1 Joni2
1Bana bangu, ndimukwala yezwi kwamuli kuti musichinye, koga kana unhu achinya, tina undebelekeli unaTate, Jesu Kristo ulolulama.2Iye nokukwe ndiye umpilo woluchinyo lwedu, lusiluchinyo lwedu chete koga luchinyo lwenyika yose.3Nezwi tingaba nechokomende kuti tinounziba, kana tilondota milawo iye.4Yoyo unoti “Ndonziba,” koga esinolondota milawo iye, inyepi, akale ichokomende alimo munaiye,5koga yoyo unolondota iwhi lilye, munaiye ludo lwechokomende kunaMwali lunopeleleswa. Nezwo tingaba nechokomende kuti timomunaiye.6Yoyo unoti unogala mwaali unokwelela kukwenda munzila yakaleyo, yakakwenda iye Jesu Kristo.7Banodikana, andijikumumukwalila indayo impya, koga ngiyantolo imwakabeli nawo kuvila pakutanga, yeyi indayo yantolo iwhi limwakawha.8Koga ndikumumukwalila indayo impya, ili yechokomende kuna iye nokunamwi, nokuti inhilima imukupinda, mwenje wechokomende ukumupenya kale.9Yoyo unoti umomumwenje, ebenga mwanakwaina uwe, uchimo munhilima.10Yoyo, unoda mwanakwaina uwe, unogala mumwenje akale mukati mwawo amuna zwingontisa kuti echinye,11yoyo unobenga mwanakwaina uwe, uchimo munhilima, unokwenda munhilima, akale aatoziba kwaamunda nokuti inhilima yapofomaja mesho awe.12Ndikumukwalila imwi bana batukutuku, nokuti luchinyo lwenu lwakalekejelwa pezhulu pezina lilye.13Ndikumumukwalila imwi matate, nokuti munonziba wakabelipo kuvila pakutanga. Ndikumumukwalila imwi bazhuzha, nokuti mwakazunda iye umbi.14Ndinomukwalila imwi bana, nokuti munouziba Tate. Ndomukwalila imwi, matate, nokuti monziba iye wakabelipo kuvila pakutanga. Ndomukwalila imwi bazhuzha, nokuti munamasimba, newhi lyaMwali linogala mwamuli, akale mwakazunda umbi.15Muside inyika kana zwinhu zwimomukati mwayo. Kana umwe wenu eda inyika, ludo lyobuTate alwimo mwaali.16Munazwose zwimomunyika, kulakamila kombili, kulakamila kwamesho, kuzwikuja nobupenyu, azwitoba zwaTate koga ngozwe nyika.17Akale inyika nezwilakamilo zwayo zwinopinda, koga iye unota kuda kwaMwali unogala kwalini nalini .18Bana bangu, unshaji wopejeleja waba pelyo, akale sezwimwakawha kuti unyenyeji waKristo ukumuzha, ngweno babengi baKristo banji bezha. Nokudalo taziba kuti waba unshanji wopejeleja.19Yaba banhu atijakabelina bulyijani nabo, ndizo bakatisiya nokuti ngana bakabeli bedu, balondilambeli nasu, koga ibo bakabhuda, zwitondeja pachena kuti bose abajakabeli bedu.20Koga imwi mwakagubwa noNchena akale mose moziba ichokomende.21Ndinomukwalila, ndisinoleba kuti amutoziba ichokomende, akale moliziba ilebeswa, apana manyepwa anova muchokomende.22Ndiani iniepi, aatoba iye na unolamba kuti Jesu ndiKristo? Wakadai ndiye unyenyeji waKristo, nokuti unolamba Tate noMwananhulumyana.23Yoyo unolamba Mwananhulumyana unolamba Tate, yoyo unotambula Mwananhulumyana una naTate neebo.24Bonani kuti yezwi zwimwakawha kuvila pakutanga, zwinogala mwamuli. Kana yezwi zwimwakawha kuvila pakutanga zwigala mwamuli nezwo mogala muMwananhulumyana akale nomuna Tate25Yezwi ndizwo zwaakatibimbisa Kristo, zwokuti unootipa bupenyu businopela.26Ndikumumukwalila yezwi nphezhulu pabanhu banoda kumuchenga.27Imwi, kugubwa kwamwakatambula kuna iye, kunoogala munamwi, nokudalo akutodikana kuti kube nonhu uchamulayija, nokuti kuguba kukwe kunomulaija nezwe zwinhu zwose, akale ichokomende, aatoba maniepwa, sezwa mwakalayijwa galani muna iye.28Ngweno, imwi bana indilani mbeli mugala munaiye kutila kuti paachaboneka tibe balozwimisila, tisibe neshoni mbeli kukwe pakuzha kukwe.29Kana muziba kuti iye ulolulama, zibani kuti wose unota zwilolulama wakazwalwa naiye.
The Word for the World International