2 Thessolonians3
1Kamtube, sinamedung, Rampaube sam depeu, nnuida nzwa eh rangrwa zette lu nah peu hetwa punglu kerane anui ziemne kielu.2Anuide kenlienme nah mina kesiame dade kelilu kerane kielu, kedanemene mina peciakne da kenlum bam kap melu.3Dede Rampaube au masang, pa nnuide tei ngkieng beu nah kesia gade nnuide gum beuzie.4Dede anui aja kai kebeudung, nnui tei bam nah tei jüja lalu kera Rampaube gade anui nnui da kekuu bam.5Dede peu Rampaube de nnui lung teipwa Tinggwang keku nah Khrista dade kegwang liakelu gage ngngwa gai kelube tei lulo.6Cu sinamedung, nnui siname kenghet teilung lunghkela nah anui dade hezaidung ngaukelu ga nzui eh lungh gailu kemak leune dade mbai dilu lo anui Rampaube Jisu Khrista zi gade nnui dage aja kaila.7Kedanemene nnui anui zai relikecu de petau lie eh nnuikatei cibam, kedanemene anui nnui kakga kelungh dau samzai tei eh lungh kecune.8Anui mige gu ketyeipok de pemi tei mene tyei ma. Meliene, anui heta kerütdung tei nah rei eh tingmui tingba heta tei, iciu eh anui migede de tei nrütdi melu kerane.9Anui aide tei kecu anui nzeu kegah ne ma, dede anui nnuide saukelia ge teilu kerane, iciu eh nnui anui zai relilu kerane.10Kedanemene kesang, anui nnuide ngngwa kebam dau, anui nnuide sam aide aja kaibeu dida, “Magade mige makam teineu meliecai, peu pecu matyei so.”11Kedanemene anui nnui kakga midungge kenghet teilung lungh nah matei mene kedame ta kebwak kebam siu kecune.12Cu cipaume dungde peu nlei mene penui mata teilu nah penuikatei penui pok hi tyei lulo de Rampaube Jisu Khrista zi gade aja kai eh kecung gaila.13Dede nnui, sinamedung, nnui ma petaube ketei ga leu diso.14Dede magade mige anui sam laisiu aide ga kebamde mzairau dicai, pecu cilu nah pecu ngngwa magede teiso, iciu eh pecu peu ngngamlu kerane.15Dede pecu ngauraume ge nzwa cet diso, dede pecu siname ge nzwa rang mriak beulu.16Cu peu Lungciep Rampaube de nnuide kehei daude nah kehei lampui gade lungciep peu kelube tei lulo. Rampaube depeu nnui pelane de ngngwa la lulo.17Aide Ih kelum kegai, Paul, akatei a bale rau gaila, cide a laisiu leune gage giak kegai ge. Ih ainzwa raula.18Anui Rampaube Jisu Khrista ngaugia depeu nnui pelane da bam kelube tei lulo.
Bridge Connectivity Solutions Pvt. Ltd.