Ecclesiastes7
1Hezi keyi au pemi kehung marim kehengui swade yiki,nah ketsai tingba au kemna tingba swade yiki.2Taktyei ngyi hengyi kebam kiga mie kera swadehei eh hap kebambe kiga mie kecube yiki,kedanemene teilung cang kedi benai hei eh hap kecu au mina pelane da gwangla,cine ring kebamme ma aide penui mlung gage kai teula lu maisia.3Suisiet au kenui swade yiki,kedanemene misui kesia gwang kelu cia milung suiyi gwang la.4Mlung kemteu au hei eh hap kebam kiga lala,dede kemiebe mlung au ketyei ngyi kiga lala.5Kemieme gu leidung kingnei kebam swadekemteu kehesiu kingnei kebambe au yiki.6Kedanemene malang kebam li kangga hetudung heu eh pok kebam nzwa da,kemiemedung nui kebamde de.Aide de mwangzui ge nzwa da.7Kemriakme ge migu süttyei kegaine pecu tei mie dila,nah hetauhenim ne milung tei hera dila.8Ma penlibe au pe bangdwabe swade yiki;nah mina pelung tie kelabe au pezai ngang kelabe swade yiki.9Nlung gade rata zette diso,kedanemene rata au kemiemedung mlung ga bamla. 10“Daitei eh cu swade ndaa tingbe yiki no?” de rangso.Kedanemene nang aide maci teu eh keteu bam ma.11Maci au, mapwa ge nzwa makeyi ge.Cide tingnaimiak ngau kebamme de kemmi peula.12Kedanemene rangkang ncu gumkwak beulu kela nzwa kemteu de ncu gumkwak beu zie,dede maci pekeyi au keheibe de peda cide kebamme teilung pwapeu la.13Tinggwang batadung de cet gailo:Caune pa tei ngkoi kedibe tei mzui luzie no? 14Peting yi kebamdau, keyi cide teu n suiyi eh lunghlu,dede peting sia kecudau, aide cet lu:Tinggwang keyibe nah kesiabe de teigai.Makie aide ziemne, migede pa tet kedi cai dai gwang ziebi kecu ci gailak.15Ih a teilung kemta tingbadung ga ma kekiee ge ngau da.Makesangme ge penui masang eh bam liede tsai gah kedi ngau da,nah cika mina kesiame de penui kesia teila liede teilung ketie lunghlu bam.16Cine nkatei ncu lepwa makesangme lie dedi so,n miak gade mteu lu.Daitei nkatei ncu teimsia di lulai?17Cine nlien ham diso mede mie ham diso.Daitei nang n tingkemak dwa tsai lai?18Nang kemteu aide herak teu kebam au n ziemne keyi ge,nah n masang de peu n dade tet diso.Kedanemene Tinggwang mie hing kelabe au pa tei mai kesiabe pelane teicang luzie.19Kemteume ziemne au maci pe kengkieng bam,namdi ge ga hegwangme kerei swade ngkieng ki.20Kideu ga migede makesangme,keyi tei nah madaude kemau teila kemakme gah.21Sam rang kegai pelane kingnei so,kedanemene n kilabe ncu reset kecu nang siudi lubui.22Cinzwa, nang nkatei ncu cisiak de bam n mlung gademi kedame gede nang reset bam kela.23Ma aidung pelane Ih maci teu eh lia gaila. Ih ranggai,“Ih au mteu bam zie,”dede cide au kiee pwa Ih teicang gai kelak ge.24Maci au mdei dida nah cok zudi.Caune cide peei lulai?25Ih maci lu kera nah kedakpie kerane a lung kaigainah maci peei kera nah kesangbe rang hecai lu kera peei,nah makesia au kemangnah kemie au herakemie gelie kecu cilu kerane.26Mipui keheibede pelung ga hetaknah hebaih rak kesia pui kebam auketsai swade kaa ki lie kecu Ih cilu,nah penui ba hegeuria ne pi pwabam.Caugame Tinggwang suiyibe tei labicipaume mipui cide dade pak lubui,dede kemaume de au pa ne ngngwa teu dila.27“Ih ci nah ngau kelu aide cet gailo,” keledeube ranggai. “Ih makesangbe ci nah rang hecai kelu ngaulu kerane Ih ngau nah ci kelube ket cai ket kaisi jüja bam.28Ma aide Ih cude peei kebam da,dede Ih cide ngaulu mereu.Ih mipei cangge kakga de makesangme hangge au ngaulu da,dede mipui pelane kakga de Ih cide ngaulu ma.29Tinggwang mina de mzui nah masang eh damgai,dede penui cide gidi eh keherei peei ladi delie kecuIh aide rünne cilu.”
Bridge Connectivity Solutions Pvt. Ltd.