Psalms60
Kenlang leibungkekwame ziemne; Shushan Eduth ga teleilu. David gu Michtam ge, ledeu kerane. Pa Aram Naharaim nah Aram Zobah de ngngwa keregi kecudau, nah Joab cailigwang nah Mcai Langkam gade Edomme cang kereiehkena de teitsetti.
1Tinggwang, nang anui de kelien gi dida; anui de gumpwa kebam ga nang teipang nlüt; nang nrata bam di; anui de teiheci dailo.2Nang hangdeube de teumlai dida; nang cide teurak dida; pe lungreidung de teingkei beu, cide nlak kebam ziemne.3Nang n minadung de teikepa dungde peu ngau gai; nang anuide tet ngkoidi kela zau peu sak.4Ncu rüt kelame ziemne, nang pailim ge teleilu lakpi pungkelame de keulia lu kerane. Selah5Ciciu eh nang hung kelame de kelilu kerane, n ba zetle ne anuide kelilu nah acu keligai.6Tinggwang pe kemcibe gade ranggai, “Ih a suiyi zie; Ih Shechem namdi de mzi dizie nah Succoth Langkam de keumpet ntsam dizie.7Gilead deudi au agu; nah Manasseh deudi au agu; Ephraim deudi liede a peucum; Judah deudi au agu tuitie.8Moab deudi au agu makehuikwak; Edomme de Ih a picum le beuzie ; Ih ngkieng kelu gade sahbak gai zie Philistia ziemne.”9Kengkieng namdibe ga caune acu ngngwa gwang lai? Caune acu Edom ga teuswa tet lai?10Dede nang, Tinggwang, nang anuide püt dide meni? Nang anui reugwame de ngngwa hereuketei ga mie ma.11Ngauraume dade anuide ngha beulo, kedanemene mina ngha au kemta.12Tinggwang kengha gade anui ngkieng luzie; pa anui ngauraumedung de daucim ngkau dizie.Bridge Connectivity Solutions Pvt. Ltd.