Psalms90
Tinggwang nabe Moses gu kekie ge.
1Rampaubo, nang au anui kemsiube ceheudung pelane gade.2Lamlwadung damgai kemakdwa, mede nang hangdeu nah kideu damgai kemakne, kelungta gade kelungta ga, nang au Tinggwang.3Nang mina de rebui gage tei cailigai, nah nang rang, “Nnui mina leuhdung, caili dai dilu.”4Kedanemene n miakngau gade mmi cang ge au nziene cide gwang kedibenai nzwa, nah tingmui dau bamdakkak kecam nage nzwa. 5Nang mina de duinai nzwa biakgi dila nah penui zipdi; tingcangdau penui cehei bang pwakcuh kecu nzwada.6Tingcangdau cide papet nah lunghcuh la; tinghegi cide kii nah cangh dila.7Kesang lie, anui au n rata ne mnwa lu, nah n lunghop gade anui ngngi mbeu bam.8Nang anui zaisietdung n dwaga kailu, mede kebai pwakebam maudung n kebaa dwa gade.9Anui teilung n lunghop gade gah di bam; anui mmidung mi ngi nzwa tetgui dizeu.10Anui mmidung au riakhena, mede riakheset anui pum yincang bam liecai; dede anui mmi yitube liede keherei nah lungrei ne puibam. Yeo, penui zette pak bam, nah anui lim tetti zeu.11Cauge n rata kengkieng de ci no, nah n lunghop de ncu kehing de nsamdi kecu?12Cine anui teilung pielu kera anuide ledeu beulo ciu eh anui maci eh lungh lu kerane.13Nreu cailigai, RAMPAUBO! Cide dai tiege laino? N kilamedung de ngaunggia gailo.14N samkakkelu kesamsang le tingcangdau anui lung taumla gailo ciu eh anui tingbaziedung leune ga anui suiyi süt bamlu kerane.15Nang anuide teikeherei kegai rehi gade tingbaziedung kieege anui suiyi teilo nah anui keherei daukecu mmidung kieege.16Peu n kilamedung de n bata ngaulo, nah n name de peu n kemdu ngaulo.17Peu Rampaube anui Tinggwang zai keyi de anui gu kelube tei lulo; anui badung le teikegai lungh yilu; kesang, anui badung le teikegai lungh yilu.Bridge Connectivity Solutions Pvt. Ltd.