1 Joni1
1Tinomukwalila nezwe Whi lyobupenyu, lyakaba lilipo kuva pakutanga. Takaliwha, tikalibona namesho edu, eya takalibona akale maboko edu akalibhata,2yobo bupenyu bwakatondejelwa akale tikabubona, tikabusumikija, tikapupula bupenyu businopela kunamwi, bwakabeli naTate akale bwakatondejelwa kunasu.3Yezwo zwitakabona nokuwha tozwipupula kunamwi, kuti namwibo mubenokulyijana nasu, kulyijana kwedu kuko kunaTate nokuMwananhulumyana uwe Jesu Kristo.4Tinokwala yezwi kutila kuti kushanta kwedu kupelelele.5Yeli ndilo iwhi lyatakawha kuna iye, lipupulwa kwamuli, kuti Mwali ndiye mwenje, akale munaiye amuna kana inhilima.6Kana titi tinakulyijana naiye, tilimukukwenda munhilima, timunyepa akale atijikumulalama muchokomende,7koga kana tikwenda mumwenje, sobwaali iye mumwenje, tinakulyijana umwe noumwe, nelopa lyaJesu, Mwananhulumyana uwe, unotichenesa muzwibi zwose8Kana titi atina luchinyo tikumuzwichenga, nelebeswa alimo munasu.9Kana tilebulula zwibi zwedu, ulobimbika iye akale ulolulama, neebo unootilekejela zwibi zwedu akale unotishampuluja kuva mukusolulama kwose.10Kana titi atijilochinya, tinounta inyepi, akale newhi lilye alimo munasu.
The Word for the World International