2 Thessolonians2
1Sinamedung, anui Rampaube Jisu Khrista caili kegwang ha nah anui gwang ngkwa eh pecu nzang bamdi kera hade anui nnui dade kiela,2Rampaube caili kegwang tingba gwang bam dida de rabe gade, mede samlia gade, mede laisiu anui dade gwanglie kecu gade kerang dene nnui kecet kebwakdi mede nnui lung keherei diso.3Peu migede de ma kehei gade nnuide cwa diso. Kedanemene ma kehebwak, nah hezai mzai kemakbe, kengkap nabe de mi miakngau tei gwang kemakdwa, cipau tingba de gwang laklu. 4Pa renia cuh zie nah Tinggwang lie qukelame de recakela leu reu pekatei pecu kailu zie. Ciciu eh, pa Tinggwang kerecaki ga lütbam zie nah pa pekatei pecu Tinggwang lie zie.5Ih nnuide ngngwa kebamdau aidungde peciakne nnui dage rang kebeude nnui nsung meni?6Nah pecu peu peting siakdau mi miakngau tei gwanglu kerane, cu pecu dai ne kaam pwa bambi kecu nnui cibam.7Kedanemene hezaikegah kengkim de heta tei cuhbam dida, dede cu cide kaam pwa kebambe de teu mpetdi kemaktane pa tei jüja bamzie.8Pecai hezai mzai kemakpe de keuliagai zie, pecu Rampaube Jisu pe mui gade kepet cui dele teitset dizie nah pa caili kegwang dau pe kendu dele pecu teingkap dizie.9Hezai mzai kemakpe kegwang au Satan bata, kengkieng leune, nah marehidung, nah kesang kemak miswakegah batadung gade zie,10nah masangkemak mide kecwa leune gade zie. Mina aidungde gah dizeu kedanemene penuide kelilu kera ziemne keku kesangbe luulu kemakne.11Aide ziemne Tinggwang penui dage heta petaukemak ge langgai, ciciu eh peu penuide kenretpe nlumlu kerane. 12Iciu eh mileune, kesangbe de nlum kemakme dede masang kemakbe de pesui kelame de mmau dizie,.13Rampaube ne kukela sinamedung, anui nnui ziemne Tinggwang de twabam mui kera anui zieda. Kedanemene Tinggwang nnuide Kemci Rabe ne tei mcikelu gade nah kesangbe nlum kelu gade nnuide kedet pwa kelikelu tsibui raitube tei kelune. 14Pa anui samliakeyi gade nnuide aika ge qugai luda, iciu eh peu nnuide anui Rampaube Jisu Khrista kendu de ngaulu kerane.15Cine, sinamedung, sap ntiplu nah sam gade mede anui laisiu raukegai gade anui nnuide ledeu kebeu kesangbe de kerak ntip pwa bamlu.16Cu peu anui Rampaube Jisu Khrista, nah anui Peibe Tinggwang, anuide ku kelabe nah ngaugia gade anuide kelungta helungtaukemla nah keregui keyi kepeube de,17nnui heta keyi ketei nah sam keyi kerang leune ga nnui lung taumla nah nnui mlung teingkuu beu kelube tei lulo.
Bridge Connectivity Solutions Pvt. Ltd.