1 Timoti2
1Chotanga ndinosungilija kuti imbwetejo, minamato, kukumbilila bamwe nokuboka kutilwe banhu bose,2akale namashe nabo bose bayipo pezwigalo zwopezhulu, kutila kuti tibe nobupenyu buna kuwhilijila nolunyalalo akale buna kutya Mwali nolulemeko munzila jose.3Yezwi zwibuya akale zwinotambulika pambeli paMwali uNchiji wedu,4iye unoda kuti banhu bose bechijwe akale kuti bose bebe noluzibo lwechokomende.5Nokuti kuna naMwali umwempela, akale kuna unkwendeleji umwempela pakati paMwali nabanhu, unhu Kristo Jesu,6iye wakazwipila sendipilo yabanhu bose, busumikiji bwakabaipo nonshaji ulokwelela.7Nezwi ndakaponchwa kuba umbhaunuli akale umpositoli akale uNdayiji wabo Kuzhe mukudimbwa nomuchokomende. Andijikumuniepa, ndikumumubuja ichokomende.8Ndinokwemuja kuti mubugalo bose banhulume benamate, benyamula maboko machena pasina kunyema kana kukakabajana,9akale kuti banhukaji banokwelela kumbala zwina chilemelela, zwimbalo zwina bunhu, zwisi zwamasusu alolukwa, kana indalama, kana bushonge kana zwimbalo zwinodula kasa,10koga nezwito zwibuya, zwilokwelela banhukaji balodimbwa muchinamati.11Unhukaji ngelayijwe mukunyalala nokuzwininipisa kose.12Anditovumija unhukaji kuti elayije kana kuti ebenesimba pezhulu pabanhulume, iye unokwelela kuwhilijila.13Nokuti Adamu wakatanga kubumbwa, kukatobela Eva,14akale Adamu aajakachengelwa, koga unhukaji ndiye wakachengelwa akaba unchinyi.15Koga unhukaji unoochijwa nokuzwala bana, kana ekasimilila mukudimbwa, muludo, mubuchena nomukujikama.
The Word for the World International