Job34
1Cipaureude, Elihu rangsi eh:2“A samdung kingnei gailo, nnui makecime; a kwa kingneilu, nnui kecikecet kebame.3Kedanemene mikwen au kingnei lalu mingangak ketyeipok nsi kela nzwa.4Anui ziemne anui kenzuibe kedet lugo; anui ziemne ma keyibe anui ci lugo.5Job ranggai da, ‘I au masang, dede Tinggwang a nzeudung keugi dida.6A nzeudung pei mene, acu le kenretpe tei dida. A jamdung yi pa dida, Ih kemau bam melie de.’7Mina caube Job nzwa, dui nzwa kecwasam sak eh.8Kesia keteime de nzwa eh nrui twagwa beula, na kesia keteime de ngngwa tetla kela?9Pa rang kedine, ‘Tinggwang luuneu kelabe tei kelame ge magede teikelu gah.’10A kwa kingnei gailo, nnui kecikecetme: Tinggwang hetakesia tei kera au pe dade mdei dilu; Ngkiengtube kemauta tei kera au pe dade mdei dilu.11Pa au mide bata nzwa peudai lalu; pa mileune de pe lampui riep ga kela nzwa pe ziehi pwa lula.12Kesang Tinggwang kesia ta gede tei lama, Ngkiengtube au kenzuibe tei msiadi lama.13Caune pecu kideu reu keteube teibeu no? Caune hangdeu pelane keu pe kang gage kai beu no?14Pa magade pe macetdung pe ziemne rünne tei cai, nah magade pa pe rabe nah pe cuingi pe dage kekwapwa dai di cai,15Iciucai mina pelane kapciau dizie; mina leune rebui ga cailigwang dizie.16Nnui cu kecikecet bamcai, aide kingnei gailo, a samdung kwa kingnei gailo.17Kenzuibe ngkau kelame mireu di lubui ni? Nnui Tinggwang mmau zie ni, kesamsang nah kengkiengbe de?18Tinggwang, hegwangpei ge dage rangla ni, ‘Nang au sia,’ mede keyime dage ‘Nang au nlien’?19Tinggwang, muiteume dage heneuherüt lia lama, nah kegahme de swa keheime de rang hemi swa lama, penui pelane de pe bata ciau kecune. 20Penui kaknage gage tsai dizie; muisum dau keheu dizie nah tsai dizie; Kengkingme de keuteu dizie, dede mina ba ne la; pa laka eh kengking mede teitsetlula.21Tinggwang miak au mige lampui ga piela; pa pikiet pelane ngaula.22Kemui gah, rahang mwa gah kemau keteime mbai lu kera bam.23Tinggwang au mige de mcet si mede yi; Migede tutiak ziemne pe dwa ga gwang mede yi.24Pa kengkiengme de teikecai dila penui teilung ha keteuketing si mede keyime de; pa kedame de penui bamdung gage kai dila.25Ainzwa eh pa penui tadung ha cibam; pa tingmui mina aidungde keliengi dila, penuide ngkap dila.26Minadung kengau gade, pa penuide kemaume de nzwa penui ta kesiane teitset dila27Kedanemene penui pecai sui gade nreu tet kedine nah pe lampuidung keheibe ci kemak nzwa kedine.28Ainzwa eh, penui kegahme mra kwa peu pe da gwanglu la; pa keherei kelame mra kwa siu luda.29Pa mlei ta kedi dau, cau pecu mmau lulai? Pa pe zu hebai di cai, cau pecu ci lulai? Pa au heleuhbe nah nlibe reuga nzwakap eh dila,30iciu eh mina kesiame ne kedi tei melu kerane, iciu eh minadung tak tei kerane migede bam melu kerane.31Magade mige Tinggwang dage rang, ‘Ih mau kesang dida, dede Ih kemau tei lak ta;32Ih ngau kelakbe acu ledeu beulo; Ih kemau tei dida, dede Ih cide teisi lakta.’33Nnui cipaude mau ziemne pecu saja peu kera cet la ni, nnui Tinggwang tei kelade nnui sui lame kecune? Nnui kedet la maisia Ih be mene. Cine nnui kecibe ranggai lo.34Kecikecetme a da rangla zie kesang, a kwa kesiu kemriakme leune rang zie,35‘Job au kecikecet si mene marang la; pe samdung au maci si ma.’36Magade Job de pe ha keceu kecak ziemne tutiak gage kai cai; kenlienme nzwa kerang sam ziemne.37Pa pe mau gage kecamlai kaisi kelune; pa anui kakga nuineu eh bapeu kecune; pa Tinggwang de kemmau samdung keswa luda.”
Bridge Connectivity Solutions Pvt. Ltd.