Luke24
1ตั้งแต่ แตคันอะรอยแมงูเดะ ออลางบินัยพาปะนาหะหอบ ที่มะเตรียม ลากาวบูห่า2ออลางปอแหงปะะหนา มะโตย แบดดาลานบูห่ากะ3และปอแหง ลาม้า มะหวังที่สีดาเยซูมะตายก่อ ลามาวห่ะ4ตอนหยู ปอแหงมะคิดดาลานหยู หน้ากะนัยทูหวา ดีลุย แนนั้น หยานี้ปอแหง มะนาของหอบก่อมะหอบมะต่า5บิไนปอแหงหยู ก่อลากอด มองตานักหย่ะ กาไนทูหวา ดิลุยมะกาย ต้องปอแหง "กาแหย่มะหวัง มะนุดก่อเด็บ ดาลัมมะนุดมาไต เบอะหน่อล่า6"สีดาห่ะ พะโดย แต่สีดาลางอนเช้งกะ"มะคิดที่สีดามะกายมะสอนต้อง กาแหย่ สีดาหน่าดาลำภูหง่า กาลิลี7ว่า "อะนาดสีดา จะมะหน่าแองั้นมะนุดออลางบาป และเยามาซักกาแอ ซายัง และอะรอยที่ตะล่อย สีดา มอย เป็นเช้งบาและ"8ออลางบิไน มะคิดดาลานสีดามะกายมะสอน9พอ ปอแหงบาและจากบูห่า ออลางบิไน ก็มะกายหะที่ปอแหงลามาว มะกายอ้นตาพุงบิไน ตะเปอะแจด ดิลุยและออลางตาพุง10ออลางที่มะกายหยูเป็น อัครทูต(ออลางแมสาสีดา) มารีย์ออลางมักดาลา โยอันนา มารีย์อาน่องยากอบ และบิไนตาพุง ที่มะหน่าต้องปอแหง11แต่ออลาง อัครทูต แลหง่าห่ะ ปะนาว่าออลางโดยกายมะคิดเอง12แต่เปโตหยูลา-งอน มะดีดที่บูห่า เมื่อมาลีดบูก มะน้า บานาพะลุมหย่ะ หยาปาและตองกะไตคะมาดดาลัม ดาลานโดยหยู13อะรอยหยู หนาสาวกทูหวา ดิลุย ลากาว ที่ หมู่บ้านลามา เอมมาอูส ลาย๊อต ตองภูหง่า เยรูซาเล็ม ตะเปอะแจด กิโล14ปอแหงลี-บรัง ดาลานที่ปะนากะเดว15ตอนลี-บรังหยู ปอแหงมะแนะกันหยู สีดาเยซูลากาวหยานี่ปอแหงหยุ16แต่ มาตาปอแหงเยามะปิด เบาะต้องปอแหงมะจำ สีดา มอยห่ะ17สีดามะกายต้อง ปอแหงทั้งทูหว่าหยู" หะโจยลาเด่นโดย กาแหย่มะกายดาลานหน่อล่า " ปอแหงก่อมะนิง เบาะมาตา บูลาไง18มะนุดลามา เคลปัส ทะนะต้องสีดา " เบงเป็นออลางภูหง่า เยรูซาเล็ม อะบอหย่ะที่มะดันห่ะ ดาลานที่บูเป็นในช่วงโดย19สีดามะกายมะแนะ ต้องปอแหง "ดาลานเนอะล่า'' ปอแหงมะกาย ต้องสีดา "ดาลานที่เยซู ออลาง นาซาเร็ธ ที่มะกายลาเช ดะแง ดาลำลาเชกิจการ และคำมะกาย ต้องสีดาต้องมาตาหยุงออลางตาพุง20ออลางเดะ ปุโรหิตต้องออลางมะนำต้องกา มอย มะอ้นหยามะเยาจนมะไต และเยาติดที่กาแอ ซายัง21แต่กา มอย หน้า ความหวัง ที่ สีดา มะเป็นออลาง มะไถ่ออลางอิสราอล เดะกว่าหยู อะรอยโดย เป็นอรอยที่ตะล่อยก่ะ ตั้งแต่ดาลานหยู22หน่าบิไน ลาดุม ดาลำกาแหย่ที่เบอะตกโจยคะมาด ปอแหงลากาว ตอนแตคัน23แต หนามาว หะ คะลิ แลว ปอแหง มะกาว ออนแนงา ปะนา แมสา สีดา อะบอ หะ อยู หนา มะกาว เยซู หยู หยา หนา หยาหวา เด้24ดาดุม ปอแหง ลาเกา มาลีด พะ บูห่า อยู แลว ปะนา บะกู บัน บีนัย บันหยู มะกาว มะหนาหะ เยซู25แลว เยซู มะกาว ตอง ออลาง ทุหวา หยู "บันบูดอ ทุหวา กาไต ละไก ทีมะเชีอ หะ ตะมะเขียนแมสาสีดา หยู26สีดา จำตอง มาเก็ด บูหยู แลว นามา ดาลำ สีดา ก้า27แล้ว เยซู มะกาว ยาลาง ตะมะเขียน นอง สีดา ทนลาเปะ ออนปอแหง แนงา แตะ โมเสส ตอง ออลาง แมสาสีดา ลาเปะ28ตอน ดานี ก้า ออมาก ทีปอแหง ดานี ลาเกา หยู เยซู เบาะ ทีงาเกาลุย29ออลาง ทุหวา หยู มะกาว ตอง เยซู "เยซู นาดิน มาแอม อะแหง คะน้า ดานี กะมัน กะ" นองหยู เยซู ลาเกา พิง ตอนปอแหง30ตอน ดอก พะ กาเต่ หยำ จอน เยซู แมน ขนมปัง แมต้า นะมะ สีดา แลวงาตัก ออนปอแหง31นองหยู มาตา ปอแหง แบก ปะน้า ปอแหง จำ เยซูมอย แลว เยซู ละแงด ทนมาตาปอแหง32แลวปอแหงกอ มะกาว" หยาหวากาไต กอลาด ลาเปะ ที เยซู มะกาว ยาลาง ลาเซ สีดา33ปอแหง ทัง ทุหวา งางอน ทนนอง หยู แลว บาและ พูงา เยรูซาเล็ม แลว มะนา แมสาเยซู ทน จะเปาะแจด ดีลุย ดอกยีบัง อะแหง ทังตาพูง34ทน มะกาว "เยซู อะนาด สีดา หยู เป็น เอ็ก บาและ กะ หยา ออน ซีโมน ปะน้า35แลว ทุหา ดีลุย หยู ปอแหง กอ มะกาว นอง ยาลาง ที ปอแหง นามาว ยู นองยาลาง ที เยซู นาตัด ขนมปัง36คะนะ ปอแหง มะกาว หยู เยซู กอ นาดิน ออน ปอแหง ตาพู ปะน้า แลว มะกาว ตอง ตอง ปอแหง สะนุก ออนหนา ตอง กาแหย37ปอแหง ตาพูง ทนดีลุย หยู คะมาด กาไต ปอแหง คิด กาตอย38แลว เยซู มะกาว ตอง ปอแหง หยู "บันกาแหย คะมาด เบาะนอ ล้า เบาะนอ กาแหย หนา มะแนะ ดาลำ หยาหวากาไต ล้า39มาลีด พะ งัน ตอง กาไก โจย โดยโจยเอง มาลีด ลอล้อ โจย กาตอย หนาหะ ลอล้อ ตอง กะลาน กาแหย ปะน้า กะ โจยหนา"40พอ เยซูมะกาว ปี เยซู ออด ออนปอแหง ตาพูง มาลีด งัน ตอง กาไก41พอ ปอแหง เชีย แน่ หะเด้ อยู นองทน หยู เยซู มะแนะ ตอง ปอแหง พะโดย หนา อะนอ หยำ ก้า42หนา อะบอ แมน แอกาน ปะเนียง ออนตอง เยซู43เยซู หยำ แอกาน หยู ทอหนา ปอแหง ตาพูง44แลว เยซูมะกาวตอง ปอแหง " โดยเป็น คำตะโจย โจย มะกาว ตองกาแหย ตาพูง ตอนโจย แอม ตองกาแหย คำ ตาพูงที เขียน ดาลำ ลาเซ สีดา นองโมเสส ตอง แมสาสีดาหยู ตอง ดาลำ ยีแน สีดา หยู ที มะกาวตองโจย เบาะออนปีเบะ45แลว เยซู ตอลอง ออน หยาหวา แสง มะออน อะตี่ ตอง ลาเซสีดา46แลวเยซูมะกาว ตอง ปอแหง "หนาคำ มะกาว อะนาดสีดา มาไต ตอง มาเก็ด สีสะ แลวนองหยู หนาเป็น มะลอด บาและ นอง อะลอยทีตะลอย47ออน ประกาด ทนลาเปะ ทนพูงา ทน ดีลุย ดาลำ นามา ตะ สีดา ยาลาน เปลียน หยาหวา อะเซ็ง ปกบาป เบาะพะ พูงา เยรูซาเล็ม คะนา48กาแหย เอง เป็น พะยาน นองโดย ลาง49นองโดย โจย มาตัดออน ที อะปองสีดา มะสันหยู ออนมอเล็ง นอง กาแหย ออนกาแหย ลาเตียง พะ พูงา เตะ อะปูยสีดา มอเล็งพะกาแหย นองกะเนียง50สีดา มะบาแบดที่หมู๋บ้าน เบธานี และมะปอกงั้นอวยพรอ้อนปอแหง51สีดาอวยพรหน่าหยู สีดา-ลากาวต้องปอแหง52ปอแหง ตาพุง บาและ ภูหง่า เยรูซาเล็ม ต้องกาไตดะมันลาบัด53พอแหงตาพุงหน่าดาลำ โบสถ์ นับอะรอย สรรเสริญสีดา
Son Light Foundation