1 Timoti3
1Isumo inolebesa kuti, unhu kana eda chigalo chokuba untungamili wegubungano, unobeda unshingo umbuyanana kasa.2Ngweno untungamili wegubungano unokwelela kuba unhu usinolebelwa chibi paali, unhulume ulolobola unkaji umwempela, ulojikama, unozwikabula, una buchenjevu, una chilemela, unotambula banhu, akale etubula kulayija,3usinkolwi, usina luzha koga eli nyolonyolo, usine gakaba akale usinotangala imali.4Unokwelela kubhata imhuli iye zwibuyanana, bana babe bezwininipisa akale belina lulemeso munzila jose,5kana unhu esinotubula kutungamila ingumba iye, angalondota chini igubungano lyaMwali?6Aatokwelela kuba umvumili umpya, nokuti angazwida nokushiya akawila mukulashwa kwaGuluzhanje,7nokudalo unokwelela kukujwa nabokuzhe kwegubungano, nokuti angawila mukushundwa akale nomukalabwi kaGuluzhanje.8Babhanchi bomugubungano naibo banokwelela kuba nechimilo chibuya, besintwakubili, besi banwi bewayini, besi mapazwi anovumpila zwose,9banokwelela kutambula isiswa lyokudimbwa beli nomwoyo ulolulama upo pachena.10Akale ngebetange bakwejwa, kana batondejela kuba balulami, ngabepiwe unshingo wobubhanchi mugubungano.11Banhukaji ngebebe nechimilo chibuya, basinopita, koga bano zwibhata, beli balo bimbika muzwinhu zwose.12Babhanchi begubungano ngebebe banhulume bana nkaji umwempela, akale ngebebe bano tubula kulela bana nemhuli yabo zwibuyanana,13nokuti yabo bano shinga zwibuyanana saba bhanchi mugubungano banozwiwanila kulemekejwa akale nokubimbika kukulwana mukudimbwa kuna Kristo Jesu.14Ndobimba kuswika kwamuli munshaji unshoma unotobela, koga ndikumukwala indayo yeji kutila kuti,15kana ndingochelejwa uzibe kuti banhu bano kwelela kuzwibhata chini mugubungano, lili ilyo igubungano lyaMwali umpenyu, ibhango akale nobulambo bwechokomende.16Zwinotambulwabo kuti zwilosisika mukunamata Mwali zwikulwana,iye wakatondejelwa mumbili.Akasimatijwa muMpepo.Akabonwa nengilozi jaMwali.Akabhaunulwa mukati mwenduji.Bakwondimbwa munyika yose.Akanyamulilwa kudenga mukungaima.
The Word for the World International