Isaiah25
1RAMPAUBO, nang au a Tinggwang; Ih ncu rüt zie, Ih n zi de twa zie;kedanemene nang miswakegahdung teigai, petau cangsiak kecu kenlum gade ndaa ge de riem teu keladung de.2Kedanemene nang namdi de pwa ralie tei dida, kengking namdi be, ngkap dida,nah sang cikemakme riekelu namdi de namdi tei meda.3Cine mina kengkiengme ncu twa zie; ngaugia kegah namdi ga heleuhdung ncu hing zie.4Kedanemene nang kegahme de gum kwak kebeu ni ge lu,keherei kebamme ge teu maikesia kegumbe,rahang gade gum kebeube nah tingcie gade sung kebeube.Ngaugiakegah cuingi de au rahang ge hangbie de ketang kecu dau nzwa,5nah kideu kecang ga kelum nzwa,nang sangme kwadung tei nggah dida,hemwa sung ne tingkelum de tei nggahdi kelanzwa,iciu eh ngaugia kegahmedung lei de tei samli peu beuzie.6Aipau deutu gage reugwame reu RAMPAUBE mina leune ziemne maca taktyei ngyi ge tei zie,pesuibe zaudung, kenciep heteihdung, zau yitube ngyi ge.7Pa aipau lamlwa gade minadung reu gumpung kebamde ngkap dizie,heleuh pelane reuga kebam him kebam ra de.8Pa ketsai de kelunghta mnwa dizie,nah RAMPAUBE Tinggwang minadung zu gade miakduidung neu dizie;kideu pelane gade pa pe minadung hengam de keugi dizie, kedanemene RAMPAUBE rang dide kecune.9Cipau nai rang zie, “Pielo, aide anui Tinggwang da; anui pecu kwabam, nah pa anuide keli luzie.Aide au RAMPAUBE; anui pecu kwabam, pe kelikelu gade anui suiyi nah renga zie.”10Kedanemene aipau RAMPAUBE Zion deutu gum luzie;dede Moab de au pe bam gage dau kau dizie, reigau de hekwaki makaune teu le kaipui kebam gage dau ketangdi kela nzwa.11Cipau kakgade penui penui ba hwacuh zie, dui kezakme ge gade zak kera pe ba hwacuh kela nzwa.Dede RAMPAUBE penui ngang kela de tei hena dizie penui ba ciem keyi penui da lalie de.12N kuda riekelu tsukwa kehudung de hangdeu gage tei ngkau dizie, rebui gage.
Bridge Connectivity Solutions Pvt. Ltd.