Psalms141
David gu lei ge.
1RAMPAUBO, Ih nda ge hapgai la; a da zette gwanglu. Ih ncu qu kegai dau kingnei gai lo. 2A kekie ndwa gade marim kehengui ge nzwalu; A badung hwa kegai de tinghegi ratak nzwa lu.3RAMPAUBO, a mui reu gage kekwabe ge kaigai lo; a muileudung kekwabe teilo.4Peu a n lung de makesia keheibe mede kemau tadung peu teidi so makesia zai keteime de ngngwa eh. Peu acu penui taktyeidung keheibe de tyei diso.5Peu ma kesangme ge depeu acu teilu; a ziemne cide au hezai keyi ta ge zie. Pecu peu acu ledeu lu; cide au apeu ga maca ge nzwa zie; peu a peu de cide luurau diso. Dede a kekie au penui kesia tadung de ngkau muila zie.6Ngauraume gu kedimedung de tsura hetia gade kelien nghung dizie; akatei a sam au keyibe lei kecu penui siuzie.7Penui ainzwa rangmaisia, “Mige hangdeu pu nah tei pangpop kegaidau, ciu eh Sheol mui ga anui radung tei zangra gai.”8A miak au n da la, RAMPAUBO, Tinggwang; Ih n dage nsiu la; a rabe de püt diso.9Penui a ziemne hebaihdung tei kenzeu gade acu gumlu, makesia keteimedung hebai gade.10Ih pakdi kecudau peu kesiame de penui katei penui hebai ga kau dilu.Bridge Connectivity Solutions Pvt. Ltd.