2 BaKolinte7
1Bakwaina banodikana, sezwo tilina zwibimbiso yezwi, ngatizwishampulujeni nokwedu kunazwose zwinotiswibhisa mumbili nomumpepo, akale tibe bachena zwilopelelela mukutya Mwali.2Tizhulileni myoyo yenu, atijakachinyila kana aani, apana utakaswibhisa, atijakachebela unhu.3Andijimuleba yezwi kuti ndimulashe, nokuti ndaleba kale kuti mumomumyoyo yedu, tofila pamwempela akale tokugala pamwempela.4Ndinalubimbo lukulwana kasakasa namwi, ndoshiya kasa namwi, ndilozhajwa nolunyalajo. Kojoba masheto edu ose akatimoma, ndiloshantilwa kasakasa.5Patakaswika kuMasedoniya, atijakawana kunyetutukwa, koga takayabiswa munzila jose kujumbulana kuzhe, akale lutyo mumyoyo.6Koga Mwali unonyalaja balohetela, wakatinyalaja nokuswika kwaTaitasi,7akale kusi kuzha kukwe chete koga takanyalajwa akale nenzila imwakombalaija nayo, etibuja nokutizwimba kwenu, nokutilila kwenu, nobusungwaji bwenu kwandili, zwakata kuti ndibe nolushanto lukulwana.8Kojoba ndakata kuti muhushubale nolukwalo lwangu, andineshungu nazwo (kojoba ndakababa neshungu nazwo), nokuti ndakabona kuti lukwalo yolo lwakamupisa ishungu, kwonshaji unshomanana chete.9Ngweno ndiloshantilwa, kusi kuti mwakawha ishungu, koga nokuti mwakawha ishungu jakamuta kuti mushanduke, nokuti mwakawha ishungu jobumwali, sezwo apana chimwakalashikilwa mwatili.10Nokuti kulwajilwa nomwoyo mubumwali kunobuza kushanduka, kunobuza luchijo akale kusinobuza ishungu, koga kulwajilwa nomwoyo sabenyika kunobuza lufu.11Sezwo ilingani kuti kusungwala kwenu neshungu jobumwali kwazwalani mwamuli, kufundumala ni kuti muzwichenese, kunyema ni, kukatamukani, kuzwimbuluka ni, kusungwala ni, kulangwa ni! Munzila yose mwasimatija kuti amunandandu muneyi inyaya.12Kojoba ndakamukwalila, akujakabeli pezhulu poyo wakabipisa, kana poyo wakabipisilwa, koga kutila kuti kusungwala kwenu kwatili kube pachena kunamwi mumesho aMwali.13Nokudalo tilonyalajwa.
Akale kuzhe kokunyalajwa kwedu isu takashantiswa nokushanta kwaTaitasi, nokuti imwi mose mwakanyetutusa moyo uwe.14Nokuti kana pana zwandakaleba kwaali neshiyo lyandinanalyo munamwi, andijakaswabiswa, koga sazwose zwatakaleba kwamuli ichokomende, nokudalo kuzwitunha kwedu kunaTaitasi kwakasimatijwa muchokomende.15Akale moyo uwe uzhele noludo lwilopamijika, pakumukumbulukwa kuwhilila kwenu mose, akale nokuuntambula kwenu mulukujo nokuundemekeja.16Ndoshantilwa kuti munazwose ndinalubimbo luzhele namwi.
Akale kuzhe kokunyalajwa kwedu isu takashantiswa nokushanta kwaTaitasi, nokuti imwi mose mwakanyetutusa moyo uwe.14Nokuti kana pana zwandakaleba kwaali neshiyo lyandinanalyo munamwi, andijakaswabiswa, koga sazwose zwatakaleba kwamuli ichokomende, nokudalo kuzwitunha kwedu kunaTaitasi kwakasimatijwa muchokomende.15Akale moyo uwe uzhele noludo lwilopamijika, pakumukumbulukwa kuwhilila kwenu mose, akale nokuuntambula kwenu mulukujo nokuundemekeja.16Ndoshantilwa kuti munazwose ndinalubimbo luzhele namwi.
The Word for the World International