Isaiah11
1Jesse gu tsingmui gade pepwak ge pwakcuh zie, nah pekiakpe pe mah gade pet petsi buizie. 2RAMPAUBE Rabe pe reu ga mtak bam zie, maci ningcing nah macilu kebui Rabe,keteulia kebeube nah kengkieng Rabe, maci nah RAMPAUBE de kehing Rabe. 3Pa pesuiyi kecu au Rampaube sam kehing de zie;pa pemiak le ngau kegai lepwa tutiak teilak, nah pekwen siu kegai dele pwane mariem dilak. 4Meliene, makesang teu eh kegahmedung tutiak tei beuzie nah kideu ga kehename ziemne macet siakte beuzie.Pa pemui hetui lepwa kideube de dap zie, nah pe muileu cuingi lepwa kesiame de gi zie. 5Pa makesang le pwane pe kiakang tei zie, nah masang le pwane pekia hebiet luzie. 6Cipau tingdau heneu meurünna de ngngwa lungh dizie, nah kaudau hemeuna,nah ketumna ngngwa bam zie, nah hinghona, ketumna pelui keyibe de ncüt eh ngngwa mla bam dizie. Hena keceu nage ne penui puisau teizie.7Hegum nah ketum ngngwa taktyei peeityei ncüt dizie, nah penui nadung zeu mla ncüt dizie.Hingho ketumseu nzwa reigau tyei dizie.8Ngiena henei koiki reuga nggwa zie,nah tung kebam nabe pe ba keri pwa heneei kibung gage kai zie.9Penuide rezam dilak mede ngkap de dilak agu kemci lamlwa pelane ga au;kedanemene, RAMPAUBE maci lepwa kideu puih dizie, dui le jaaidi ham puih kebam nzwa.10Cipau tingba benai au, Jesse gu pe mah mina gu pailim tei eh sapzie.Heleuhbedung pecu peei petzie, nah pe mtak bam cide au kendu ge zie.11Cipau benai au, Rampaube pe ba ketwa pet zieiciu eh pegu mina dungde bang kenzeume de Assyria deu, Egypt nkangle, Egypt nreule,Cush, Elam, Shinar, Hamath, nah mediterranean jaaidi gade ridailu kerane.12Pa heleuhdung ziemne pailim be pwacuh zie,nah langgi kedi Israelmedung de teu hekwa luzie nah zangkedi Judah leuh de kideu kimiak mdai gade hekwalu zie.13Pa Ephraimme periak kela de peu teisi ta dizie, nah Judah zaisiedung keugi dizie.Ephraim Judah de periak silak, nah Judah Ephraim dage penui zaisia silak.14Iciu meliene Israel penai Judah medung ngngwalwe naimiak kenlütle Philistinme deutu ga zette nghung zie,delwe penui ncütlwe naimiak kepetle Jordan Reuki lebie kelungh medung de tei ngkap dizie.Penui Edom nah Moab heleuhdung de gwaketang zie, nah Ammonmedung penui sam mzai dizie.15RAMPAUBE Egypt Jaaidi gu duingwang ngkap zingdi zie.Pa tingkai kelumcui teu eh Euphrate reuki reu gage pe ba kezit gai delwe cide hereuki keceuna hena gage cak mzi di,iciu eh cide mi pideu picum teu eh kahlu kerane.16Bang kelu pe mina Assyria gade cailigwang kelame ziemne puidi ge bam zie,Israelme Egyptme deu gade kempet dau puidi kebam nzwa eh.
Bridge Connectivity Solutions Pvt. Ltd.