Job35
1Elihu rangsi eh ranggai,2“Nang aide nzeulie nang cetla ni nang ‘Tinggwang dwa gade a nzeu’ de eh rang kegai dau?3Nang keteu lalu, ‘A ziemne cide daipai ge no?’ Nah ‘Ih kemmau tei de cai Ih yiki zie ni?’4Ih n sam keli beuzie, n sam nah n zangme samdung.5Tingkam ga pie gailo, cide ngau gailo; tingkam pielu, cide n swa huki.6Nang kemau tei dida, nang Tinggwang dage kerehim daipai teigai la no? N kemaudung hekwa hu lucai, nang pe dage daipai teigai no?7Nang au masang lie cai, nang pecu daipai peulu lai no? Pa n ba gade daipai luu lulai no?8N siet ne migede rejam lubui, nang au mina ge kecune, nah n kesamsang ne mina kangge de keyi peu lubui.9Mide teikeherei ta kekiee ge ziemne, minadung sah gaila; penui kengkiengme ba gade kengha kie gai.10Dede migede rang ma, ‘Daiga acu Teikegaibe Tinggwang la no, tingmui leidung peu kelabe,11kideu ga makaunedung de swade anuide ledeu kieeki beu kelabe, nah anuide tinggim ruinedung swade anuide maci teingkiee beu kelabe?’12Cikade penui sah gai, dede Tinggwang samli peu ma kedanemene kemaume penui zaidi kedine.13Tinggwang au kemieme sah kegai kingnei lak kesang; nah Ngkiengtube cide ga pelung kailak.14Nang pecu ngau melie rang cai pa dainkenzwa ge de n sam keli cam zie no, n ha au pe dwaga bamlie kecude, nah nang pecu kwa bamdi kecude!15Nang au pe rata au mide saja peula melie cu rangbam, nah kemau de keceunage kecang de pa au piela melie zeu.16Cine Job kemiesam rang kera rünne ziemne pemui ngnga cula; pa kecikecet si mene samdung keswapui luda.”
Bridge Connectivity Solutions Pvt. Ltd.