Psalms48
Lei ge; Korah namedung gu lei ge.
1RAMPAUBE au dizu nah twasüt kerabe, Tinggwang namdibe ga pe kemci lamlwa ga.2Pe hu au hezu yi, kideu pelane suiyibe, au Zion deutu, tingtünle mbie ga, Hegwang kedi namdi be.3Pe hegwangki gade Tinggwang pekatei pecu kensiube ge lie de eh peu pecu cigai.4Kedanemene, pielo, hegwangmedung gwang ngkwalu; penui ncüt eh nzangpet.5Penui cipau namdi de ngaugai, ge penui swa gahdi; penui ngngi di, nah penui pak zette tetdi.6Cika kengngi ne penuide tuilu, mipuige hena mna eh teei kela nzwa.7Naimiak kepetle tingkai le nang Tarshish namdi liemdung teimsia di.8Anui siu kelu nzwa, anui ngau da kengkieng RAMPAUBE namdibe ga, anui Tinggwang namdibe ga; Tinggwang cide peu kelungta kwak luzie. Selah9Anui n samkakkelu samsang de cetncok gai, Oh Tinggwang, n kerecaki sum gade.10N zi au, Tinggwang kecu nzwa, cine kideu penli kecang ncu twa bam; n zetle ba ga kesamsang le puibam.11Peu Zion Deutu de pe sui yilu, Judah ga minadung depeu penui sui yilu n kesamsang hezaidung de ziemne.12Zion Deutu tet twagwalu, cide tet twagwalu; pe hapiadung peeilu,13pe kirie kwakeludung pie hemi gailo, nah pe hegwangkidung de pielo iciu eh pecai lungleu kerame de rang lialu kerane.14Aide ziemne Tinggwang au anui Tinggwang kelungta nah kelungta; ketsai kecangde pa anui lampui sau beuzie.Bridge Connectivity Solutions Pvt. Ltd.