Psalms142
David gu lei ge, pa tsupop ga kebamdau; kekie ge.
1Ih sah eh RAMPAUBE dage kengha kiegai; Ih RAMPAUBE kengha de zimene mra gai.2Ih a suisiet RAMPAUBE dwa gage ruigai; Ih a reidung peda ranggai.3A rabe a da kebam de mnei kedidau, nang a lampui ci. Ih tetkela lampui ga a ngauraume a ziemne hebai ge kebainzeu.4Ih a zetle piegai nah ngau migede a mapie kera gah kecu. Ih paklu kera gahdi; migede a teilung ma pie kera gah.5Ih ncu qugai, RAMPAUBO; Ih ranggai, “Nang au a kensiube, kering deu ga nang au a lie zi.6Ih kengha ziemne qu kegaidau kingnei gailo, kedanemene Ih hena süt eh teugwang lalu; acu tei keherei kelamedung dade acu kelibeu, kedanemene penui au aswa ngkieng kecune.7Hebaangki gade a rabe teumpet beu ciciu de Ih n zi de twa luzie. Kesamsangmedung acu twagwa luzie kedanemene nang a dade n zai yila lu.”Bridge Connectivity Solutions Pvt. Ltd.