Zekaria4
1Nami kung kowi ang hown kowh taklang mih kramamu uang plan hanow müi mih kowi kowh krüngah iawng uang lowk ang khai.2Now kramamu lünta ang mih, “Tawng chow en khi?” pakhai.
Now ang tek pe mih, “Kuh hown kowh maibu towng ang khi lowk. Nami maibu towng luk kowi maibu towk müa sau puh uowi lowk. Nami maibu towng kowi dow maibu uowi ranit klüng, now nami maibu maten kowi maibulia uowi ranit klüng chi chekhai.3Nami maibu towng ria kowi dow kanrawn uowi pre singh: hawmlawm pra uowi asingh, lakuai pra uowi asingh,” pakhai.4Now nami kramamu kowi ang lüntaah mih, “Aw chakramang, pai iawngün auan tawng chow?” pakhai.5Now aia klang ang mih, “Pai iawngün auan tawng chow, en tuk dowi ü?” pakhai.
Now ang tek pe mih, “Ang tuk dowi le chakramang,” pakhai.10 Khowt now kramamu tek ang mih, “Paimi maibu ranit klüng mih dow palusama kowi khila mih CHAKRAMANG kowh mik chekhai,” pakhai.11Now nami kramamu kowi ang lüntaah mih, “Paimi maibu towng ria re-e kowh hawmlawm pra lowk, lakuai pra lowk kanrawn singh uowi mih auan tawng chow?” pakhai.12Nami klen kowi ang plan lüntaah mih, “Paimi kanrawn singh mia pre buk mih atowr kowi kowh kuh rowng hownia kuh iawng asüachow mih sau uang lawt khai. Now nami sau dow kuh maibu towng luk kowi kowh uowi mih puh kowi uang hawr khai. Pai iawngün singh mia auan dow tawng chow?” pakhai.13Nakhowk khe aia klang ang mih, “Paimi singh mia pre buk mih auan tawng chow, en tuk dowi ü?” pakhai.
Now ang tek pe mih, “Aw chakramang, ang tuk dowi le,” pakhai.14Nakhowk khe aia tek ang mih, “Paimi singh mia pre buk mih auan dow palusama kowh CHAKRAMANG lup nachang kownkow nami sau phawk pe now nümah napah mih maru pre ia chekhai,” pakhai.6Now ang hown kowh taklang mih kramamu tek ang mih, “Mami dow Zerubabel tut-e kowh CHAKRAMANG laiklow chekhai. Lang kri lang kraing mih CHAKRAMANG tek mih: En matia kür hai en matia nowng changra hown nadowi. Tawkche ang lümla kür hown en nanowng chang kown, ang lang kri lang kraing mih CHAKRAMANG tek khowk.7Aw Zerubabel, akrat pusara mih lang kro mih hungh iawng uang uowi chepaw en tut-e dow tawngpaw nadowi chekhai; en pur kowi dow dowm anaima mih iawng nauang own kown. Ang kowh kim chimsaima mih en nachang iawk kown. Ang kowh kim chimsaima mih kowi kowh lang pankri mih hua dup mih khin khe dow maru kawmuüa mih, ‘Klangiung khai, lainowmma klangiung khai,’ padow nahow sawmlawm kown,” pakhai.8Nami kung kowi paw CHAKRAMANG laiklow mih ang Zekaria tut-e uang towm khai iawk.9Nami laiklow dow maiawng, “Zerubabel mih ang kowh kimchüng phük mih chekhai. Naiawng rakowi ang kowh kim chang chur kown mih paw aiamat rut hown naown kown. Nami khin khe dow ang lang kri lang kraing mih CHAKRAMANG amatni tut-e ang uang chin en mih chekhai pami maru-uüa natuk kown.10“Ditchow hown kowh awr uown changah mih lup kowi maru nüah klowkah dowi chekhai. Nachenganchepaw Zerubabel rut kowi kowh kim chang müa uanh khi hanow maru mih lainowmma naawmrawm bowt kown,” pakhai.
Now ang tek pe mih, “Kuh hown kowh maibu towng ang khi lowk. Nami maibu towng luk kowi maibu towk müa sau puh uowi lowk. Nami maibu towng kowi dow maibu uowi ranit klüng, now nami maibu maten kowi maibulia uowi ranit klüng chi chekhai.3Nami maibu towng ria kowi dow kanrawn uowi pre singh: hawmlawm pra uowi asingh, lakuai pra uowi asingh,” pakhai.4Now nami kramamu kowi ang lüntaah mih, “Aw chakramang, pai iawngün auan tawng chow?” pakhai.5Now aia klang ang mih, “Pai iawngün auan tawng chow, en tuk dowi ü?” pakhai.
Now ang tek pe mih, “Ang tuk dowi le chakramang,” pakhai.10 Khowt now kramamu tek ang mih, “Paimi maibu ranit klüng mih dow palusama kowi khila mih CHAKRAMANG kowh mik chekhai,” pakhai.11Now nami kramamu kowi ang lüntaah mih, “Paimi maibu towng ria re-e kowh hawmlawm pra lowk, lakuai pra lowk kanrawn singh uowi mih auan tawng chow?” pakhai.12Nami klen kowi ang plan lüntaah mih, “Paimi kanrawn singh mia pre buk mih atowr kowi kowh kuh rowng hownia kuh iawng asüachow mih sau uang lawt khai. Now nami sau dow kuh maibu towng luk kowi kowh uowi mih puh kowi uang hawr khai. Pai iawngün singh mia auan dow tawng chow?” pakhai.13Nakhowk khe aia klang ang mih, “Paimi singh mia pre buk mih auan tawng chow, en tuk dowi ü?” pakhai.
Now ang tek pe mih, “Aw chakramang, ang tuk dowi le,” pakhai.14Nakhowk khe aia tek ang mih, “Paimi singh mia pre buk mih auan dow palusama kowh CHAKRAMANG lup nachang kownkow nami sau phawk pe now nümah napah mih maru pre ia chekhai,” pakhai.6Now ang hown kowh taklang mih kramamu tek ang mih, “Mami dow Zerubabel tut-e kowh CHAKRAMANG laiklow chekhai. Lang kri lang kraing mih CHAKRAMANG tek mih: En matia kür hai en matia nowng changra hown nadowi. Tawkche ang lümla kür hown en nanowng chang kown, ang lang kri lang kraing mih CHAKRAMANG tek khowk.7Aw Zerubabel, akrat pusara mih lang kro mih hungh iawng uang uowi chepaw en tut-e dow tawngpaw nadowi chekhai; en pur kowi dow dowm anaima mih iawng nauang own kown. Ang kowh kim chimsaima mih en nachang iawk kown. Ang kowh kim chimsaima mih kowi kowh lang pankri mih hua dup mih khin khe dow maru kawmuüa mih, ‘Klangiung khai, lainowmma klangiung khai,’ padow nahow sawmlawm kown,” pakhai.8Nami kung kowi paw CHAKRAMANG laiklow mih ang Zekaria tut-e uang towm khai iawk.9Nami laiklow dow maiawng, “Zerubabel mih ang kowh kimchüng phük mih chekhai. Naiawng rakowi ang kowh kim chang chur kown mih paw aiamat rut hown naown kown. Nami khin khe dow ang lang kri lang kraing mih CHAKRAMANG amatni tut-e ang uang chin en mih chekhai pami maru-uüa natuk kown.10“Ditchow hown kowh awr uown changah mih lup kowi maru nüah klowkah dowi chekhai. Nachenganchepaw Zerubabel rut kowi kowh kim chang müa uanh khi hanow maru mih lainowmma naawmrawm bowt kown,” pakhai.
The Seed Company