Corinthiame Kenabe8
1Cu anui nnuide peu cigai neula, sinamedung, Tinggwang ngaugia Macedonia ngqwadung dage peu kegaide,2kehereisüt eh kedak kecu ting ga, penui suiyisüt nah penui magah süt liede mbang süt eh mide ma pwapeu.3Ih rangmci lia gaila, penui teilukebui nzüt gade, nah peulu kebui nreu, neu ngnga eh peu kegai,4penui kemcime de ngha kecu tade ga ngngwa heta tei kera ziuyi keyi peulo anui dade penui ngngia kiesünne gai.5Nah penui aide anui cet mning kebam nzwa teima, dede Tinggwang lungning gade keraibe penuide kaipwa Tinggwang de peu nah pecai anui dage.6Cine anui Titus de kecunggai, pa ngaugia ta aide tei ndeukelu nzwa pa tei kelade nnui kakga cide teigwang canglu kerane.7Dede nnui maleune gade—kenlum, kerang, maci, nah laikai tei kegai leune gade, nah anuide keku ga, yiki kebam nzwa, ngaugia ta aide gade nnui yiki lu maisia.8Ih aide aja ge nzwa rang ma, dede nnui laikai tei eh mi kedame dage heta tei kecu ga nnui keku kesang de pie kerane.9Kedanemene nnui anui Rampaube Jisu Khrista ngaugia de cibam, pa mahei liede, nnui ziemne kegahme ge tei, ciu eh pe magah de ziemne nnui maheilu kerane.10Cine Ih aipau hade ga a lungcet nzi gaila, aide nnui gwang kedi mmi ga tei ndeu kelu rünne ma, dede neungga eh cide teilu neukelade nnui ziemne kemmi ge.11Cine cu cide de teicang lulo, ciu eh nnui neungga eh teilu neu kela nzwa, neugga eh cide tei canglu kerane, nnui da kebam de teu delwe.12Kedanemene nnui neungga eh bam cai, mige kebam nzüt gade cide luu lubui, pa bam kemak nzüt gade di mene.13Kedanemene aide nnuide teikeherei delwe mi kedage de peu reluilu kera ziemne ma, nah kerane ma, dede kensambe peu bamlu kera ziemne.14Cu ting ga, nnui da mahei kebam de penui teu maisia kebam ziemne da, ciu eh penui mahei de nnui teu mai kesia dau ziemne zie, ciu eh kensambe bamlu kerane,15ainzwa eh kesanglaisiu ga rau teula: “Hekwa kieesüt kelume de magede bangswa ma,nah kecam nage hekwa kelume de cam dima.”16Dede Tinggwang de twa, pa Titus lung ga anui nzwa nnuide ngngha neusüt kecu lung teigai kebeune.17Kedanemene pa anui rang kegaide luu kelu rünne ma, dede neungga eh pa pekatei cet mning kelu gade nnui da gwang.18Pecu ngngwa anui sinabe pe samliakeyi ta keteide ziemne ngqwa leune twabam kelabe de anui langgai dida.19Nah aide rünne ma, dede pecu ngqwadung ne kedetlu, anui hebeuh ketei ga anui kangngwa tei kera nah Rampaube kendu ziemne anui tei kebam ngaugia ta ketei ga anuide ngngwa heta tei kera, nah anui nghaneu kelade keulia lu kerane.20Anui aide riem sünne lu, ciu eh anui mbang eh kepeu ta tei kebamde ziemne peu migede de anuide mmaudi melu kerane.21Kedanemene anui Rampaube dwade rünne ma, dede mina dwade de dai petau bi tei kera mrai riemlu.22Penaide ngngwa anui sinabe pecu ma kekiee gega mcet siakte gai, nah laikai tei kela ngau kelube de anui langgai la. Nah pa cu laikai tei ki dida kedanemene nnui da pa pekenlum kedi ge kebamne.23Titus au a zangbe nah acu ngngwa nnui ziemne heta teikelabe. Titus de nzangkela anui zangmedung cai, ngqwadung ne penuide langgai nah Khrista de kendu teugwang beula.24Cine ngqwadung dwade penuide nnui mide ku kelade nah anui nnui ziemne hegie kelade lia gailo.
Bridge Connectivity Solutions Pvt. Ltd.