Psalms4
Lei kempwakme muiteube ziemne; pe ria ketei leibungdung gade. David gu lei ge.
1Ih qu kegaidau acu keli gailo, a kesamsang Tinggwang; Ih keherei kecudau acu ngha beulo. Acu ngaunggia gaibeu lo nah a kekie kingnei beulo.2Nnui minadung, daitie ge acu herüt kepeu de keu hengam teila laino? Daitie ge nnui ma kemtabe luuneu eh la laino nah kenretbe peeila laino? Selah3Dede ci lulo RAMPAUBE ma kesangme de pegu tei zielie keuntsam luda. Ih qu kegaidau RAMPAUBE siu luzie.4Ngngi eh mbeulu, nah kemau teiso! Nang n zeu gade n mlung le cetncok sütlu nah zing delu. Selah5Ma kesamsangbe ratakdung teigai lu nah nang n kenlumde RAMPAUBE dage kailu.6Mina kekiee ge rangla, “Ma keyibe anuide caune keulia lai?” RAMPAUBO, n zu kebaa de anui reu ga peu baa lo.7Nang a nlung de suiyi peusi dida mi kedame penui mei nah zau keheci kekiee ge ngau keludau suiyi ngaukelu swade kiee eh.8Ih lungciep teu delwe zeu mie zie nah zip zie, kedanemene nang rünne, Oh RAMPAUBO, acu gum nah kwa kwakbeu kelane.Bridge Connectivity Solutions Pvt. Ltd.