Ruth4
1Boaz dow marow tapplawt kowi kowh arasang maru kawmuüa takua talawmra kowi kowkowi hanow kowchowm khai. Nakhowk khe Elimelek hown lang tasin taken mih maru nami tiama iawng haimang khai. Naiawng rakowi Boaz hawah now tek pe mih, “Tainau, mami re-e uang chowm diah,” pakhai. Nahanow nami maru mih kowkowi hanow kowchowm khai.2Nami kung kowi Boaz dow marow kowi kowh lawngtang aluchowuüa kowi hawah hamüt ia khai. Now aia tek pe mih, “Chowm büa diah,” pakhai. Nahanow kowbüah dow chowm khai.3Nakhowk khe Elimelek hown lang tasin taken mih maru kowi Boaz tek pe mih, “Moab pren hownia Naomi uang plan khowk. Aia mih a-i kowh tainau Elimelek hownia kowh kaah mih krawng bawn sumta kown pe.4Naiawng rakowi nami lawnguan pe tuk pe tala en kown takla padow ang tatuak khai. En mih mami re-e kowh maru kawmuüa pur kowi hai ang chennawi kowi kowh lawngtang aluchowuüa pur kowi nami krawng bawn en che nau now ran diah. Tawkche en che ran kown nau dowi hanow tek ang diah. Tawngplawng kowchow panow nami krawng bawn naran kown mih alow lang uowi mih dow en chekhai, now ang dow en kung kowi chiang,” pape khai.
Nakhowk khe nami maru tek pe mih, “Ow, ang ran kown,” pakhai.5Nakhowk khe Boaz tek pe mih, “Naomi hownia nami krawng bawn en ran mih ni khe Moab chenchap Ruth kowi paw en nachawng kown takla. Nahanow en hown kowh Ruth nakaah kown mih chapa dow Ruth kowh kowng mih hua ming hai dawngthawnguan mih naia ta powng town kown towbowt,” pakhai.6Now Naomi kowi ta ming ta khet kownkow alow uowi mih maru tek mih, “Naiawng chekhai hanow nami krawng bawn ang ia ran dowi tham. Tawngplawng kowchow panow nami dawngthawnguan dow ang matia kowh chauüa naka powng kown nadowi. Ang ia ran dowk chedow en matia ran towbowt,” pape khai.7Ari arow kowi uowi iawng ran dawngthawnguan hai tasum taran dawngthawnguan khai hanow achük alai khe kowh Israeluüa dow maiawng hai chang büah khai: Asum miia mih aia kowh phanaikhawk klüpah apra hanow aran miia kowi peah reng chekhai. Naiawng hai Israeluüa mih naiawng mih lawnguan kowi churah reng chekhai.8Naiawng rakowi nami maru tek pe Boaz mih, “En ran diah towbowt,” pakhai. Nahanow nami maru dow aia kowh phanaikhawk klüpah apra hanow Boaz kowi ap pe khai.9Nakhowk khe lawngtang aluchowuüa hai nami re-e kowh maru maten kowi Boaz tek pe mih, “Elimelek, Kiliawn hai Malawn büah kowh dawngthawnguan maten mih Naomi hownia ani mih ang ranta khowk pami saksi dow enni uowi khowk.10Now kowng mih maru kowh ming hai dawngthawnguan naia townla reng kownkow Malawn kowh masi Moab chenchap Ruth kowi paw ang nachangla masi kownkow ang ranta khowk. Nahanow ang hown kowh Ruth nakaah kown mih chapa dow ahua kowh ming hai dawngthawnguan naia town kown towbowt. Naiawngün lawnguan kowi kowh saksi dow ani mih enni tawi uowi khowk,” pakhai.11Now lawngtang aluchowuüa hai marow tapplawt re-e kowh uowi miuüa maten tek mih, “Ow, saksi dow anging uowi chow. CHAKRAMANG dow en kowh masi kowi mih Rahel hai Leah iüah kowi kowh iawng ahuma pacham pe kaah chauüa lah. Israel krungchakuüa dow Rahel hai Leah iüah hownia kowh chekhai. En dow Efrat krungchak pungmadawng kowi kowh kurengma mih maru iawng pacham kureng lah, now Bethlehem kowi dow en kowh ming iung nang iung pacham tahowng lah.12Nami masiuüa hownia kowh CHAKRAMANG nape en kown mih krungchak dow Juda hai Tamar iüah kowh chapa Perez krungchak iawng pacham phaw lah,” pabüah khai.13Naiawng rakowi Boaz dow aia kim kowi Ruth kowi pawla khai, now Ruth dow aia kowh masi uang chowng khai bowt. Now Boaz dow Ruth hown taphua taiua hanow CHAKRAMANG mih Ruth kowi pe kumah nau khai, now Ruth dow ka chapa lowk ia khai.14Naiawng rakowi akeng mih masiuüa hawmh tek pe Naomi mih, “CHAKRAMANG dow akiow pacham uowi lah! Tawngplawng kowchow panow naming nakhet en kownkow aia dow pe ka en chu lowk ia khai. Israeluüa pungmadawng kowi en chu kowh ming iung nang iung dow pacham tahowng lah.15Aia dow en vüi chownglawng sar pauang cham pawla en lah, now en lawngtang khe pat aia dow pacham mingkhet en lah. Tawngplawng kowchow panow aia dow en kowh iaumow penah mih chapa chekhai. En kowh iaumow dow lainowmma sakrau en khai; aia dow chapa uowi ranit ia mih lak-e en tut-e lang iung chekhai,” pabüah khai.16Naomi dow nami ngeuüa kowi paiah khai, now mingah khetah khai bowt.17Now aia kimping namkhet masiuüa hawmh tek mih, “Naomi ka kachakuüa chah lowk ia le!” pabüah khai. Amatni dow nami kachakuüa chah kowi Obed pahai rük pe ming khai. Obed kowh chapa dow Jese, now Jese kowh chapa dow David chekhai.18Mami dow Perez krungchakuüa chekhai. Perez kowh chapa dow Hezrawn;19Hezrawn kowh chapa dow Ram; Ram kowh chapa dow Aminadab;20Aminadab kowh chapa dow Nasawn; Nasawn kowh chapa dow Salmawn;21Salmawn kowh chapa dow Boaz, Boaz kowh chapa dow Obed;22Obed kowh chapa dow Jese; now Jese kowh chapa dow David chekhai.
Nakhowk khe nami maru tek pe mih, “Ow, ang ran kown,” pakhai.5Nakhowk khe Boaz tek pe mih, “Naomi hownia nami krawng bawn en ran mih ni khe Moab chenchap Ruth kowi paw en nachawng kown takla. Nahanow en hown kowh Ruth nakaah kown mih chapa dow Ruth kowh kowng mih hua ming hai dawngthawnguan mih naia ta powng town kown towbowt,” pakhai.6Now Naomi kowi ta ming ta khet kownkow alow uowi mih maru tek mih, “Naiawng chekhai hanow nami krawng bawn ang ia ran dowi tham. Tawngplawng kowchow panow nami dawngthawnguan dow ang matia kowh chauüa naka powng kown nadowi. Ang ia ran dowk chedow en matia ran towbowt,” pape khai.7Ari arow kowi uowi iawng ran dawngthawnguan hai tasum taran dawngthawnguan khai hanow achük alai khe kowh Israeluüa dow maiawng hai chang büah khai: Asum miia mih aia kowh phanaikhawk klüpah apra hanow aran miia kowi peah reng chekhai. Naiawng hai Israeluüa mih naiawng mih lawnguan kowi churah reng chekhai.8Naiawng rakowi nami maru tek pe Boaz mih, “En ran diah towbowt,” pakhai. Nahanow nami maru dow aia kowh phanaikhawk klüpah apra hanow Boaz kowi ap pe khai.9Nakhowk khe lawngtang aluchowuüa hai nami re-e kowh maru maten kowi Boaz tek pe mih, “Elimelek, Kiliawn hai Malawn büah kowh dawngthawnguan maten mih Naomi hownia ani mih ang ranta khowk pami saksi dow enni uowi khowk.10Now kowng mih maru kowh ming hai dawngthawnguan naia townla reng kownkow Malawn kowh masi Moab chenchap Ruth kowi paw ang nachangla masi kownkow ang ranta khowk. Nahanow ang hown kowh Ruth nakaah kown mih chapa dow ahua kowh ming hai dawngthawnguan naia town kown towbowt. Naiawngün lawnguan kowi kowh saksi dow ani mih enni tawi uowi khowk,” pakhai.11Now lawngtang aluchowuüa hai marow tapplawt re-e kowh uowi miuüa maten tek mih, “Ow, saksi dow anging uowi chow. CHAKRAMANG dow en kowh masi kowi mih Rahel hai Leah iüah kowi kowh iawng ahuma pacham pe kaah chauüa lah. Israel krungchakuüa dow Rahel hai Leah iüah hownia kowh chekhai. En dow Efrat krungchak pungmadawng kowi kowh kurengma mih maru iawng pacham kureng lah, now Bethlehem kowi dow en kowh ming iung nang iung pacham tahowng lah.12Nami masiuüa hownia kowh CHAKRAMANG nape en kown mih krungchak dow Juda hai Tamar iüah kowh chapa Perez krungchak iawng pacham phaw lah,” pabüah khai.13Naiawng rakowi Boaz dow aia kim kowi Ruth kowi pawla khai, now Ruth dow aia kowh masi uang chowng khai bowt. Now Boaz dow Ruth hown taphua taiua hanow CHAKRAMANG mih Ruth kowi pe kumah nau khai, now Ruth dow ka chapa lowk ia khai.14Naiawng rakowi akeng mih masiuüa hawmh tek pe Naomi mih, “CHAKRAMANG dow akiow pacham uowi lah! Tawngplawng kowchow panow naming nakhet en kownkow aia dow pe ka en chu lowk ia khai. Israeluüa pungmadawng kowi en chu kowh ming iung nang iung dow pacham tahowng lah.15Aia dow en vüi chownglawng sar pauang cham pawla en lah, now en lawngtang khe pat aia dow pacham mingkhet en lah. Tawngplawng kowchow panow aia dow en kowh iaumow penah mih chapa chekhai. En kowh iaumow dow lainowmma sakrau en khai; aia dow chapa uowi ranit ia mih lak-e en tut-e lang iung chekhai,” pabüah khai.16Naomi dow nami ngeuüa kowi paiah khai, now mingah khetah khai bowt.17Now aia kimping namkhet masiuüa hawmh tek mih, “Naomi ka kachakuüa chah lowk ia le!” pabüah khai. Amatni dow nami kachakuüa chah kowi Obed pahai rük pe ming khai. Obed kowh chapa dow Jese, now Jese kowh chapa dow David chekhai.18Mami dow Perez krungchakuüa chekhai. Perez kowh chapa dow Hezrawn;19Hezrawn kowh chapa dow Ram; Ram kowh chapa dow Aminadab;20Aminadab kowh chapa dow Nasawn; Nasawn kowh chapa dow Salmawn;21Salmawn kowh chapa dow Boaz, Boaz kowh chapa dow Obed;22Obed kowh chapa dow Jese; now Jese kowh chapa dow David chekhai.
The Seed Company