योना2
1तेवी योना मासान पेटा माय रेन आपणा बोगवान यहोवाह विन्ता केरीन केयो,2“जुलबुखे मी दुखा माय पोड़ीन विन्ता किरेल,तेवी यहोवा बोगवान मारी विन्ता होमेल लियेल,ती केली माय रेन मी आयड़ी उठनो,तेवी तु मारी होमल्यो।3तु माहु देरीयान उंडालाम टाक दियेल इतो;मी उकालान विची माय पुड़ेल इतो,तारा बोड़कायेल आखा जेलखा एने जावटा मार उपेर रेन वोय गीया।4तेवी मी कियेल, मी तारा डोलान सामने रेन निकालाय गीयो।एवी मी किहीक तारा चोखाला मोंदिर ने उगे पुशो देखुह?5मी पाण्या माय न्या वोर बुड़ेल इतो काय जीव जाणे केरतालो,उंडालो देरीयो मार कावदेन एतो।हेवाल्यो मार मुंडा माय लेटकी रियेल एतो।6मी बोयड़ान थुड़ाम पोच जायेल इतो।मी बुयारा माय कायेम ने केरता कोंडाय जायेल इतो।तीबी एय मारा यहोवा बोगवान, तु मार जिवाह मोतीन खोयाराम रेन काड़ेल हे।7जेवी मी बेसुद एण्योस इतो, तेवी मी बोगवानाह एर किऱ्यो,तेवी मारी विन्ता तुवा फायएने तारा चोखाला मोंदिर माय पोचनी।8जा माणहे दोकान फालतुक वोस्तु पोर मोन लागाड़तेहता गीण केरनार बोगवानाह सोड़ देतेह।9पुण मी उपकारान गीत गावीनतारी बोली चेड़ावुह,जी मानता मी मानेल हे,तीह मी पुरी केरूह।सुटकारो बोगवाना फाय रेच ने हे!”10तेवी बोगवान मासाह उकुम आप्यो, “तेवी मासो योनाह देरीयान मीरे उगाल देनो।”
The Word for the World International