योना1
1अमितेन बेटाख योनाह यहोवा बोगवान केयो,2“पोला मोटला हियोर निनवे माय जा, एने तावाला माणहान बुराय ने विरूद पारचार केर, काहाकाय तान खाराब कामान चेर्चा मार फाय वोर पुचेल हे।”3पुण योनाह बोगवानान वात नाह होमेलनु एतो; केरीन याफा हेयराम जाएन तर्शिश गावाम जाणार एक डोंडह्याम बाड़ो आपीन बोह गीयो, काय यहोवा बोगवानान सामने रेन तर्शिश माय नाह जाव।4तेवी यहोवा बोगवान देरीया माय मोटलो वादोण, एने वारो मुकल्यो तेवी डोंडह्यो मुड़ मुड्याम एतो।5तेवी आखा डोंडह्याह चालाड़णारे माणहे बिन जीव जीवान देवताह विन्ता केरने बाज गीया, एने डोंडह्या माय ज्य सोमान एतो ताह देरीया माय टाकणे बाज गीया काय डोंडह्यो फोवरो एय जाय, पुण योना डोंडह्यान नेल्ला खासा माय उतरीन हुव जायेल इतो।6तेवी डोंडह्यान मुखी योना फाय जाएन केयो, “तु काहा हुवेह? उठ, तारा देवताह विन्ता केर, एय सिकेह काय तारो बोगवान आपणी कालजी केरी, एने आपुह नाय मारी।”7तेवी ता एका दिहराह केया, “आवो आपु चिट्ठी टाकीन जाण लेता काय जी गीऱ्या कुणीन कारेण आयेल हे।” तेवी ता चिट्ठी टाक्या, एने चिट्ठी माय योनान नाव निकेलनो।8तेवी ता योनाह फुशा, “आमुह के ज्यी गीऱ्या काहा आवीह? तु काय काम केरने? तु कावालो हे? तु काल्ला देसान एने काल्ला माणहाम रेन आयेल हे?”9योना ताह केयो, “मी इब्री हे, एने हेरगावाला यहोवा बोगवानान जो देरीयो एने देरती दुयाह बाणायेल हे, तान बोक्ती केरनार हे।”10तेवी ता जुलूम बिय गीया, एने केणे बाज गीया, “तु ज्य काय किरेल हे?” योना यहोवा बोगवाना हिऱ्यो रेन सिटो नाहणे बाजरिनोह, जी वात ता माणहे जाणताला, काहाकाय योना ताह खुद किय दियेल इतो।11तेवी ता योनाह फुशा, “आमु तार हेऱ्या काय किरज्यो काय देरीयो ठावको एय जाय?” तुलबूखे देरीयान जेलखा वोड़तेच जाताला।12योना ताह केयो, “माहु उखलीन देरीयाम टाक दिवो, तेवी देरीयो ठावको एय जाय, काहाकाय तुमरी पोर जी गीऱ्या मार वोजेसे आयेल हे।”13तीबी ता जुलूम मेहनेत केरीन डोंडह्याह चालाड़ीन मेराम लिजाणे होदताला, पुण ताह नाह पोचानो, काहाकाय देरीयान जेलखा वोड़तेच जाताला।14तेवी ता माणहे बोगवानाह आयड़ीन केया, “आमु मोन लागाड़ीन तारी विन्ता केरतेह, ज्या माणहान जीवान बोदले आमुह मा मारहे, एने निरदोसान खुनान गुनो आमु पोर मा लागाड़े, जी तारी मोरजी एती तीस ईयेल हे।”15तेवी ता माणहे योनाह उखलीन देरीयाम टाक देना, तेवी देरीयान मोटला जेलखे थोप गीया।16तेवी ता माणहे बोगवानाह जुलूम बिना, एने ताह बोली केऱ्या एने मानता मान्या।17बोगवान देरीयान एक मोटला मासाह मुकल्यो काय योनाह गील जाय, एने योना ता मासान पेटा माय तीन दिह एने तीन रात रिनो।
The Word for the World International