Isaiah8
1RAMPAUBE ada ranggai, “Tangtsu kwak kedige keulu delwe kerautie le cika ge raulu, ‘Maher-Shalal-Hash-Baz .’2Ih nlumlu kebuime de zierang teikera qulu zie a zierang peu tei kerane, Uriah cingkupei, nah Jeberekiah napei Zechariah de”.3Ih caiha kerangme pui da mie, nah pa tetlak lu nah mipeina ge lungh lu. Pecai RAMPAUBE ada ge ranggai, “Pezi Maher-Shalal-Hash-Baz qulu.4Kedanemene hena nabe ‘A pei,’ nah ‘A poe,’ de ku ci kemak dwa gage, Damascus mabam nah Samaria mabam tuih kelu pelane Assyria gwangpei ne pung tet dizie”.5RAMPAUBE acu resiu gai dai,6“Kedanemene mina aidungde Shiloah ga dui zing de kebamde de mlai kedine,nah Rezin penai Remaliah napei suiyi tei eh lunghla kedine,7ciziemne RAMPAUBE penui dage hereuki duidiet peu lwa gwanggai lauda, kieesüt nah ngkingsüt eh, Assyria gwangpei nah pe kendu pelane.Cide mina ne teikelu reukidung pelane ga gwang zie nah lwapet nlim eh pekuung pui dizie.8Assyria reugwame Judah lebie lwagwang zie, lwapui nliem dide lwa bamzie nnui ngwang ga nghang cang kemaktane.Pe hesiu dene nnui deu pelane gum luzie, Immanuel.”9Nnui lung pangpop dizie. Kingneilu, nnui pelane deudi kemdei tulam kebammedung:nnui katei nnuide mteilu hereu ziemne nah pangpop dilu; nnuikatei nnuide mtei lu nah pangpop dilu.10Mage riem luzie, dede cide teipet gailak; aja kaizie, dede cide teipet lak,kedanemene Tinggwang anuida bamlu.11
RAMPAUBE a dage rangbeu, Peba kengking a reuga kai, nah mina aidungde lampui ga tet helo rang mriak gai.12Mina aidungde heciem riem lie de eh rang kela leune de heciem riem lie de eh rang so,nang mahing lak penui mahing kela de, nah n swagah diso.13Reugwangme reu RAMPAUBE de kemci be lie eh nang herüt peu zie; pa da nnui hing kerabe de, nah pa da nnui hing kerabe.14Pa au kemci ni ge dizie;dede pa tangtsukang kehediang ge, nah puikam tsukang ge tei zie,Israel leuhme kenana ziemne,nah pa Jerusalem ga minadung dehetak ge tei eh keuh luzie.15Mi kekiee gede cikage mrap lwe mlui mie zie nah kaumie nah pang dizie, nah hetak gage keulu eh tui luzie.16A teilung zierang de kangteu lalu, tiakpwa kela rasam de kerak teula lu nah a caisuime depeu dilu.17Jacob leuhme dade pezu pung mbai kedibe RAMPAUBE de Ih kwabam zie; Ih pecu nlum zie. 18Pielo, Ih nah napeidungde, RAMPAUBE ne acu kepeu dung au marehi dung ge ziemne nah Israel ga swagahdung ziemne, maleune peu kelareugwame reu RAMPAUBE Zion Deutu ga lungh kebambe dade gwang.19Penui n dage rang zie, “Ketsaime nah ketsaime rabedung de ngngwa mpau kelame dade keteu lulo eh,” cücüt nah rang duidui kelamedung. Dede mina penui Tinggwang dade keteu kerabe meni? Penui keringme ding tei ketsaime dade keteu kerabe ni?20Hezai nah teilung zierang ga! Penui magade cikenzwa ranglu ta dicai; cide au penui da kebaa kegah ziemne da.21Penui hangdeu kahgwang zie keherei süt nah mzeu eh. Penui mzeu kegai dau penui rata dizie nah penui gwangpei denah penui Tinggwang de reset zie, penui zu nreu tinggim ngangcuh pie kecudau.22Penui kideu be de piegai zie nah keherei, kemui,nah liagai kelak suisietdung ngauzie. Penuide gwagai dizie kemui deu ge gage.
RAMPAUBE a dage rangbeu, Peba kengking a reuga kai, nah mina aidungde lampui ga tet helo rang mriak gai.12Mina aidungde heciem riem lie de eh rang kela leune de heciem riem lie de eh rang so,nang mahing lak penui mahing kela de, nah n swagah diso.13Reugwangme reu RAMPAUBE de kemci be lie eh nang herüt peu zie; pa da nnui hing kerabe de, nah pa da nnui hing kerabe.14Pa au kemci ni ge dizie;dede pa tangtsukang kehediang ge, nah puikam tsukang ge tei zie,Israel leuhme kenana ziemne,nah pa Jerusalem ga minadung dehetak ge tei eh keuh luzie.15Mi kekiee gede cikage mrap lwe mlui mie zie nah kaumie nah pang dizie, nah hetak gage keulu eh tui luzie.16A teilung zierang de kangteu lalu, tiakpwa kela rasam de kerak teula lu nah a caisuime depeu dilu.17Jacob leuhme dade pezu pung mbai kedibe RAMPAUBE de Ih kwabam zie; Ih pecu nlum zie. 18Pielo, Ih nah napeidungde, RAMPAUBE ne acu kepeu dung au marehi dung ge ziemne nah Israel ga swagahdung ziemne, maleune peu kelareugwame reu RAMPAUBE Zion Deutu ga lungh kebambe dade gwang.19Penui n dage rang zie, “Ketsaime nah ketsaime rabedung de ngngwa mpau kelame dade keteu lulo eh,” cücüt nah rang duidui kelamedung. Dede mina penui Tinggwang dade keteu kerabe meni? Penui keringme ding tei ketsaime dade keteu kerabe ni?20Hezai nah teilung zierang ga! Penui magade cikenzwa ranglu ta dicai; cide au penui da kebaa kegah ziemne da.21Penui hangdeu kahgwang zie keherei süt nah mzeu eh. Penui mzeu kegai dau penui rata dizie nah penui gwangpei denah penui Tinggwang de reset zie, penui zu nreu tinggim ngangcuh pie kecudau.22Penui kideu be de piegai zie nah keherei, kemui,nah liagai kelak suisietdung ngauzie. Penuide gwagai dizie kemui deu ge gage.
Bridge Connectivity Solutions Pvt. Ltd.