Ecclesiastes10
1Tammainedung ketsaibe ne marim kehenguibe tei nnam siadi kela nzwa,kemang nage ne maci nah herüt ngam di lubui.2Kemteume ge pe mlung petaube ga tet lala,dede kemiebe mlung au kemaube ta tei kera cet lala.3Kemiebe lampuiki ga tet nghung kela dau,pe kecet yicang lama,iciu eh pa kemieme gelie kecu mileune de lia lala.4Hegwangme ge ncu pe rata di cai, nang n ta püt gaibeu so.Nang nlei mene bam dicai rata kedi cide ngkam dizie.5Tingnaimiak kangga Ih makesia ge ngau,hegwangme dade ma petau kemakpe gwang kela:6Kemieme de muiteu tei kera bam pwapeu,iciu eh ma tei lu kelame de be bam kehena pwapeu.7Hebaangmedung ne hekwen teu kela Ih ngau da,nah ma tei lu kelame be hebaangme nzwa penui pi le kideu ga tet lala.8Mikeheibe de hekwaki kui kelamecika cakmie di lubui, nah mige tsukwa teipop lwe tei ngkau dige,henei ne pecu nsau la.9Tangtsu bungh kelametangtsu ne penui de rezam di lubui,nah tsing ntau kelame gepe ta cide pe ziemne kerehim bam.10Hegeu pemui sia dicai, nah mige cide hereei hemi gai melie cai, pa pezie kengkieng kekiee keu si maisia, dede maci au ma teicang lu kebui ziuyi pwapeu la.11Henei de kemeu di kemak dwage henei cide ne mige de nsau di cai,kemeu kerabe pei ziemne ma kemmi gede gah.12Kemteu me mui gade sam rang kegaidung au hezuyi,dede kemangme au pe muileu ne pecu ngkap di la.13Kemangme mui gade samdung rangpet kegai dau, kemie samdung mpet la,nah iciu eh gwang kekamle dige kemie rata kesia le pemui gade lwa bam dila.14Kemieme ge samdung kekieege rang lala,dede migede dai gwang zie bi cilama.Caune pa tet kedi cai ga dai gwang zie bi cilu zie no?15Kemieme penui nri eh bata tei keladung lepwa penuide tei mnei dila,iciu eh penui nam ga gwang kera lampui de cita dila.16Co, hangdeubo, magade rehang heluibuame ge ne nnui reu hegwang tei liecai,nah magade nnui muiteumedung tingcang gade taktyei ngyi hengyi bam di liecai!17Dede nnui samlam pung delie, deudibo, magade nnui reu kedime napei ne hegwang tei liecai,nah nnui muiteumedung sakmie kera ziemne mene penui pum kengkieng ngaulu kera ziemnepeting siakdau matyei lu la liecai!18Kenghet ziemne kilim cakmie zie,nah bata tei la kemak badung ziemne ki be zau zie.19Suiyi ngaulu kerane mina taktyei telei la,zau au mina teilung tei renga la,nah rangkang ne teumai kesia pelane teipuih teicang beula.20Hegwangpei de reset so, nlung ga dede reset so,nah n zeubung gade mina makeheime de reset so.Kedanemene tingkam ga kela nruine ne n sam paugwang beu dizie;pe hesiu tei kela leune ne cidungde teizang gaibeu di lubui.
Bridge Connectivity Solutions Pvt. Ltd.