Ecclesiastes9
1Kedanemene Ih aidungde pelane de alung gade cilu kerane cet lala, cide makesangme nah makecime nah penui batadung. Penui pelane Tinggwang ba ga bam. Migede mige da keku mede kengkau gwang kera cima.2Mileune ziemne de caiha au ket. Caiha ket cide mipelane de kwa bamMakesangme nah kenlienme,keyime, kemcime, nah mcikemakme,Tinggwang dage ratak teibeu kelame nah ratak teibeu la kemakme.Mina keyime tsaidi kela nzwa,kemaume de cinzwa tsai dizie.Samkak tei kelame tsaidi kela nzwa,samkak reset tei hing kelame de tsai dizie.3Tingnaimiak kangga tei kela maleune ziemne caiha kesia ge bam, ma aide penui pelane da teila. Mina mlungdung au ma kesiabe le puibam, nah penui ring kebamdau penui mlung ga kemie le gum teu lala. Iciu eh cipau cai penui tsai dila.4Kedanemene caugame keringme de ngngwa ncüt bam bi, cika keregui ge bam, hingho tsai kedibe swade heteu ring kebambe yiki kecu nzwa.5Kedanemene ring kebamme penui tsai dizie kecu cibam,dede tsai di kecume au magede ci meda.Penui ziehi ngaulu kera gede bam si meda,kedanemene penui ziemne maleune de nsungta dida.6Penui keku, helungkesia, nah penui riakcidungde ndaa ge gah dida.Tingnaimiak kangga tei kela leune gadepenui heni gede madaude ngaulu silak ta.7Nang tet kela ga tet lalu, ngu tangku nsuiyi eh tyeilu, nah nlung suiyi eh matsizau piak saklu, kedanemene batadung keyi teikelu ngyi ga Tinggwang pe suiyi lala.8Peu n paini nia ha lamui lu nah n peu maca le keniaklu.9N teilung kemta teilung aide pelane ga nang hungtu kelabe nnau de ngngwa nsuiyi eh lunghlu, Tinggwang ne tingnaimiak kangga ncu pwa kepeu pekie kegah n tingbaziedung pelane teu eh. Cide au nang tingnaimiak kangga n teilung ting n bata teikelu ziehi da.10N ba ga nang dai tatei kera ngaulu bi cide n kengkieng teu eh teilu, kedanemene nang gwang lai kela Ketsaime deu ga au bata mede lungcet gede gah mede maci mede kemteu gede gah.11Ih ma kedage tingnaimiak kangga ngau:Hezukemzu au mina kemzetme gu swama.Hereu ketei au mina kengkingme gu swama.Tangku au mina ningcing kemriakme gu ma.Mahei au mina kecikecetme gu ma.Ziuyi au mina makecime gu ma.Iciu meliene, penui pelane dade cide peting nah ziuyi rehi gade gwangdi la.12Kesang, migede petingba daidau gwang ziebi cima.Helang kengkieng gage hekadung tuilu kela nzwa,mede hetak gage nruine keulu kela nzwa,mina namedung dede peting kesiadung ne tuiteu dila,penui da cide zette gwang kegaidau.13Ih tingnaimiak kangga maci a dade disüt kecuge ngauda.14Mina kiee kemakge bam kela namdi keceu nage bamla, ge hegwang kengkieng ge gwang cide de renia nah cide twagwalu, nah cikage twagwa kera nidung kedi mteilu.15Cidau cipau namdi ga makegah, makecime pei ge bamla, pe maci ziemne namdi cide kelilu. Dede pecai, migede cipau ma kegahbe de nsung tadi.16Cine Ih ci kelu, “Maci au kengkieng swade yiki, dede makegahme ge maci au mlai dila, nah pe samdung kingnei lama.”17Kemieme kakga hegwangme mrung eh sah kebam kwa swademina makecime sam zingde rang kegai au siu yiki la.18Maci au hereu netdung swade yiki,dede kemaume hangge ne makeyi kekieege tei ngkap di lubui.
Bridge Connectivity Solutions Pvt. Ltd.