuti ekwende nasu pakunyamula zwipo zweshe zwatikumutila kukujwa kwaTezi nokutondeja kuzwipila kwedu kubhancha.20Atidi kuti kube nouchatipa undandu nechipo chikulwana yechi chatimukoba,21nokuti tilonanga zwilolulama kusi mbeli kwaTezi chete koga nomumesho abanhu.22Akale naibo yaba tikumutumija mwanakwaina wedu, iye watashenengula tunji tiwana egala ekasungwalila kubhancha muzwinhu zwinji, koga ngweno ulosungwala kupinda unshaji wose nokuti unalubimbo lukulwana kwamuli.23Ndileba nezwa Tayitasi, umwe wangu akale eli unshingikwaina wangu unoshinga nami timushingila, akale nezwabanakwaina bedu yaba, batumwa bamakubungano, banobuza lukujo kunaKristo.24Nokudalo tondejani banhu yaba busumikiji pambeli pamakubungano, oludo kuti banhu bebone chisoko chokushiya kwedu namwi.
The Word for the World International