Psalms3
David lei, pa pe napei Absalom dade paktet kedidau.
1RAMPAUBO, a ngauraume daikiee ge no! Kekiee ge acu mmau cuh dida.2Mi kekiee ge a ha rang, “Tinggwang kengha au pe da gah.” Selah3Dede nang, RAMPAUBO, acu twagwa kepung a hegeu da, a kendu, nah a peu pwa ngangcuh kebeube da.4Ih RAMPAUBE dage hap gai, nah pa pe kemci kideutu gade a sam keligai. Selah5Ih zeu mie nah zipdi; Ih nrak cuh dailu, RAMPAUBE acu gum kebeu ziemne.6Ih ngauraume hemaa maadi de hing lak acu mmau kera twagwa pung kebamme de.7Cuhlu, RAMPAUBO! Acu kelibeu, a Tinggwang! Nang a ngauraume leune de pe bia gage kepeu zie kecune; nang mina kesiame geidung teicum dizie.8Kelikelu au RAMPAUBE dade gwangla. Oh RAMPAUBO! N samlamdung peu n minadung reuga bam lulo. SelahBridge Connectivity Solutions Pvt. Ltd.