2 Samuel20
1Cipau heni de gade Benjamin leuhme pei ge Bikri napei Sheba ma kehebwak kauge bamla. Pa telui kwagai delwe rangdi, “David gu nzi ga anui qwa kette gah, mede Jesse napei mapwa gade anui qwa kette gah. Peu mina leune de penui ki, Israel ga cailigwang culo.”2Cine Israelme pelane David de pütti delwe Bikri napei Sheba caisui di. Dede Judah leuhmedung penui gwangpei caisui teune lu, Jordan gade tetpwa Jerusalem kecang gwang lu.3David Jerusalem ga pe hegwangki ga gwanglu ge, pa nauseupui hang kerei de hegwangki pie rengei kera kai nzeu kedidung de ngngwalu delwe kekwame ba gage kaidi. Pa penui teumai kesiadung pwa peu, dede pa penuide nkop zeu kecu tei tadi. Cine penui tsai kemaktane, hemipuidung nzwa baang pwa bam di.4Pecai hegwangpei Amasa dage rangdi, “Lang cumne kakga ge Judahme minadung de qu hekwa lulo; nah nangde aika bam bi maisia.”5Cine Amasa Judahme de qu kera miedi, dede hegwangpei pe ziemne peting riet kebeu de pa gikah di.6Cine David Abishai dade rangdi, “Cu au Absalom swa de Bikri napei Sheba anuide tei keherei gwa zie da. N mpaube kilamedung nah a reugwamedung de ngngwa lu, delwe pecai gwa mie culo, mecai pa tsukwa namdidung ngau delwe anui dwade pak dizie lu.”7Pecai Joab pe minadung nah kerethitme nah Pelethitme nah kengkieng reugwamedung pelane si lwe pecai pwa mie. Penui Jerusalem gade Bikri napei Sheba de gwa kerane tetdi.8Penui Gibeon ga kebam tangtsu kedi ga kebamdau, Amasa penuide redau kera gwanglu. Joab au reunetdung kailwe bam nah pe kiakang ga kingtie pebung gage kailwe ngkang pung la. Pa tetpet lage pe kingtie nhai miedi.9Cine Joab Amasa dage rangdi, “Nang yi lami, a sinabo?” Joab pe zetle bale Amasa geitangmai kerak lu pecu hemam gai kerane.10Amasa au Joab hile ba ga tangkane keula kecu ngauma. Joab Amasa za gage reugai pe lungnetdung hangdeu ga lwa petdi. Joab pecu tei si tadi, nah Amasa tsai di.
Cine Joab nah pe sinabe Abishai penai nzang Bikri napei Sheba de zui mie.11Pecai Joab maame hangge Amasa taiga sap eh cipau peide rangdi, “Cau Joab de pesui labi nah cau David kilam bi, cipaume de peu Joab caisui lulo.”12Amasa paau pezai le zokpung eh lampui sum ga bamdi. Minadung pelane sap dungci kebam minabe ngaulu ge, Pa Amasa paau lampui gade pwa mpet luh gage kaidi. Pa paige keupwa pe reuga tap gaibeu, kedanemene pe taiga kegwang leune sap dungci eh bam kedine.13Amasa de lampui gade teu mpet kedi cai minadung pelane Bikri napei Sheba de gwa mie kerane Joab caisui tet dailu.14Sheba Israel leuhme pelane ga tetka gwang eh Abel Beth Maacah kecang, nah Bikritme deu pelane ga, ngngwa ngkwa kebamme Sheba cai zui miedi.15Abel Beth Maacah gade penui pecu gwa canglu delwe pecu twagwa lu. Namdi ga kirie gage penui tui kera takswa dwalu. Joab de ngngwa kela reugwame pelane le kirie tei ngkau di kera dap msia cuhdi.16Pecai namdi cika makeci pui ge sahbak eh, “Kingnei gailo, kehereide kingnei gailo, Joab! A taiga gwang mna lulo ciude Ih ncu mpau lu kerane.”17Cine Joab peda gwang nna lu, nah mipuibe rangdi, “Nang Joab de ni?” Pa keli gai, “Ih de lie.” Pecai pa peda ge rangdi, “N kilabe samdung kingnei gailo.” Pa keligai “Ih kingnei bamda.”18Pecai pa rangdi, “Penui ndaa tingdau rangla, ‘Abel namdi gade keci kecet peei lulo,’ nah cipau macet dele maha de teicak di lubui.19Anui au namdi Israel gade lungciep nah samsang tube ge. Nang teimsia di kera tei kebam de au Israel ga namdi pui ge lie. Daitei nang RAMPAUBE mapwa de mnwa lu neu zeu no?”20Cine Joab keligai eh rangdi, “Aide lakzing, aiciu kecu Ih tei lakzing, Ih ngkapdi kera mede tei msiadi kera tei lak.21Cide au kesang ma. Dede hangdeutu deudi Ephraim ga kebam pezi Bikri napei Sheba, pa hegwangpei David reu gage peba hwa gai. Pecu rünne peu lulo, iciucai Ih namdi gade caili di zie.” Mipuibe Joab dade rangdi, “Pepeu herieki reu gade ncu keling gaibeu zie.”22Pecai mipuibe pe maci teu mina pelane da miedi. Penui Bikri napei Sheba peu danglu delwe Joab dage keling gai beu. Iciu ge pa telui kwa gai nah Joab minadung namdi gade tetdi, mileune de pe kilung riep ga gwang daidi. Pecai Joab Jerusalem ga hegwangpei da cailigwang di.23Joab au Israel reugwame reu kedibe nah Jehoiada napei Benaiah be Kerethitme reu nah Pelethitme reu kedibe.24Adoniram mina kemei tei eh peu bata tei kelame reu kedibe, nah Ahilud napei Jehoshaphat ne keraube tei.25Sheva cai keraube nah Zadok penai Abiathar cai cingkume.26Jairme pei Ira cai David kangga kedime ge.
Cine Joab nah pe sinabe Abishai penai nzang Bikri napei Sheba de zui mie.11Pecai Joab maame hangge Amasa taiga sap eh cipau peide rangdi, “Cau Joab de pesui labi nah cau David kilam bi, cipaume de peu Joab caisui lulo.”12Amasa paau pezai le zokpung eh lampui sum ga bamdi. Minadung pelane sap dungci kebam minabe ngaulu ge, Pa Amasa paau lampui gade pwa mpet luh gage kaidi. Pa paige keupwa pe reuga tap gaibeu, kedanemene pe taiga kegwang leune sap dungci eh bam kedine.13Amasa de lampui gade teu mpet kedi cai minadung pelane Bikri napei Sheba de gwa mie kerane Joab caisui tet dailu.14Sheba Israel leuhme pelane ga tetka gwang eh Abel Beth Maacah kecang, nah Bikritme deu pelane ga, ngngwa ngkwa kebamme Sheba cai zui miedi.15Abel Beth Maacah gade penui pecu gwa canglu delwe pecu twagwa lu. Namdi ga kirie gage penui tui kera takswa dwalu. Joab de ngngwa kela reugwame pelane le kirie tei ngkau di kera dap msia cuhdi.16Pecai namdi cika makeci pui ge sahbak eh, “Kingnei gailo, kehereide kingnei gailo, Joab! A taiga gwang mna lulo ciude Ih ncu mpau lu kerane.”17Cine Joab peda gwang nna lu, nah mipuibe rangdi, “Nang Joab de ni?” Pa keli gai, “Ih de lie.” Pecai pa peda ge rangdi, “N kilabe samdung kingnei gailo.” Pa keligai “Ih kingnei bamda.”18Pecai pa rangdi, “Penui ndaa tingdau rangla, ‘Abel namdi gade keci kecet peei lulo,’ nah cipau macet dele maha de teicak di lubui.19Anui au namdi Israel gade lungciep nah samsang tube ge. Nang teimsia di kera tei kebam de au Israel ga namdi pui ge lie. Daitei nang RAMPAUBE mapwa de mnwa lu neu zeu no?”20Cine Joab keligai eh rangdi, “Aide lakzing, aiciu kecu Ih tei lakzing, Ih ngkapdi kera mede tei msiadi kera tei lak.21Cide au kesang ma. Dede hangdeutu deudi Ephraim ga kebam pezi Bikri napei Sheba, pa hegwangpei David reu gage peba hwa gai. Pecu rünne peu lulo, iciucai Ih namdi gade caili di zie.” Mipuibe Joab dade rangdi, “Pepeu herieki reu gade ncu keling gaibeu zie.”22Pecai mipuibe pe maci teu mina pelane da miedi. Penui Bikri napei Sheba peu danglu delwe Joab dage keling gai beu. Iciu ge pa telui kwa gai nah Joab minadung namdi gade tetdi, mileune de pe kilung riep ga gwang daidi. Pecai Joab Jerusalem ga hegwangpei da cailigwang di.23Joab au Israel reugwame reu kedibe nah Jehoiada napei Benaiah be Kerethitme reu nah Pelethitme reu kedibe.24Adoniram mina kemei tei eh peu bata tei kelame reu kedibe, nah Ahilud napei Jehoshaphat ne keraube tei.25Sheva cai keraube nah Zadok penai Abiathar cai cingkume.26Jairme pei Ira cai David kangga kedime ge.
Bridge Connectivity Solutions Pvt. Ltd.