Psalms33
1RAMPAUBE da nnui suiyi sütlu, nnui kesamsangme; ketwa au petau kelame ziemne petau.2Leibung teu eh RAMPAUBE de hetwa peulo; peria kerei kebam leibung teu eh peda ketwa lei tei gailo. 3RAMPAUBE da lei keheci ge teigailo; kwa gapte lulo nah suiyi le lei tei gailo. 4Kedanemene RAMPAUBE sam au mzui kecune, nah pa tei kecu leune au masang.5Pa kesamsang nah kemzuibe pe suila. Kideu au RAMPAUBE samkakkelu samsang le pui.6RAMPAUBE sam le tinggimdung teilu, nah pe mui cui le hegidung teigai. 7Pa jaaidi dui pelane heni ket gage hekwa lula; pa duididung ma kehekwa ki gage kai lula.8Kideu pelane de peu RAMPAUBE de hinglu; kideu ga lung kebamme pelane pecu peu rütlu.9Kedanemene Tinggwang sam ranggai, nah kideu teilu kedine; pa aja kaigai, nah cide pebam ga sap kedine.10RAMPAUBE heleuh hekang tei kebamdung de gu lungning tei ngkung dila; pa mina riem kegaibedung reuga pa kengkieng teula.11RAMPAUBE mariem au kelungta bamla, pe nlung mariemdung au lunggwang kela leuh leune ziemne bamla.12RAMPAUBE de pe Tinggwang lie kecu heleuhdung de samlam pungtu delie, pa ne pe gu mapwame tei zie lie eh kedetkelu minadung.13RAMPAUBE tinggim gade piela; pa mina leune de ngaula.14Pa lung kebam heni gade, pa kideu ga lung kebamme leune de pie nghung la.15Pa penui lungning pelane teigai kegaibe penui tadung pelane piela.16Hegwangme migede reugwame kekiee ge ziemne ngking lula ma; reugwame pe kengkieng kedi ziemne ngking lula ma.17Hekwen au ngkienglu kera kenret regui ge; pe kengkieng kedi bam liede, pane keli gailak.18Pielo, RAMPAUBE miak au pecu rüt kelame de piela, pe samkakkelu samsang ga regui kebamme de19ketsai gade penuide ribeu kerane nah herakum tingdau peu ringbamlu kerane.20RAMPAUBE de anui kwa bamzie; pa anuide kenghabe nah anui geu.21Anui nlung RAMPAUBE da anui sui yisüt la, kedanemene anui pe kemci zi de nlum lalu.22Peu n samkakkelu samsang de, RAMPAUBO, peu anui da bamlo anui keregui n da kebam ziemne.
Bridge Connectivity Solutions Pvt. Ltd.