Song of Solomon5
1Ih a gurie ga lüt luda, a tipui, a nau; Ih myrrh nah mosala hekwalu da. Ih au helialip nah heliadui tyeilu da; Ih a zau de tungdui si eh saklu da. Zangmedung mipei nah mipui de rang kebam Tyeilu, zangnamedung; saklu nah keku le sakmie lu.2Ih au zip bam, dede a mlung au mrak bam. A kubepei kikam ketung bam nah pa rang, “Acu kikam ngkei beulo, a tipui, a kubepui, a tamhau, a kemcipui, kedanemene hezin le a peu hwa dida, a peutam mwangzui le hwa dida.”3“Ih a paini lwak mpetti da; Ih cide teu dailu maisia ni? Ih a pi hui dida; Ih a pi tei hera dai di maisia ni?”4A kubepei kikam ngkei kecu gage pe ba kaigai, nah a mlung pe ziemne herwa di.5Ih a kubepei de kikam ngkei beu kerane cuhlu; a badung gade myrrh zaumie bam, a zurangdung myrrh le hwa bam, kikam bazap ga.6Ih a kubepei ziemne kikam ngkei beu, dede a kubepei au nreu tetti da. Pa marang gai kecu dau a sui siadi. Ih pecu peei twagwa, dede Ih pecu ngaulu ma; Ih pecu qu gai, dede pa a sam kelibeu ma.7Reketme namdi ga hui gwang keladau acu ngaulu. Penui acu tei nah acu rejam di; kekwame kirie ga kebamme ne a pai süt pwadi.8Ih nnuide peu sampet gai neubam, Jerusalem napuidung, nnui a kubepei de peeilu cai, Nnui pecu peu dai cilu lai no?, Ih kemrai ne mnei dida de kecu.9Dainzwa eh n kubepei kedame kubepei swa yiki no, mipuime kak gade hezu yitube poe? Daitei n kubepei kedame kubepei swa yiki no, anuide ai kenzwa sampet tei kera kie kecu.10A kubepei au hezuyi nah gie remang, mina cang kerei swa de yi.11Pe peu au kecak yitube; pe tam au ndau nah hegak nzwa tiak.12Pe miakdung au reunaki taiga tamhau nzwa da, tungdui gage hui pwa kebam, jeweldung de le mtei pwa kebam nzwa.13Pe biadung au mosala guriedung nzwa, marim kehenguidung pung kebam. Pe muileu au teizuine padung, myrrh dui zau mie kebam nzwa.14Pe badung au kecak kenggwadung nah jeweldung de si eh; pe za au hepwangeu sapphiredung le gumpung bam.15Pe pidung au marble tsia, kecak singkam gage sum pwa kebam; pa au Lebanon nzwa, cedardung nzwa yi.16Pe mui au kum zu; pa au nca cangsiak. Aide au a kubepei, nah aide au a zangbe, Jerusalem napuimedung.
Bridge Connectivity Solutions Pvt. Ltd.