Luke23

1ปอแหง ลางอนพร้อมหยะ และมะบาสีดา ลาเกามะหวัง ปีลาต2และมะโตดต้องปอแหง "กามอยลามาวออลางโดย ปอแหงมะเบอะภูหง่าตรา ลาเกดาลานเช้ง3ปีลาต มะแนะ ตอง เยซู "เบง เป็น พะยา ตะ ออลาง ยิว ก้า" เยซู มะกาวบาและ "เบง มะกาวแทน โจย กะ4ปีลาต หนา มาหยาก ตอง ออลาง เจ้า ปุโลหิต ตาพูง "โจย ปะนา หะ กะตี โดย เบาะผิด นานุง5แต่ พอเอง มะเถียง บาและ "กะตี โดย หยาเบาะออน ตาพูง นองดีเซาะ นอง ยูเดีย นอง กาลิลี เตะก้า เอโดย6นอง ปิลาต แนงา หนา มะแนะ "กะตี โดย หยา เป็น ออลาง กาลิลี ก้า "7ตอน หยา มะดัน หยู หยา มาตัด ออน นอง เฮโรด พะ พูงา เยรูซาเล็ม นองหยู8นอง เฮโรด ปะนา นา เยซู หยา ดะมัน หนานะเอียง ยาลาน งาบัน นอง เยซู หยา งอด นามาว นองเยซู9หนา มะแนะ นอง เยซู นองมาจำ แต่ เยซู หยู มอยมะกาวหะ บาและ10บัน ออลาง ปุโรหิต ต้อง บัน อาจารย์ ที่ มะแอม พะ หยู ตาพูง มะกาว บานำ นอง เยซู11เฮโรด ตอง บะนา มาต้า พอเอง นาหวา เคาะคอ นาเยซู แล้วนอง หยู พอเอง แมน บายี อะมอนออนนอง เยซู มะลบ แล้ว มาตัด ออนนอง ปิลาต บาและ12ปิลาต ตอง เฮโรด อะมอน อะแหง บาและ นองตองหยู นองบูชี หยู พอเอง แต หะ13ปิลาต มะสัน ออน ออลาง ปุโรหิต ตอง ออลางหยู นาดิน ประชุม อะแหง14แล้ว มะกาว หนา พอเอง "กาแหย บะ กะตี โดย นาโจย มะตู่ นองมาจะ นาหยา นองตองโดย โจย มะคิด ทอ หนา กาแหย ตาพูง โจย ปะนา หะ นานุง ที กะตี โจย เบาะ นองกาแหย มะกาว15นอง เฮโรด กอ คิดละบูโจย ปะนา หะ กะตี โจย เบาะ นานุง บานำ หยา ควร หะ ที เยา มอนูก ดาต้า กะแอ ซายัง16โจย มะสัน ออน เคาะ หนาหยา แล้วนอง หยู ปลอย หยา1718แต ออลาง ตาพูง มะกาว เอ็ง ยาย นอง ออกัง "มอนูก หนาหยา แล้ว ปลอย นอง บารับบัส นอง แอต้า "19บารับบัส หยา เยา งับ หยา หยู เบาะบานำ ตอง มอนูก มะนุด20ปิลาต หยู หยา งอด ปลอย หนา เยซู หยา มะกาว พอเอง อะที21พอเอง ตาพูง มะยาย หยาย "แมน เยซู ลาเกา มอนูก พะ กะแอซายัง22ปิลาต มะแนะ หนา พอเอง นอง ครุบ ตะลอย หน "มอนูก เบาะน้อ ล้า หยา เบาะ อะน้อ ผิด ล้า โจย ปะนา หะ หยา เบาะ บานำ นองหยู เคาะ หยา ปี ปลอย หนา แบะ23แต ออลาง ตาพูง หยู มะหยาย มะกาว แมน หนา บะ มอนูก แล้ว ออลาง หยาย หยู ชะนะ24ปิลาต หยู มะสัน ตาม ที พอเอง หยู มะงอด ออน25แล้ว หนา ปลอย นอง กะตี ที มอนูก มะนุด หยู ลาเกา แล้ว เบาะ ตาม ที ออลาง พอเอง หยู งอดออนเบาะ26คะนา บะเยซู แบดนองพะ หยู พอเอง ปะนา ซีโมน ออลาง ไซรีน นาดิน นอง พะอะเซ็ง ออน กะแอ หนาหยา ออน มาคาน อะแหง เยซู27หนา มะนุด งาบัน มะแงน นา เยซู ลาเกา ทัง ออลาง บีนัย ที นาไงสีสะ กาไต28แล้ว เยซู มะกาว หนา ออลาง บีันย บันหยู "ดาลา ตาพูง นอง เยรูซาเล็ม นะนาไง ละ ออน มะงอน หนา กาแหยเอง ตอง อะนาด แกแหย29หนา อะยำ ทีกาแหย มะกาว "บันบีันย ที หมัน ที ละบอง มอยหะ บีนัย ที หนา หะ อะนาด หยู หนา สะนก30นอง ยำ หยู พอเอง คะนา มะกาว นา ดะไล "ออน ละเตาะ ดาต้า โจย แบะ " แล้ว มะกาว นา กาแพง "กูหนุบ โจย31เพาะ พอเอง เบาะ บูหยู นอง ออลาง อะมอน32หนา ทุหวา ดีลุย ทีเยา กะแอซายัง อะแหง เยซู33นอง พอเอง ก้า พะ "กะลาน อะตัก หยู พอเอง มะเคาะ เยซู นอง กะแอซายัง แล้ว มะอาก ตะหงาก กะตี ทุหวา หยู ปา พะ นานาน อะบอ พะ แอลอย อะบอ34แล้ว เยซู มะกาว "โอ้ อะปองสีดา แมตา สีดา ปก บาป ออลาง ตาพูง โดย พอเอง ดัน หะ พอเอง เบาะ อะน้อ แล้ว นอง หยู นับหยู งอเจียก บายี เยซู แบง35แล้ว มะนุด ตาพูง มอง หยู ออลาง อาจารย์ พอเอง หนาหวา เคาะค้อ หนาเยซู แล้ว มะกาว" หยา ตอลอง อะลาง อะเซ็ง เบาะ รอด มอย เบาะ ออย เบงเอง รอด มอย ถ้า หยา หยู เยา แมเลียก36บัน ทหาร มาต้า ตาพูง นาหวา ตาพูง แล้ว มาตัด แอลาบ บวก ออน หนา เยซู37แล้ว มะกาว "ถ้า เบง เป็น พะยา ตะ ออลาง ยิว ออนเบง มะรอด เองแบะ38พะ ดาต้า เยซู หยู มะเขียน "กะตี โดย หยา เป็น พะยา หะ ออลาง ยิว "39กะตี อะบอ ที เยา กะแอ ซายัง หยู หยา มะกาวหนา เยซู " เบง เป็น กะตี ที เยา แมเลียก ห่า เบาะ ออน เบง ตอง กาโมย มะรอด เด้ "40แต่ กะตี อะบอ เด้ หยู มะกาว " เบง เอง เยา โทษ เบาะ มาไต เทา ปา เบง ลากอด หะ ก้า ตอง สีดา อ้อ"41กาโมย โดย ควร กะ ทีเยา โทษ มาไต ต่ กะตี กานัย โดย หยามอยเบาะ หะ นานุงบานำ42แล้ว หยา มะกาว" โอ้ เยซู นะลองล้า หนา โจย ตอน เยซู นามา พะ ตานัด สีดา "43แล้ว เยซู มะกาว หนาหยาหยู "โจย มาหยาก ออนเบง มะดัน อะลอย โดย เบง มะแอม นา โจย พะดาตา กะเนียง "44นอง หยู อะลอย ตะหงาก กะเนียง ละอำ ก้า เคาะ ทุหวา ยำ45กะเนียง ละอำ จะวัด พะ โบสถ์ ปาเลียก ตะหงาก46แล้ว เยซู นาไงแบด "โอ้ อะปอง สีดา โจย แมตา มะอาก มางัด นอง งัน สีดา " นองเยซู มะกาว บูหยู หยาหวา หยา กอ ลาเกา ทอนนอง หยู47นอง หยู เจ้า ทหาร ปะนา บูหยู หยา นะมะ นอง สีดา " แนแน แล กะตี โจย หยา เป็น กะตี เยา แมเลียก "48มะนุด ตาพูง ที นาดิน มาลีด นองหยู พอเอง คามัน บาและ ทนนอง หยู49ตาพูง ที มะดัน นา เยซู ทัง ออลาง บีนัย ทีมะแงน เยซู นอง พะ กาลิลี พอเอง แนนั้น ปะนา นอง นาหยก50หนา อะบอ นามา โยเซฟ หยาเป็น ออลาง พะโบสถ์ หยาหยู กะตีอะมอน51หนา หยู มะคิด เทา หะ ตอง ออลาง บัน อาจารย์ ตาพูง โยเซฟ หยาหยู ออลาง อาริมาเธีย พูงา หะ ออลาง ยิว ออลาง ที งาเตียง ตานัก สีดา52หนา ลาเกา พะ ปิลาต แล้ว หยา แมตา ลอล้อ คะลี เยซู53ตอน หยา แมน ลอล้อ เยซู มอเล็ง แล้ว หยู หยาแมนจะวัด กูนุบ ลอล้อ นอง หยู แมนลอล้อ เยซู มะอาก ตะบง บาโตย พะตะบง หยู เคย หะ และ คะลี อะบอ54นองอะลอยหยู ดานี ก้า อะลอย เตียม อะลอย สะบาโต55บัน บีนัย มะแงน หนาหยา นอง กาลิลี แงน พะ ตะบง บาโตย หยู ทัง ปะนา คะลิลอล้อ เยซู มะอาก ชีพา ป้า56แล้ว บัน บีนัย บาและ เตียม บะนา แวน หอม พะ อะลอย สะบาโต อะลอย ปิง นอง คำ ลาเซสีดา

Son Light Foundation

https://app.library.bible/content/86fc02e206994549