Psalms59
Kenlang leibungkekwame ziemne; Al Tashheth ga teleilu. David gu lei ge. Michtam ge; Saul langkegai dau, nah penui pecu teitset kera heki de pie.
1A ngauraumedung dade acu kelibeu lo, a Tinggwang; acu renia cuh kecume dade acu teu cehu beulo.2Kemau ta keteime dade acu keli pwapeu lo, nah hejai teilwa neu kelame dade acu kelibeu.3Kedanemene, pielo, penui a teilung de keu kerane mbai eh kwabam. Kengking minadung penuikatei penui gwang ngkwa eh acu gwaketang, dede Ih kesia tatei mede kemau tei kedi ziemne ma, RAMPAUBO.4Ih mau me liede penui acu mmau gai kera nteibam di; nraklu nah acu nghalu nah pielu.5Nang, RAMPAUBE reugwame reu Tinggwang, Israelme Tinggwang, cuhlu eh heleuhdung pelane de saja peugai; kesia kemau ta keteime de ngaunggia so. Selah6Ngauraume tinghegi dau cailigwang, penui heteudung nzwa hap nrung di nah namdibe ga twagwa ladi.7Pielo, penui muile mide rang kemsia nah keheu kecu sam kingnei gailo; kingtiedung au penui muileu ga bam, kedanemene penui rang eh, “Cau anuide siu luno?”8Dede nang, RAMPAUBE, penuide nuibam; nang nlum kemak heleuhdung pelane de nuineu bam.9Tinggwang, a kengkingbe, Ih ncu a lung pelane peuzie; nang au a tsukwa kehube.10A Tinggwang pe samkakkelu samsang le acu dau zie; Tinggwang a hengim de peu a ngauraume dade ngaulu zie.11Penui de teitset diso, mecai a minadung nsungta dizie. N kengkieng le penui de teizang dilu nah penui de teingkau dilu, Rampaube anuide kegumbe.12Penui muidung maudung nah penui muileukungdung gu samdung ziemne, penui hegie kelade ne peu penuide tuiteu dilu, nah resetdung nah kenretdung penui rangkegai de ziemne.13Lunghop gade penui de mnwa dilu, penui de mnwa dilu ciu de penui bamsi tadi lu kerane; Tinggwang Jacob da hegwang tei kecu peu penuide cilu nah kideube penli ga kecang. Selah14Tinghegidau penui cailigwang, heteudung nzwa namdibe twagwa eh hap mrung di.15Penui taktyeipok peei eh lu aika rwala nah penui mnunglu mecai penui heteu nzwa mra la.16Dede Ih n kengkieng ha teu lei teizie, nah tingcang dau n keku bammui kela ha teu Ih lei teizie! Kedanemene nang agu tsukwa kehu ge kecune nah Ih keherei kelu benai a kemsiube.17N dage, a kengkingbe, Ih lei tei twa zie; kedanemene Tinggwang a tsukwa kehube, samkak kelu kesamsang Tinggwang.Bridge Connectivity Solutions Pvt. Ltd.