Meng Klo1
1Mami dow mang Sawlawmawn kowh meng maten kowi kowh lang iung mih meng chekhai.2Aw ang kowh klanguüa, ang kowi krawi sur krawi nam ang diah.Tawngplawng kowchow panow en kowh sakraura dow grep tui lak-e lang iung chekhai.3En phawkah mih sau nam hown dow ang sak sowr lai kowbow,en kowh ming iung dow en phawkah mih anam iungma mih sau iawng chekhai.Naiawng rakowi malauüa hawmh dow naukhi en khai.4Mang kowi ang tek pe mih, “Sakkrowng bowt, ang kowh mang,sakkrowng bowt, pawla ang bowt,” pakhai.Nahanow mang dow aia kim kowi pawla ang khai.Jerusalem masiuüa hawmh kowh laiklow:Anging dow en hown naawmrawm hai napiaw kown,grep tui lak-e en kowh sakraura kowi anging nalang kiow en kown.Amatni naukhi en mih dow lainowmma na chekhai.5Aw Jerusalem masiuüa hawmh,ang dow anumma chepaw klangiungma chekhai.Ang dow Kedar kowi kowh tangbung iawng chekhai,ang dow Sawlawmawn kowh tangbung uaniang iawng chekhai.6Ang num khai pache naiawng amik sang hauang mü ang diah,ang num mih dow sat den ang lai kowh chekhai.Ang rakmauüa dow kunmarau rakowi pe mingkhet ang grep krum khai.Naiawng rakowi ang kowh kow mih klangiungma ang ia mingkhet dowi chekhai.7Aw ang kowh klanguüa, tek ang diah,tawng kowi chow en kowh ruapur hawmh kowi en cham thingah?Now sat downg khe tawng kowi chow en kowh ruapur hawmh kowi en cham pe tanaiah?Tawngplawng kowchow panow en hown taiua thing ruapur miuüa pungmadawng kowi uowi kown ang nau dowi,amatni pungmadawng kowi chawkkrawma iawng uowi kown ang nau dowi chekhai.8Aw lang klangiung mih malauüa, ang uowi rah che en tuk dowi hanowruapur hawmh kowh khawk kung rowkrowk uang krawi uang bowt,now ruapur thing miuüa tangbung re-e en kowh rua chauüa kowi thingah bowt.9Aw ang kowh manau, en dow kawrngama iawng chekhai,en kowi dow mang Faraw kowh kari küng mih kawrngala maten ir en khai.10En kowh ramseng rakowi en kowh ngeupa mih lainowmma klangiung khai,now ngawng kowi paw keng ük lainowmma en lahawm khai.11En vüi kowi dow anging nathawp en kuh ramseng kown,nami kuh ramseng kowi dow tai hown nathawp pe bawng kown.12Mawk rah kowi ang kowh mang mawk khe paingbawng nam mih krawi tahu suanglang khai;mawk rah kowi ang kowh mang mawk khe ang kowh paingbawng nam mih krawi tauet khai.13Ang kowh klanguüa dow paingbawng towk müa im chah iawng chekhai,nami im dow ang kowh iawn takra kowi ang towah reng chekhai.14Ang kowh klanguüa dow paingbawng pau tuh iawng ang tut-e klangiungma chekhai.Nami dow En-Gedi pami grep krum kowi kowh awr pau reng mih iawng chekhai.15Aw ang kowh manau, en dow klangiung lai kowbow!En dow lainowmma klangiung khai.En kowh mik dow uatur iawng klangiungma chekhai.16Aw ang kowh klanguüa, en dow klangiung lai kowbow!En dow lainowmma klangiung khai.Achi kowh mawk rah dow pram singma mih dawng kowi chekhai.17Sidar singh dow achi kowh kim klowng chekhai,now karpowng singh dow achi kowh klawngdawng chüng chekhai.
The Seed Company