2 Samuel19
1Joab dage rangbeu, “Pielo, hegwangpei Absalom ziemne hei eh hap bam dida.”2Cine cipaunai ngkieng kelu suiyi de reugwame peciakne ziemne suisiet tingba ge teidi, kedanemene reugwame cipaunai, “Hegwangpei pe napei ziemne hei eh kebam,” de eh kerang de siu kelune.3Reugwame cipaunai mlei mezing namdi ga mbai nlütdi, minadung penui hereu gade pak kecudau ngngam eh mbaidi kelame nzwa.4Hegwangpei pezu gum lwe hap sahbak eh cu, “A na Absalom, Absalom, a na, a na!”5Pecai Joab kilung ga hegwangpei da nlütlu delwe pe dage rangdi, “Nang ne henai n reugwame zudung pelane de hengam teigai delie, n keringria, n napeidung nah n napuidung teilungdung, nah n naudung teilungdung, nah n hebaang naudung,6kedanemene nang au ncu ngaukeraume de kula, nah ncu kekume de nang ngkaula. Kedanemene nang henai n reugwame nah muiteumedung n ziemne magede melie cu keulia da. Ih henai nlum lie, magade Absalom ringbam cai, nah anui pelane tsai dicai, cide be nang n suiyiki kera.7Cu ciziemne nang cuhlu delwe mie eh n reugwame da sam keyi rang lulo, kedanemene Ih RAMPAUBE zi gade a sampet gaila, magade nang mie mecai, migede heziu n taiga bam lakta. Cide au n ziemne n rehang gade cu kecang makesia tei kegwang leune swade sia ki zie.”8Cine hegwangpei cuhlu nah namdi kirie ga ntumlu, nah mileune dage rangbeu, “Pielo, hegwangpei kirie ga ntum bam,” nah mina pelane hegwangpei dwaga gwanglu.
Cine Israelme, mina pelane pe kilung rip ga pak di.9Israel heleuhdung pelane ga mina pelane hangge gede ngngwa kesamlim di eh ranggai, “Hegwangpei anui ngauraume ba gade anuide kelibeu, nah pa anuide Philistinme ba gade kelibeu, dede cu au pa Absalom ziemne anui deu gade pak dida.10Absalom, anui ne anui reu ngkieng kera keniak kelube de, hereu gade tsai dida. Cine nang daitei hegwangpei de ngngwa cailigwang daikera ziemne magede rang meno?”11Hegwangpei David cingkume Zadok penai Abiathar dage sam langgai eh ranggai, “Judah ga kecingme dage resiu eh ranglo, ‘Daitei hegwangpei de pe hegwangki ga ngngwa cailigwang dai cuga nnui kamtu no? Kedanemene Israel ga pelane reki kebam au hegwangpei lam sap, pecu pe hegwangki ga ngngwa gwang dai kerane?12Nnui au a siname, a teih nah a rah. Iciu cai daitei nnui hegwangpei de ngngwa gwang dai kera kamtu lai no?’13Iciucai Amasa da ranglo, ‘Nang a teih nah a rah me ni? Nang magade Joab nding cu gade a reugwame reu kedibe teilu melie cai, Tinggwang de peu a reu gage hungsüt kecu ge teigai lulo.’”14Cine pa mipei ge tei eh Judah ga mina pelane lung tei nreulu. Penui hegwangpei da langgai eh rang, “Caililu, nang nah n minadung pelane.”15Cine hegwangpei caili di nah Jordan ga gwangdi. Cu Judahme peidung Gilgal ga gwang hegwangpei de redau kera mie delwe hegwangpei de Jordan taiga ngngwa gwang kerane.16Bahurim gade kegwang Benjamitme, Gera napei Shimei, Judahme peidung de ngngwa lwe hegwangpei David de redau kera zette hung.17Cika mina cang ge Benjamin leuhme gade pecu nzangla, nah Saul kilapei Ziba, nah pe na mipeina hang kereiehmengei nah kilame hang ngkai pecu ngngwa la. Penui hegwangpei dwa gade Jordan kahpet lu.18Penui hegwangpei kilungme de ngngwa mpet kera nah pe lungning keyibe keheibe tei kerane penui kahpet lu. Gera napei Shimei hegwangpei dwaga keumie lu pa Jordan kahpet kera dwa.19Shimei hegwangpei da rangdi, “A kedibo, a kedibe hegwangpei Jerusalem püt kedi benai n kilabe teimau kedi de acu mmau mede nsung helo. Kehereide peu hegwangpei de cide pelung ga cet sitalu.20Kedanemene n kilabe Ih mau kedi cibam. Pielo, aide ziemne Ih henai keraibe tei eh gwang bam Joseph kilungme mtei ding tei eh a mpaube hegwangpei de redau kerane hung bam.”21Dede Zeruiah napei Abishai pe sam keli nah rangdi, “Aide ziemne Shimei de teitset di kerabe meni, kedanemene pa RAMPAUBE ne keniak kelube de reset kedine?”22Pecai David rangdi, “Ncu Ih keu daipai tei laino, nnui Zeruiah napeidung, nnui henai acu renia kelame teidi kecu? Henai Israel ga mipei keheibede de teitset dizie ni? Kedanemene henai Ih Israel reu hegwang lie kecu ci kemakne?”23Cine hegwangpei Shimei dage rangdi, “Nang au tsai lak.” Cine hegwangpei peda pe sampet eh pe sam kaibeu.24Pecai Saul napei Mephibosheth hegwangpei de redau kera nghung. Pa hegwangpei tet kedibe nai gade pa kilung ga pe lungciep eh gwang kemaktane pa pepi hui ma, mede pe geitangmai tai ma, mede penia heta ma.25Cine pa Jerusalem gade hegwangpei de redau kera gwang kecudau, hegwangpei pe dage rangdi, “Mephibosheth dai ziemne nang acu nzang tet meno?”26Pa pe sam keligai, “A kedibo hegwangpei, a kilabe ne acu cwadi lie, kedanemene Ih rang eh, ‘Ih gada püt tei zie ciu eh Ih cide teu lwe hegwangpei de ngngwa tet zie, kedanemene n kilabe swah kecu ziemne.’27A kilabe Ziba acu kesiudi, n kilabe, a kedibe hegwangpei de. Dede hegwangpei a kedibe au Tinggwang samgwame nzwa lie. Ciziemne, n miakngau gade keyibe tei lulo.28Kedanemene a pei kilungme pelane tsai kedime a kedibe hegwangpei dwa gade, dede nang au n kilabe de peu n taktyei bam gade ncu ngngwa taktyei kelame kebam ga kaibeu. Ciziemne Ih daipai nzeu ge bam nau Ih hegwangpei dage cude hapgai si kera?”29Pecai hegwangpei pe dage rangdi, “Daitei magede rangsi au no? Ih peu Ziba nah ncu de peu luhdung mzi kera cetlu da.”30Cine Mephibosheth hegwangpei sam keligai, “Yeo, peu pecu luu ciaklu, kedanemene a kedibe hegwangpei yi eh pe kilung gwang canglu delu.”31Pecai Gileadme pei Barzillai pa hegwangpei de ngngwa Jordan kahpet kerane Rogelim gade nghung, nah pa hegwangpei de ngngwa Jordan kah pet.32Cu Barzillai hecing sütti, pa mmi riakheset di. Pa hegwang pei teumai kesiadung rengei beu pa Mahanaim ga kebam dau, kedanemene pa mahei süt kecume ge cune.33Hegwangpei Barzillai dage rangdi, “A taiga gwanglu, nah iciude Ih ncu a taiga Jerusalem ga bam kera n mapie beuzie.”34Barzillai hegwangpei sam keligai, “Zie daikieege a teilung ga bang bam reuno, Ih hegwangpei de ngngwa Jerusalem ga nghang kera?35Ih mmi riakheset dida. Ih keyi kesia ci ntsam lubui ni? N kilabe Ih ketyeibe mede Ih kesakbe nsi lubuini? Ih mipui lei ketei nah mipeidung lei ketei kwa siu dai lubui ni? Ciuciucai, daitei n kilabe a mpaube hegwangpei de teikeherei lai?36N kilabe au hegwangpei de nzang delwe Jordan ga kah gwang neulie. Dai ziemne hegwangpei cikenzwa ziehi le a ziehi teibeu laino?37Kehereide peu n kilabe de kilung caili dai dilu, ciu eh Ih a namdi ga a pui a pei rau taiga de tsailu kerane. Dede pielo, aika n kilabe Kimham bam. Peu pecu a mpaube hegwangpei de nzang kah gwanglu, nah pe ziemne nangne yi kerabe tei lulo.”38Hegwangpei sam keligai, “Kimham acu ngngwa kah gwang zie, nah Ih pe ziemne n dade keyibe teibeu zie, nah nang a dade hengim kelabe, Ih cide n ziemne teibeu zie.”39Pecai mina pelane Jordan kahpet lu, nah hegwangpei kah gwang, nah hegwangpei Barzillai de kemam gai nah pecu samlambeu. Pecai Barzillai pe kiga cailigwang di.40Cine hegwangpei Gilgal ga kah gwangdi, nah Kimham pecu ngngwa kah gwanglu. Judah reugwame pelane nah Israel reugwame pempie gene hegwangpei de nzang gwanglu.41Tiemene, Israel ga mipei pelane hegwangpei da gwang kecu teidi nah hegwangpei dade rangdi, “Dai ziemne anui siname, Judahme peidung, ncu rega teu tetdi no delwe hegwangpei nah pe kilungme de Jordan reu ga ngngwa gwang no, nah David minadung pelane pecu ngngwa lano?”42Cine Judahme peidung Israelme peidung dage sam keligai, “Cide pekie kedanemene hegwangpei anuide kenna mege kecu ziemne ni. Ciucai daitei nnui aide ziemne nnui rata au no? Anui hegwangpei ne pemi tei kera mage tyei dini? Pa anuide mapeudung peu ni?”43Israelme peidung Judahme peidung de sam keligai, “Anui heleuh kerei hegwangpei de kenna kecu bam, cine anui nang swade David de nna ki kecu bam. Iciucai daitei nnui anuide ngaurau lano? Anui hegwangpei de ngngwa gwang dai kera kerang de siu raitu meni?” Dede Judahme peidung samdung au Israelme peidung samdung swade sia gwadi.
Cine Israelme, mina pelane pe kilung rip ga pak di.9Israel heleuhdung pelane ga mina pelane hangge gede ngngwa kesamlim di eh ranggai, “Hegwangpei anui ngauraume ba gade anuide kelibeu, nah pa anuide Philistinme ba gade kelibeu, dede cu au pa Absalom ziemne anui deu gade pak dida.10Absalom, anui ne anui reu ngkieng kera keniak kelube de, hereu gade tsai dida. Cine nang daitei hegwangpei de ngngwa cailigwang daikera ziemne magede rang meno?”11Hegwangpei David cingkume Zadok penai Abiathar dage sam langgai eh ranggai, “Judah ga kecingme dage resiu eh ranglo, ‘Daitei hegwangpei de pe hegwangki ga ngngwa cailigwang dai cuga nnui kamtu no? Kedanemene Israel ga pelane reki kebam au hegwangpei lam sap, pecu pe hegwangki ga ngngwa gwang dai kerane?12Nnui au a siname, a teih nah a rah. Iciu cai daitei nnui hegwangpei de ngngwa gwang dai kera kamtu lai no?’13Iciucai Amasa da ranglo, ‘Nang a teih nah a rah me ni? Nang magade Joab nding cu gade a reugwame reu kedibe teilu melie cai, Tinggwang de peu a reu gage hungsüt kecu ge teigai lulo.’”14Cine pa mipei ge tei eh Judah ga mina pelane lung tei nreulu. Penui hegwangpei da langgai eh rang, “Caililu, nang nah n minadung pelane.”15Cine hegwangpei caili di nah Jordan ga gwangdi. Cu Judahme peidung Gilgal ga gwang hegwangpei de redau kera mie delwe hegwangpei de Jordan taiga ngngwa gwang kerane.16Bahurim gade kegwang Benjamitme, Gera napei Shimei, Judahme peidung de ngngwa lwe hegwangpei David de redau kera zette hung.17Cika mina cang ge Benjamin leuhme gade pecu nzangla, nah Saul kilapei Ziba, nah pe na mipeina hang kereiehmengei nah kilame hang ngkai pecu ngngwa la. Penui hegwangpei dwa gade Jordan kahpet lu.18Penui hegwangpei kilungme de ngngwa mpet kera nah pe lungning keyibe keheibe tei kerane penui kahpet lu. Gera napei Shimei hegwangpei dwaga keumie lu pa Jordan kahpet kera dwa.19Shimei hegwangpei da rangdi, “A kedibo, a kedibe hegwangpei Jerusalem püt kedi benai n kilabe teimau kedi de acu mmau mede nsung helo. Kehereide peu hegwangpei de cide pelung ga cet sitalu.20Kedanemene n kilabe Ih mau kedi cibam. Pielo, aide ziemne Ih henai keraibe tei eh gwang bam Joseph kilungme mtei ding tei eh a mpaube hegwangpei de redau kerane hung bam.”21Dede Zeruiah napei Abishai pe sam keli nah rangdi, “Aide ziemne Shimei de teitset di kerabe meni, kedanemene pa RAMPAUBE ne keniak kelube de reset kedine?”22Pecai David rangdi, “Ncu Ih keu daipai tei laino, nnui Zeruiah napeidung, nnui henai acu renia kelame teidi kecu? Henai Israel ga mipei keheibede de teitset dizie ni? Kedanemene henai Ih Israel reu hegwang lie kecu ci kemakne?”23Cine hegwangpei Shimei dage rangdi, “Nang au tsai lak.” Cine hegwangpei peda pe sampet eh pe sam kaibeu.24Pecai Saul napei Mephibosheth hegwangpei de redau kera nghung. Pa hegwangpei tet kedibe nai gade pa kilung ga pe lungciep eh gwang kemaktane pa pepi hui ma, mede pe geitangmai tai ma, mede penia heta ma.25Cine pa Jerusalem gade hegwangpei de redau kera gwang kecudau, hegwangpei pe dage rangdi, “Mephibosheth dai ziemne nang acu nzang tet meno?”26Pa pe sam keligai, “A kedibo hegwangpei, a kilabe ne acu cwadi lie, kedanemene Ih rang eh, ‘Ih gada püt tei zie ciu eh Ih cide teu lwe hegwangpei de ngngwa tet zie, kedanemene n kilabe swah kecu ziemne.’27A kilabe Ziba acu kesiudi, n kilabe, a kedibe hegwangpei de. Dede hegwangpei a kedibe au Tinggwang samgwame nzwa lie. Ciziemne, n miakngau gade keyibe tei lulo.28Kedanemene a pei kilungme pelane tsai kedime a kedibe hegwangpei dwa gade, dede nang au n kilabe de peu n taktyei bam gade ncu ngngwa taktyei kelame kebam ga kaibeu. Ciziemne Ih daipai nzeu ge bam nau Ih hegwangpei dage cude hapgai si kera?”29Pecai hegwangpei pe dage rangdi, “Daitei magede rangsi au no? Ih peu Ziba nah ncu de peu luhdung mzi kera cetlu da.”30Cine Mephibosheth hegwangpei sam keligai, “Yeo, peu pecu luu ciaklu, kedanemene a kedibe hegwangpei yi eh pe kilung gwang canglu delu.”31Pecai Gileadme pei Barzillai pa hegwangpei de ngngwa Jordan kahpet kerane Rogelim gade nghung, nah pa hegwangpei de ngngwa Jordan kah pet.32Cu Barzillai hecing sütti, pa mmi riakheset di. Pa hegwang pei teumai kesiadung rengei beu pa Mahanaim ga kebam dau, kedanemene pa mahei süt kecume ge cune.33Hegwangpei Barzillai dage rangdi, “A taiga gwanglu, nah iciude Ih ncu a taiga Jerusalem ga bam kera n mapie beuzie.”34Barzillai hegwangpei sam keligai, “Zie daikieege a teilung ga bang bam reuno, Ih hegwangpei de ngngwa Jerusalem ga nghang kera?35Ih mmi riakheset dida. Ih keyi kesia ci ntsam lubui ni? N kilabe Ih ketyeibe mede Ih kesakbe nsi lubuini? Ih mipui lei ketei nah mipeidung lei ketei kwa siu dai lubui ni? Ciuciucai, daitei n kilabe a mpaube hegwangpei de teikeherei lai?36N kilabe au hegwangpei de nzang delwe Jordan ga kah gwang neulie. Dai ziemne hegwangpei cikenzwa ziehi le a ziehi teibeu laino?37Kehereide peu n kilabe de kilung caili dai dilu, ciu eh Ih a namdi ga a pui a pei rau taiga de tsailu kerane. Dede pielo, aika n kilabe Kimham bam. Peu pecu a mpaube hegwangpei de nzang kah gwanglu, nah pe ziemne nangne yi kerabe tei lulo.”38Hegwangpei sam keligai, “Kimham acu ngngwa kah gwang zie, nah Ih pe ziemne n dade keyibe teibeu zie, nah nang a dade hengim kelabe, Ih cide n ziemne teibeu zie.”39Pecai mina pelane Jordan kahpet lu, nah hegwangpei kah gwang, nah hegwangpei Barzillai de kemam gai nah pecu samlambeu. Pecai Barzillai pe kiga cailigwang di.40Cine hegwangpei Gilgal ga kah gwangdi, nah Kimham pecu ngngwa kah gwanglu. Judah reugwame pelane nah Israel reugwame pempie gene hegwangpei de nzang gwanglu.41Tiemene, Israel ga mipei pelane hegwangpei da gwang kecu teidi nah hegwangpei dade rangdi, “Dai ziemne anui siname, Judahme peidung, ncu rega teu tetdi no delwe hegwangpei nah pe kilungme de Jordan reu ga ngngwa gwang no, nah David minadung pelane pecu ngngwa lano?”42Cine Judahme peidung Israelme peidung dage sam keligai, “Cide pekie kedanemene hegwangpei anuide kenna mege kecu ziemne ni. Ciucai daitei nnui aide ziemne nnui rata au no? Anui hegwangpei ne pemi tei kera mage tyei dini? Pa anuide mapeudung peu ni?”43Israelme peidung Judahme peidung de sam keligai, “Anui heleuh kerei hegwangpei de kenna kecu bam, cine anui nang swade David de nna ki kecu bam. Iciucai daitei nnui anuide ngaurau lano? Anui hegwangpei de ngngwa gwang dai kera kerang de siu raitu meni?” Dede Judahme peidung samdung au Israelme peidung samdung swade sia gwadi.
Bridge Connectivity Solutions Pvt. Ltd.