Psalms63
David gu lei ge, pa Judah hetaideu ga keladau.
1Tinggwang, nang au a Tinggwang! Ih alung kaisüt eh ncu peei la, a rabe n ziemne hereu bam, nah a pumteih ncu hengin bam, hangdeu cika dui gah eh cangh kecuga.2Cine Ih ncu kerecaki ga piegai, n kengkieng nah n kendu de pie kerane.3Kedanemene n samkak kelu kesamsang au teilung swade yiki, a muileu ncu twa zie.4Cine Ih lungh kebam dau Ih ncu samlam zie; Ih n zi gade a badung hwacuh zie.5Taktyei keyi cide Ih tyei eh mnung luzie; Ih a muile suiyi lei tei ncu twa zie,6Ih a zeulie gade ncu mning kegai dau nah tingmui tingdau ncu cet ncuksüt gai.7Kedanemene nang acu kenghabe, nah n hesiu miekang gade Ih a suiyi la.8Ih ncu ngngei bamla; n ba zetle acu ngha beula.9Dede a teilung teingkap kera peei kelame hangdeu ngkangtube setdung ga nghung zie;10penuide kiengtie keteume ba reu gage balie gaibeu dizie,nah penui maiserungdung gu taktyei ge dizie.11Dede hegwangpei Tinggwang da pe suiyi dizie; Tinggwang zi gade sampet kelu mileune pecule pwa hegie dizie, dede kenretdung rang kelame muidung ngkui ciak dizie.Bridge Connectivity Solutions Pvt. Ltd.