Job18
1Pecai Bildad Shuahmepei pe sam keli eh ranggai,2“Daidau ne n sam rang mtakdi lau no? Macet gailo, nah pecaine anui resiu dai kera.3N miak dwa gade daitei anuide heram kaune nah kemta lie lano?4Nang au n rata le ncu teurak bam dida, n ziemne kideube de gidi zieni meliede tangtsudung de pe bam gade keugi dizie ni?5Kesang lie, mina kenlienme kebaa au tei mmüt dizie; penui miheu de baa si lakta.6Pegu paiki ga kebaa de mui dizie; pe mitaubung pe reu ga kebamde tei mmüt dizie.7Pe pihwa kengkieng de tei mdui dizie; pekatei pe mariem dene pecu tei ngkau dizie.8Pekatei pe pi ne pecu kelien pwa helang be gage kai luzie; pa tet pwa hangdeu koiki gage kaugai dizie.9Hetak gage pe pitang keu lu zie; hetak ge ne pecu keu pwabam dizie.10Pe ziemne ngwangdwak ge hangdeu gage hebaih pwabam; nah pe lampui gage hetak ge tei pwabam.11Mi ngau kehing kekeheu le pecu twagwapung; pe pikietdung ga penui pecu gwala.12Pe maheidung ne pecu peu mzeu dizie, nah ma kengkapbe pe taiga mteipwabam dizie.13Pe pumteih kesa au ngkap cangsiak dizie; cinzwa delwe, ketsai nalung raitube pe pumteihbe kesa ngkap dizie.14Pecu pe paiki kekwak bam gade teurak dizie nah mi ngau kehing gwangpei dage tet gai dizie.15Sulfur kilung gage ruizang pwa kebam penui ngau kelucai pe mina kemakmedung ne pe paiki ga lung dizie.16Pe mah au pekang gade ki dizie; pereu le pekiakdung dang gi dizie.17Kideu gade pecu nsung ta dizie; puidi be ga pe zi gah dizie.18Pecu kebaa gade kemuibe gage gwagai dizie nah kideu gwa le ge gwagai dizie.19Pa pe na mede pe ca pe minadung kakga bam lak, meliene pa kebam ga pecu kemname de bam lak.20Naimiak lütle lungh kebamme de tingnaige pe dage tei kegai miswakegah de ne keheu süt gai zie; nah naimiak kepetle kebamme de de cidene keheu dizie.21Mina masang kemakme ki au cide kesang, Tinggwang de cikemakme bamdung au.”
Bridge Connectivity Solutions Pvt. Ltd.