Psalms64
Kenlang leibungkekwame ziemne. David gu lei ge.
1A kwa ngkinglo, Tinggwang, a ncam kingnei gailo; a ngauraume dade kengngi gade acu kelibeu lo.2Kesiaketeime ngkim eh mariem kebam gade acu kebai beulo, kesia keteime acu tei kebwak kebam gade.3Penui au kingtiedung nzwa penui mleu tui mzau pwabam; penui lakpitsidung gaa pwabam dida, kekaabe samdung,4ciu eh penui kengkim ni gade mina maukemakme de kaplu kerane; penui zette pecu kapgai nah magede hing ma.5Kesia mariem ga penuikatei penuilung teimdi lula; hetakdung tei kerane penui ngkim eh mpau ncütla la; penui rang eh, “Cau anui de ngau zie no?”6Penui kemau ciem rim ndeulu; “Anui teicang luda,” penui rang eh, “riem sünne keluge.” Helungbe kecet nah mina mlungdung au cuksüt.7Dede Tinggwang penui de kap zie; zette pe lakpitsidung ne penui de rezam dizie.8Penui de peu kaudi kera tei gaidi zie, kedanemene penui mleudung de penui de mmau bam; penui de ngau kecume leune penui peudung mlai dizie.9Mina pelane ngngi dizie nah Tinggwang tei kegaidung ndu zie. Penui mriaksüt eh pa tei kegaidung cet zie.10Makesangme RAMPAUBE da suiyi bam zie nah pe da msiu lu zie; helung kemzuime pelane pe dade hegie luzie.Bridge Connectivity Solutions Pvt. Ltd.